شاشة كمبيوتر أوبل فيكترا 2007

**ashrafmkenawy** · 16-06-2011 09:09 PM

لا ماهو انا لما فكيته ماركبتوش اوي علشان يبقي سهل لو عايز اجرب حاجة او حد يبص عليه بدل ما كل مرة يدخلوا السيخ الحديد ويخربشوا الكاسيت، انت اخدت بالك من الشاشة والمكتوب فيها، هي كل يوم الصبح وانا بأدور العربية تشتغل كويس لمدة 10 ثواني وبعد كده تديني الرسالة دي، واني احاول انى اعمل حاجة والا الهوا، انا محتاج حد خبير يفتينيى بدل ما انا محتاس كده.أنا كلمت واحد اسمه اسلام فى الحرفيين وحكيتله الموضوع فقاللي الكاسيت عايز حد يكون عنده tech 2 وهو ينزلك سيستم جديد للكاسيت، وأنا بأدور على حد يمكن يطلع الكلام مظبوط.هو السؤال اللى هايحل اللغز هو هل لازم لما نغير الشاشة الصغيرة لشاشة كبيرة لازم وحتماً نغير الكاسيت للموديل الأحدث؟ لو لازم يبقي الحل فى الكاسيت. اما لو مش لازم يبقى الشاشة عايزة تتعرف على الكاسيت.

**asd7778** · 20-06-2011 01:08 AM

المشاركة الأصلية كتبت بواسطة ashrafmkenawy

لا ماهو انا لما فكيته ماركبتوش اوي علشان يبقي سهل لو عايز اجرب حاجة او حد يبص عليه بدل ما كل مرة يدخلوا السيخ الحديد ويخربشوا الكاسيت، انت اخدت بالك من الشاشة والمكتوب فيها، هي كل يوم الصبح وانا بأدور العربية تشتغل كويس لمدة 10 ثواني وبعد كده تديني الرسالة دي، واني احاول انى اعمل حاجة والا الهوا، انا محتاج حد خبير يفتينيى بدل ما انا محتاس كده.أنا كلمت واحد اسمه اسلام فى الحرفيين وحكيتله الموضوع فقاللي الكاسيت عايز حد يكون عنده tech 2 وهو ينزلك سيستم جديد للكاسيت، وأنا بأدور على حد يمكن يطلع الكلام مظبوط.هو السؤال اللى هايحل اللغز هو هل لازم لما نغير الشاشة الصغيرة لشاشة كبيرة لازم وحتماً نغير الكاسيت للموديل الأحدث؟ لو لازم يبقي الحل فى الكاسيت. اما لو مش لازم يبقى الشاشة عايزة تتعرف على الكاسيت.

انت مش محتاج تغيير الكاست
انت محتاج برمجه للشاشه عشان العربيه الفيكترا سى الكاست والشاشة بتبرمجوا يشتغلوا مع بعض بس
ولما تغير الشاشه لازم تبرمج الشاشه ب Tech2
ما تسأل فى الوكيل البرمجه حتكلف كام؟
على الرغم انهم بلاطه فى الامور دى

**KHALED AYMAN** · 20-06-2011 01:34 AM

الفرق بين الكاسيت الى عندى و الى عندك ان عندى مكتوب عليه mp3
مفيش اى فرق تانى فى الشكل
زى ما المهندس احمد بيقولك ..ده حوار برمجه بقى

**ashrafmkenawy** · 20-06-2011 11:56 AM

خلاص هاجرب كده واسأل فى التوكيل، ولو اني متأكد انهم زي ما بيقول المهندس أحمد انهم بلاطة، وبرضه هاشوف لو فيه متخصص تاني عنده Tech 2 ممكن يعرف الشاشة على الكاسيت ويابخت من وفق راسين فى الحلال. هههههه. معلش القافية حكمت.
ولو تعرفوا حد فى القاهرة بيقهم فى الحاجات دي يبقي كتر خيركم.

**ashrafmkenawy** · 20-06-2011 12:48 PM

المشاركة الأصلية كتبت بواسطة KHALED AYMAN

الفرق بين الكاسيت الى عندى و الى عندك ان عندى مكتوب عليه mp3
مفيش اى فرق تانى فى الشكل
زى ما المهندس احمد بيقولك ..ده حوار برمجه بقى

أيوة ما هو ده اللي بيقولوا انه بيتعرف على شاشة البيانات الكيبرة. الحقيقة انا مش مستوعب الكلام ده بس خلينا نشوف حد عنده Tech 2 وربنا يسهل.

**bedo13** · 20-06-2011 03:05 PM

الكاسيت اللي عندك عايز شاشة صغيرة 2line display
الcd mp3 هو اللي هيشتغل مع الشاشة دي
يا اما تغير الكاسيت او الشاشة

**ahmedmaklad** · 20-06-2011 04:12 PM

المشاركة الأصلية كتبت بواسطة bedo13

الكاسيت اللي عندك عايز شاشة صغيرة 2line display
الcd mp3 هو اللي هيشتغل مع الشاشة دي
يا اما تغير الكاسيت او الشاشة

بالظبط كده انا عارف كده برده هو فعلا الكاسيت و الشاشة محتاجين برمجة بس مش الكاسيت ده مع الشاشة دي انت يا تغير الكاسيت يا تغير الشاشة و انا رايي تغير الكاسيت و شوية برمجة و الموضوع ينتهي لان الشاشة دي شكلها احلى بصراحة او لو فارقة معاك الفلوس يبقى غير الشاشة بس بيتهيالي مش هتلاقي الشاشة القديمة
انا كنت سالت على الشاشة و الكاسيت في الحرفيين كان بحوالي 1800 بس ما شفتهومش لاني كنت عايز اغير الكاسيت و الشاشة عندي

**ashrafmkenawy** · 20-06-2011 04:13 PM

بيدو جاب من الأخر، الرد بتاعه مختصر ومفيد وفى الصميم. أنا حسيت من كلامه انه فعلا فاهم المشكلة وعارف حلها.
بيدو باشا أنا الحقيقة شايف ان الشاشة الكبيرة دي أفضل وأميز بكتييييييير من الشاشة الصغيرة علشان كده انا عايزها، معني كده اني أغير الكاسيت اللى عندي وأجيب الكاسيت mp3 وأكيد فى الحالة دي هاركبه على التجربة، بمعني اني لما اركبه الشاشة ساعتها هاتشتغل. صح؟
ماتكملش جميلك بقى وتقوللي على واحد بيبيع الكاسيت ده بس يكون سعره مرتاح، انا لاقيت الناس سفاحين جداً هاني اوبل واحمد اوبل قالولي 2500 وواحد فى بورسعيد قاللي 1800 وانا حاسس انهم كده غاليين اوي. انا متخيل سعره أقل من كده بكتير. وهل ممكن حد يبدل معايا وادفع الفرق.

**doda16eg** · 23-02-2014 01:24 PM

المشاركة الأصلية كتبت بواسطة ashrafmkenawy

بيدو جاب من الأخر، الرد بتاعه مختصر ومفيد وفى الصميم. أنا حسيت من كلامه انه فعلا فاهم المشكلة وعارف حلها.
بيدو باشا أنا الحقيقة شايف ان الشاشة الكبيرة دي أفضل وأميز بكتييييييير من الشاشة الصغيرة علشان كده انا عايزها، معني كده اني أغير الكاسيت اللى عندي وأجيب الكاسيت mp3 وأكيد فى الحالة دي هاركبه على التجربة، بمعني اني لما اركبه الشاشة ساعتها هاتشتغل. صح؟
ماتكملش جميلك بقى وتقوللي على واحد بيبيع الكاسيت ده بس يكون سعره مرتاح، انا لاقيت الناس سفاحين جداً هاني اوبل واحمد اوبل قالولي 2500 وواحد فى بورسعيد قاللي 1800 وانا حاسس انهم كده غاليين اوي. انا متخيل سعره أقل من كده بكتير. وهل ممكن حد يبدل معايا وادفع الفرق.

باشا يا ترى لاقيت الحل فى قصة الكاسيت والشاشة دى انا عندى الكاسيت ال cd 30 ده والشاشة الصغيرة برضه وبفكر اغيرهم حسب التكلفة ايه رأيك

**Abdo Taha** · 23-02-2014 08:12 PM

المشاركة الأصلية كتبت بواسطة doda16eg

باشا يا ترى لاقيت الحل فى قصة الكاسيت والشاشة دى انا عندى الكاسيت ال cd 30 ده والشاشة الصغيرة برضه وبفكر اغيرهم حسب التكلفة ايه رأيك

المشكلة اللي حصلت عنده انه غير الشاشة بس و كان المفروض يغير الشاشة و الكاسيت مع بعض عشان بيبقو متكودين على بعض ممكن المشكلة تتحل بال tech 2 بأن يتم عمل divorcing ليهم بس الافضل تجيب اتنين من نفس النص عشان يركبوا على طول

الموضوع: شاشة كمبيوتر أوبل فيكترا 2007

LinkBack

أدوات الموضوع

عرض

-

-

-

-

-

المواضيع المتشابهه

شاشة كمبيوتر Lg 17 +كارت شاشة+بروسيسور

تركب أوبل فيكترا 2007 ولا جولف 5 نفس الموديل أو أأقل سنة وليه ؟؟؟

عايز شاشة كمبيوتر lcd

شاشة كمبيوتر للبيع

.:هل تتوقع نجاح أوبل فيكترا 2007 لو تم تجميعها فى مصر ؟! وليه ..؟َ

الكلمات الدلالية لهذا الموضوع

المفضلات

المفضلات

ضوابط المشاركة