اذا قررت ابيع العربية تجيب كام دلوقت

**moooooomooo** · 08-06-2011 05:12 PM

أنا كنت بظبط الكرسى بتاع العربية بتاعتى عند سروجى فى دمياط والراجل قالى آخذ بالى من السقف ومحاولش أنظمفة وقالى يومها ان السقف لو باظ بيتكلف حوالى 400 جنية لأنة كرتون والكلام دة من حوالى 5 شهور كدة دى المعلومات اللى عندى عن الموضوع دة مش عارف فى القاهرة بيتكلف كام بقى وفين

**أبو_حمزة** · 08-06-2011 05:22 PM

أنا اعرف انه ها يتكلف من 250-350 عشان يتعمل صح
لو بالعك السروجى ها يعمله ب50 لزق من غير ما يغيره بس ها يفك بعد شهر بالتقريب و ده يبقى غش
المهم ان الصنايعى يبقى تمام و شغله نضيف و ياخد المصنعية اللى يستحقها

**M.Mostafa80** · 08-06-2011 08:04 PM

انا كنت عامل سقف عربيتى من سنه قبل ما ابيعها وكلفنى 250 ج وعملهولى من خامه محترمه جدا وبتتغسل عادى والأهم ان طلعه كأنه فابريكه ومحدش فعلا شافه الا واعتقد ان هو كدا فابريكا ومحدش شك انو متغير خالص
بس مش عارف دلوقتى يتكلف كام

**أبو_حمزة** · 09-06-2011 12:33 PM

طب عملته عند مين يا محمد بك
يا رب يكون حد قريب.

**M.Mostafa80** · 09-06-2011 12:55 PM

دا سروجى جنبى فى الهرم اسمه الأسطى عيد وميزة الراجل دا ان معندوش صبيان بيشتغل بنفسه فى كل حاجه
لو حابيب تروح نسق معايا وانا ابقى أوديك ليه

**أبو_حمزة** · 09-06-2011 01:46 PM

يا ريت يا استاذى
أنا ممكن اروح له النهاردة من الشغل على طول أو يوم السبت بدرى
لو توصف لى مكانه و تدينى نمرته تبقى عملت فيا جميل كعادتك

**M.Mostafa80** · 09-06-2011 02:13 PM

لو تعرف كنتاكى الهرم المقام مكان ومبى سابقا هتدخل من الشارع اللى بعده على طول اسمه جمال الدين الأفغانى هتاخد الشارع ده لأخره لحد ما توصل لشارع خاتم المرسلين هتضطر تدخل يمين اجبارى وتعمل يوترن وهتكمل فى امتداد جمال الدين الأفغانى اللى بيطلق عليه ش مشروع اليابان هتاخد الشارع ده لأخره هتلاقى ان الشارع فى نهايته بيضيق فى المنطقه دى هتلاقى شارع شمال على ناصيته ورشه رخام هتدخلشمال فى اول يمين هو فى اخر الشارع ده على اليمين اسمه الأسطى عيد قلو انا جايلك من طرف محمد مصطفى اللى كان معاه البولو البيضاء وحاليا معاه النترا 2006 وكلمنى من عنده عشان انا رقمه اللى معايا تقريبا اتغير رقمى 0113666755

**أبو_حمزة** · 09-06-2011 02:52 PM

الوصفة سهلة
1000 شكر لك يا استاذى
ان شاء الله اروح له السبت قبل صلاة الظهر

**behman** · 09-06-2011 03:35 PM

اطلب 48 الف وحاول تلم اللى فيها عشان محدش يتلككلك على اللى فيها وخصوصا انهم مش هيصرفو كتير

+1111

**SYD** · 09-06-2011 07:43 PM

الف شكر محمد مصطفي علي العنوان
انا كمان محتاج شوية تظبيط للفرش بتاع العربية بالزات الكراسي بتزييق وانا ماشي ولو طلعت طلعة جامدة بحس ان الكرسي مال لورا وبسمع طقطقة

كمان عايز اعمل مقايسة لتفصيل فرش

والله المستعان
،
،