عايز اعمل تست فرامل على الطبيعة مين يفيدني ؟؟

**golf4fast** · 08-06-2011 03:46 PM

المشاركة الأصلية كتبت بواسطة AFTAM

انا كنت بعمل التست دا انى بروح فى جتة فيها ترلب شوية امشى بسرعة معقولة وبعدين افرمل مرة واحدة وانزل ابص لو فى عجلة ما عملتش علامة فى الارض تبقى مافرملتش مع العجل الباقى
بس لازم العربية مايكونش فيها abs لان لو فيها مش هتعلم فى الارض اصلا :)

تمام كده انا تقريبا كنت متوقع كده بس انا سيارتي فيها abs بس انا شايف ان اهم حاجة في السيارة الفرامل علشان لا قدر الله اي ظرف وهل في ال abs ممكن 3 فرد يفرملوا و فرده لا ده طبعا ها يعوم ومطوح السيارة وهأذي سيارتي وسيارات الغير معلهش انا اسف اخوكم جديد في السيارات وشاكر لزوق حضرتك

**golf4fast** · 08-06-2011 03:47 PM

المشاركة الأصلية كتبت بواسطة a.saad

جرب كمان تمشى على اسفلت وتسيب دركسيون وتفرمل وتشوف الحدفة بعد الفرملة
بس اتاكد ان الطارة عدلة من الاول

بس دي تقريبا محتاجة طريق واسع واكون ماشي لوحدي وده مش متاح في شوارع المحروسة ;)

**golf4fast** · 08-06-2011 03:50 PM

المشاركة الأصلية كتبت بواسطة tananybasha

بس التست ده مش علمى
ليه
لأن المتغيرات اللى بتحكم اداء الفرامل كتيره قوى
1. موديل العربية
2. نظام الفرامل 1600 مختلف عن 2000
3. نوع الكاوتش
نقشة الكاوتش
ظبط ضغط الأطارات
حالة الكاوتش نفسه
4. المكان اللى بتجرب فيه لازم ما يتغيرشى
5. تيل الفرامل و حالته و بقاله قد ايه

مش عملي ازاي انا مش هقارن سيارتي بسيارة اخرى من نفس الموديل لأن اكيد في اختلافات ولو حتى في وزن الجنط او مقاسة او نوع الكاوتش زي ما حضرتك وضحت بس اكيد النتيجة هتبقى واضحة على سيارتي اذا كانت فراملها كويسه ولا لا

**tananybasha** · 08-06-2011 03:53 PM

مقلتشى مش عملى
قلت مش علمى

**golf4fast** · 09-06-2011 06:47 PM

المشاركة الأصلية كتبت بواسطة Ruin Scud

لو عربيتك زي مانت قايل اوبل كورسا 2004 كاملة مانيوال موتور 1600 يبقى انت مش عندك abs ولا ebd

انا امبارح فعلا اتأكدت انها مفهاش abs ولا ebd انا شايف العجلتين اللي قدام فيهم الطنابير واللي ورا مفيش كده تبقى فرامل اماميه فقط ولا ايه ياريت حد يفيدني علشان انا مش عارف بس انا جربت اجري على 60 تقريبا في شارع صغير بس هادي مفهوش رجل واسفلت وفرملت مرة واحد الحمد لله السيارة ولا عومت ولا سحفت والحمد لله وقفت في معدل من 2 إلي 3 ثواني بكل ثبات مش عارف علشان السرعة ماكنتش عاليه ولا ايه اصلي انا مستحيل اعمل كده في شارع في سيارات وانا ماشي 100 او 120 وإلا هلاقي اللي ورايا قاعدي عندي ف الشنطة والله الموفق والمستعان لحد ما اطلع على طريق سريع لوحدي وربنا يسترها شاكر ردودكم يا شباب

**golf4fast** · 09-06-2011 06:47 PM

المشاركة الأصلية كتبت بواسطة tananybasha

مقلتشى مش عملى
قلت مش علمى

بس هو عملي اكتر

**golf4fast** · 09-06-2011 06:50 PM

وإن شاء الله هطمنكم على التست العملي

**Ruin Scud** · 09-06-2011 08:16 PM

الفرامل عندك ممكن تقول عليها ممتازه انا كل اللي بيجرب العربيه عندي ويجرب التسارع والفرامل بتاعتها بيحس انو كان راكب قبل كده موتوسيكل مش عربيه وبيقعد يشكرلي فيها قوي.

**sniperfox** · 28-06-2011 09:56 PM

فى مركز صيانه فى الهره عندو دينو بيحط العربيه عليه ويلف العجل كله ويقلك دوس فرامل والجهاز بيحسب انهى عجله فرملت ابل التنيه وبيحسب قوت فرملت كل عجله الموضوع ده ب 50 جنيه وهو مهندس ميكانيكى