سؤال غريب للبولو

**ashoub** · 07-06-2011 11:33 PM

السلام عليكم
لما بمشى بالعربيه بلاقى سخنيه رهيبه طالعه من الطابلوه هواء سخن زى مايكون الطابلوه مفتوح على الماتور ياترى ايه المكان الى بيدخل منه الهواء السخن للعربيه وطبعا ده بيخلى كفائه التكييف وحشه جدا وعلى فكره الهواء السخن ده طالع سواء مشغل تكييف اوقفله
وياريت لو حد يعرف بتاع شكمان بس يكون شاطر وفاهم فى مدينه نصر او مصر الجديده او الحرفيين او شبرا لان الشكمان عندى صوته وحش جدا لانه بيطلع هواء من نصف العربيه من عند العلبه وروحت لاكتر من واحد ومفيش فايده

**M.Mostafa80** · 08-06-2011 12:06 AM

بالنسبه للتكييف بتبقى قافل بوابة الهوى الخارجيه ولا
لأ
وبالنسبه للشكمان ابو اليزيد اللى فى ش احمد بدوى او اللى بيودى على نفق احمد بدوى اول احمد حلمى من ناحيه رمسيس

**ashoub** · 08-06-2011 11:18 AM

والله يامجمد باشا الواحد المفروض يعملم تمثال هنا فى القسم لانك اكتر واحد بتساعد الناس هنا
انا عندى التكييف بلدى يعنى كومبرسور يبانى مش بتاعها الاصللى بس الهواء السخن بيطلع من عند الدركسيون وعلبه الفيوزات وبين الطابلوه والباب الى عند السواق فهى فين الفاتحه الى انتا بتقول عليها

**Mahmoudyoussif** · 08-06-2011 11:57 AM

ورا الفريم اللي في النص

عند الهوايات انا ساعات ببقى حاسس

اني قاعد جوا الموتور انا عايز اركب عازل بين الموتور

و الصالون بس ما اعرفش بيتكلف كام

**M.Mostafa80** · 08-06-2011 01:54 PM

فتحه الهواء الخارجى للسياره البولو بتبقى اقصى اليمين فى التابلو ورا الدرج وبتوصلها من قدام من عند الفبره اللى تحت المساحات بتتفك بتلاقى البوابه وفلتر التكييف فا لو البوابه دى عندك مش موجوده يبقى اقفلها بأى حاجه هتحس بفرق بالتكيف ولو كدا شوف انت ظابط بكره التهويه أزاى هل هى على علامه الوجه والقدم ولا على علامه الوجه فقط
لو عل الوجه والقدم اظبطها على الوجه فقط وزى ما قلتلك تقفل البوابه اللى حددتلك مكانها ولو روحت لأى كهربائى كويس وفاهم هيبقى عارف هى فين بالنسبه بقى للهوى اللى جايلك من فرق التابلو مع الباب فهقولك راجع كوتش البيبان هل هو سليم ولا لأ
والحاجه الأخيره بيبقى فى زى لباد حرارى تحت موكيت الأرضيه من الأمام ناحيه بدلات البنزين والفرال والدبرياج شوفه هل هو موجود او حالته مهترءه ولا لأ وتراجع هل طبه العلبه بتاعت الدركسيون الداخليه مقفوله ولا لأ لأن دى لو مفتوحه هتدخلك هوا سخن وعرسه كمان

وبالنسبالك يا استاذ محمود هى نفس القصه حضرتك لسه مركب تكييف قريب هل من ضمن اعمال التركيبات تم تركيب وحدة الفاكيوم والبوابه بتاعت الهواء الخارجى وتوصيلها للعمل ام لا وياريت تصورلى وحده التحكم الداخليه عندك عشان اشرحلك الموضوع عملى

**Mahmoudyoussif** · 08-06-2011 02:08 PM

انا شاري العربيه والتكيف متركب فيها

و العرس بيخشو عندي من فتحه قدام ورا الفريم اللي في النص بالظبط

و السخونيه بتجيلي من عند رجلي والعربيه عموما بتبقى ولعه فمش عارف احدد تاني

بس انا عايز اعزلها تماما زي الفابريكا لان صاحبي عنده بولو ما بحسش بالسخونيه دي خالص

ياريت يكون سروجي كويس تدلوني عليه عشان انا اصلا ما بقتش احب امشي بالعربيه كتير عشان السخونيه دي

**M.Mostafa80** · 08-06-2011 04:15 PM

المشاركة الأصلية كتبت بواسطة mahmoudyoussif

انا شاري العربيه والتكيف متركب فيها

و العرس بيخشو عندي من فتحه قدام ورا الفريم اللي في النص بالظبط

و السخونيه بتجيلي من عند رجلي والعربيه عموما بتبقى ولعه فمش عارف احدد تاني

بس انا عايز اعزلها تماما زي الفابريكا لان صاحبي عنده بولو ما بحسش بالسخونيه دي خالص

ياريت يكون سروجي كويس تدلوني عليه عشان انا اصلا ما بقتش احب امشي بالعربيه كتير عشان السخونيه دي

معلش كان فى حد لسه مركب تكييف قريب فانا اتلخبطت بس ياترى اللى قبلك لما ركب التكييف راعى الحتت اللى انا اتكلمت عليها دى وعمتا لو تقدر تيجى الهرم انا عندى ثروجى كويس ممكن يعملك الشغل دا بس هو غالى حبه بس شغله نضيف

**Mahmoudyoussif** · 08-06-2011 05:10 PM

المشاركة الأصلية كتبت بواسطة m.mostafa80

معلش كان فى حد لسه مركب تكييف قريب فانا اتلخبطت بس ياترى اللى قبلك لما ركب التكييف راعى الحتت اللى انا اتكلمت عليها دى وعمتا لو تقدر تيجى الهرم انا عندى ثروجى كويس ممكن يعملك الشغل دا بس هو غالى حبه بس شغله نضيف

ممكن اجيلك يوم كدده ان شاء الله بس افضي نفسي بس الاول

عشان بجهز للجواز و بشطب الشقه .... عايز الحق نفسي

قبل ما ابقى عريس نص سوا .... ربنا يكرمك يا محمد و يباركلك في بنتك يا رب

**behman** · 09-06-2011 04:00 PM

فتحه الهواء الخارجى للسياره البولو بتبقى اقصى اليمين فى التابلو ورا الدرج وبتوصلها من قدام من عند الفبره اللى تحت المساحات بتتفك بتلاقى البوابه وفلتر التكييف فا لو البوابه دى عندك مش موجوده يبقى اقفلها بأى حاجه هتحس بفرق بالتكيف ولو كدا شوف انت ظابط بكره التهويه أزاى هل هى على علامه الوجه والقدم ولا على علامه الوجه فقط
لو عل الوجه والقدم اظبطها على الوجه فقط وزى ما قلتلك تقفل البوابه اللى حددتلك مكانها ولو روحت لأى كهربائى كويس وفاهم هيبقى عارف هى فين بالنسبه بقى للهوى اللى جايلك من فرق التابلو مع الباب فهقولك راجع كوتش البيبان هل هو سليم ولا لأ
والحاجه الأخيره بيبقى فى زى لباد حرارى تحت موكيت الأرضيه من الأمام ناحيه بدلات البنزين والفرال والدبرياج شوفه هل هو موجود او حالته مهترءه ولا لأ وتراجع هل طبه العلبه بتاعت الدركسيون الداخليه مقفوله ولا لأ لأن دى لو مفتوحه هتدخلك هوا سخن وعرسه كمان

وبالنسبالك يا استاذ محمود هى نفس القصه حضرتك لسه مركب تكييف قريب هل من ضمن اعمال التركيبات تم تركيب وحدة الفاكيوم والبوابه بتاعت الهواء الخارجى وتوصيلها للعمل ام لا وياريت تصورلى وحده التحكم الداخليه عندك عشان اشرحلك الموضوع عملى

الله ينور عليك ... انت راجل محترم و بتساعد الناس و واضح انك خبره في فولكس
انا ملاحظ كده في كل المواضيع .. ربنا يديك علي قد نيتك
عايز اضيف ان في 3 طبب في الصدر ورا التابلوه
دول مهمين جدا و من غيرهم التكييف مالوش لازمه