الموضوع: جميع إجراءات البيع و الشراء للمستعمل

المشاركة الأصلية كتبت بواسطة eska

محتاج حد يطمني والنبي
اشتريت عربية انهاردة بتوكيل وده التوكيل التالت الرخصة هتنتهي في 2015 المشكلة بقى ان التوكيل الاول ماكنش فيه" التعامل مع اجراءات المرور" والموظفة في الشهر العقاري قالت مش هيتكتب في التوكيل بتاعي ومكتبتهاش ...هل كده في مشكلة لما اجي ابيع لنفسي بعقد في الشهر العقاري وانقل الرخصة باسمي ...الرخصة تبع مرور السلام وانا مرور الوايلي او القوات المسلحة ياريت تقولولي عشان خايف احتاس
الحاجة التانية هل لازم كل التوكيلات يبقى فيها الختم الصغير اللي فيه ارقام كبيرة ده جنب ختم النسر لان التوكيلين الاول والتاني فيهم واللي عملناه انهاردة مفيهوش

موظف الئشهر العقاري لا يستطيع إضافة اي صلاحية في توكيل ما لم تكن هذه الصلاحية مذكورة في التوكيل السابق
اما موضوع التعامل مع المرور فانت لست في حاجة اليه طالما ستقوم بالتسجيل ونقل الملكية في الشهر العقاري قبل انتهاء الرخصة
اما التعامل مع المرور فسيكون بالعقد المسجل بموجب التوكيل وليس التوكيل

المشاركة الأصلية كتبت بواسطة meemo

انا هبيع عربيتي اخر الاسبوع بس زوجتي هي اللي هتخلص الاجراءات ومعها توكيل عام رسمي هل ينفع علشان واحد زميلي افتي ان الشهر العقاري دلوقتي مش بيعمل توكيل من توكيل ده صحيح كمان الرخصة بتاعت العربية لغاية 2015 لازم شهادة بيانات ولا كافية شهادة المخالفات واخر سؤال معلش البيع والفلوس كله هيتم امام الشهر العقاري يعني هتقبض المبلغ كله امام الشهر العقاري وتعمل التوكيل وتسلم العربية يبقي ملوش لازمة عقد البيع الابتدائي صح؟؟؟؟؟؟
وهل مكاتب معين بتاعت الشهر العقاري لعمل توكيلات السيارات ولا اي مكتب شهر عقاري
رجاء سرعة الرد قبل علشان دي هتبقي واقفة لوحدها علشان محدش يضحك عليها

1- توكيل رسمي عام لو مذكور في هذا التوكيل ان للوكيل الحق في في توكيل غيره في كل او بعض ما سبق يبقى ينفع توكيل من توكيل
إنما إذا لم يذكر ذلك او ذكر انه ليس له حق توكيل غيره يبقى مينفعش توكيل من توكيل وهذا ما يطلق عليه( توكيل مقفول )
2- الرخصة سارية ل2015 لا تحتاج لشهادة بيانات
3- العقد الابتدائي اهميته في تحديد شروط البيع ووقت التسليم
4- اعتقد المكتب اللي بيكون تابع لمحل اقامة الموكل او المكتب اللي في سوق السيارات اما في حالة التسجيل بيكون مكتب خاص وبيكون تبع مكان المرور

المشاركة الأصلية كتبت بواسطة meemo

طيب ممكن استفسر انا كنت شاريى عربية من كونكت بالقسط وخلصت الاقساط قبل ميعادها وناوي ابيع العربية وخدت منهم شهادة مخلصة والغاء للتوكيل اللي كنت عامله للشركة
هل لازم قبل مابيع ارخص والرخصة الجديدة تطلع مش مكتوب عليها مطلوبة للاقساط ولا لما ابيع ادي الاوراق ديه للمشتري وهو يرخص بيها

ممكن المخالصة تدخل في اوراق المالك الجديد والرخصة الجديدة تصدر بدون حظر