سؤالين اتنين بس فى الفيرنا بعد اذنكم

**ezzeldin1234** · 07-06-2011 11:54 AM

1 - ليه لما بشغل التكييف العربيه بتسقف فى الاول مع انى مبستعملش غير بنزرين 92 . هل ده من من رجلى ( العربيه مانوال ) . ولا ده نتيجة ان العربيه عايزه ظبطه فى حاجه . الموضوع ده مضايقنى جدا لان زى ما انتوا عارفين الاشارات فى مصرنا الحبيبه كتير فكل ما اقف امور واجلى ااطلع اجيب الاول اول ما اطلع تسقف واتخنقت من الصوت ده .

2 - ليه مارش الفيرنا بالذات بيعمل زى صوت نحره كده لما برجع لورا مع ان عربيات كتير جدا مافيهاش الصوت ده .

معلش تقلت عليكم

**r0xer** · 07-06-2011 12:06 PM

زود سنة بنزين وانت مشغل التكييف عشان متسقفش...ومع الوقت هتاخد على الموضوع

اما المارش فدا العادي بتاع الفيرنا ومفيهوش أي مشكلة بالمرة. بالعكس مع الوقت هتحب الصوت :d

**ezzeldin1234** · 07-06-2011 12:08 PM

شكرا يا روكسر واضح انى هحب اصوات كتير وانا مع الفيرنا مش بس صوت المارش

**virus2007** · 07-06-2011 10:16 PM

موضوع التسقيف دا جديد انا مكنش عندى فى الفيرنا

بالنسبة للمارش دوس دبرياج كويس وانتا بتنقل مش حتلاقى الصوت

**mshmshm3** · 07-06-2011 10:36 PM

بالنسبة للتسقيف زود شوية بنزين زي ما قال الاعضاء بالنسبة للمارش الحركة دي بتحصل اكتر لما تكون بتركن وبتجيب مارش وقبلها كنت علي الاول انا اكتشفت حل كويس لو انت بتركن وعلي الاول وهاتجيب مارش مور الفتيس وارفع رجلك من علي الدبرياج ودوس دبرياج كويس واستني ثانية او 2 وهات مارش وان شاء الله مش هاتسمع صوت من الفتيس

**ashouhdy** · 07-06-2011 10:41 PM

اتأكد ان الدواسة لا تعيق حركة الدبرياج اثناء الضغط على الاخر ... لأن صوتة بيطلع لو الدبرياج مجاش للاخر

بالنسبة للتكييف دة شىء طبيعى لأن حمل الكمبريسور على الموتور بيحتاج تكة بنزين زيادة ... وحتتوعد علية على طول

لو فى اى حاجة قول احنا موجودين

مازلت انصح اى مالك جديد للعربية بتغيير الكاوتش بنوع نضيف ياريت لو بريدجستون طرى

**_Ahmed_casper_** · 08-06-2011 03:03 AM

انا قاطع حته من الدواسه .. الجزء اللى تحت الدبرياج علشان يجيب لأخره خالص و ميتعبش الفتيس

**tifalol** · 08-06-2011 03:05 AM

يا جماعه عندي مبتعملش كده اتاكد من الفاكيوم بتاع التكيف ده بينطر كده اول اما بتشغل التكيف عشان يعلي بنزين
لوحده افتح الكبوت كده و خلي حد يفتح التكيف لو لقيت بيتاخر في الطلوع بياخد وقت يبقى فيه حاجه
ولو العربيه زيرو خليهم يغيروه في التوكيل والله اعلم
و المارش ده تقريبا في هيونداي كله عشان عندي في الاكسنت :)

**ashouhdy** · 08-06-2011 03:09 AM

ممكن توضيح اكتر وياريت صورة لمكانة

الموضوع: سؤالين اتنين بس فى الفيرنا بعد اذنكم

LinkBack

أدوات الموضوع

عرض

-

-

-

المواضيع المتشابهه

عربية و لا اتنين ؟

سؤالين بعد اذنكم ....

سؤال فى الفيرنا بعد اذنكم

الي خبراء الفيرنا , ماالفرق بين الفيرنا و الفيرنا ستار ؟؟؟

هما سؤالين اتنين عن الكارينز ارجوكم جاوبونى

الكلمات الدلالية لهذا الموضوع

المفضلات

المفضلات

ضوابط المشاركة