جولف 4 موديل 2000 1800 سى سى

انا عضو جديد هنا وكنت معايا جولف 2 بهدلت امى مصاريف وبعتها واودامى جولف 4 موديل 2000 1800 سى سى عامله 77 الف كم تانى يد الموتور متسقط بقاله 3 سنين راشه بره ودواخل فبريكه وهاخلص بـ 55 الف
وانا خايف من ان العربيه موديل 2000 وعامله 77 الف بس وكمان الموتور المتسقط وهل ده موتورها الاصلى يعنى هى بتنزل بموتور 1800 ولا 1400مع العلم انى ركبتها وسحبها جامد والعفشه جامده بس فى زنه كده فى الشكمان وعاوزه فرش بابين صاحبها بيقولى انهم بـ250 جنيه وبيقول ان قطع غيارها زى 128 الكلام ده صح ولا ايه المفروض اخلص فيها بعد 4 ايام ارجوكم ساعدونى انا مش عاوز اتعزب تانى بس بحب الجولف بصراحه
قلولى اشتريها ولا لا وصاحبها بيبعها لظروف

اني مكنه اللي فيها و اقولك قطع غيارها موجوده ولا لا و الفرش النضيف مش اقل من 500 جنيه اسئل تاني بس العربيه اللي بيتسقطلها موتور بالنسبالي مش عيب بس لازم تكشف عليها تاني بالكمبيوتر هيقولك كل حاجة
وربنا يقدم اللي فيه الخير

والله انا مش عارف المكنه انى واحده بس السعر كده كويس ولا ايه؟؟؟
ولمعلوماتك العفشه اللى فيها رياضيه والجنوط 16 جولف والعفشه نازله بيها على حد كلام المالك

والنبى ردو عليا

طب ما تاخدها تكشف عليها عند حد من المتخصصين و بما انك كان معاك جولف يبقى عارف الورش المتخصصة
بس رايي مدام تعبت فى العربية اللى فاتت يبقى العربية الجديدة لازم تنقيها رايقة ما فيهاش قلق كتير
دور شوية كمان و ها تلاقى ان شاء الله جولف بحالة احسن

شكرا يا بوحمزه كلامك معقول بردو بس انا شايف انى مش هلاقى الفرصه دى تانى لانها رخيصه عن السوق والراجل مستعجل وانا بردو مش عاوز اتبهدل تانى ربنا يسترها بقى

أكشف على كبس الموتور والحساسات بالكمبيوتر بناءا عليه استخير و اتوكل على الله ... خد بالك لو كبس الموتور ضعيف هتبهدلك وهتلاقيها بتاكل ويت و تحتاج تعملها سيرفيس كتير و بردو بيبان على صاحبها .. اقصد استعماله بيبان على شكله و طريقه كلامه معاك

اكشف عليها و لو كويسه اتوكل علي الله و خدها

مع ان 77 الف كم مش منطقي علي 2000 ... بس ممكن
و بالنسبه لقطع غيارها ... مش 128 طبعا ... وانت كنت راكب جولف 2 وعارف
و الموتور 1800 اي موديل فيه بيكون جامد جدا

اقتباس:

---

المشاركة الأصلية كتبت بواسطة behman

مع ان 77 الف كم مش منطقي علي 2000 ... بس ممكن
و بالنسبه لقطع غيارها ... مش 128 طبعا ... وانت كنت راكب جولف 2 وعارف
و الموتور 1800 اي موديل فيه بيكون جامد جدا

---

1111111111111+

بس انا بصراحة بفضل الموتور الفابريكة والي خلاه يفرم موتور الفابريكة في حوالي 7 سنين هيخليه يفرم موتور استيراد في 3 سنين

والله اعلم

هو تلاقيه عامل 77000 كم على الموتور الجديد مش القديم على ما اظن..
بلاش العربيات الملعوب فيها احسن من وجهه نظرى..

بص ياباشا انا معايا اختها كانت 1400 وقلبتها 1800 اوتوماتيك بس الصراحة مريحانى وحكاية 77 كم مت دى هو لما سقط الماكنة ركب العداد 260 فالعداد كان عامل كيلومتر قليل بص روح عند تامر دخل العربية على الكمبيوتر وهو هيقولك فيها ايه وبعدين روح اكبس الماكنه ولو اقل من 70% ماتخدهاش واكشف على العفشة بتاعتها ولو كل ده تمام اتوكل على الله بعد كده اى حاجة تانية بسيطة ربنا يوفقك

اقتباس:

---

بص ياباشا انا معايا اختها كانت 1400 وقلبتها 1800 اوتوماتيك بس الصراحة مريحانى وحكاية 77 كم مت دى هو لما سقط الماكنة ركب العداد 260 فالعداد كان عامل كيلومتر قليل بص روح عند تامر دخل العربية على الكمبيوتر وهو هيقولك فيها ايه وبعدين روح اكبس الماكنه ولو اقل من 70% ماتخدهاش واكشف على العفشة بتاعتها ولو كل ده تمام اتوكل على الله بعد كده اى حاجة تانية بسيطة ربنا يوفقك

---

لو الموتور عامل 77 الف يبقي هايل جدا

العربيه دى استحاله تكون عامله 77000 ك بس ليه موديل 2000 يعنى بقالها 11 سنه يعنى السنه مشى فيها 7000ك يعنى المفروض موتورها الأصلى زيرو ويمون صالونها زيرو الزيرو وعفشتها لم تمس يعنى من الأخر متغيرش فيها مسمار
والأحتمال الأكبر ان يكون عمل بالموتور دا فى ال 3 سنين 77 ألف كيلو
وبالتالى اكشف على كبس المكنه كويس وحطها على جهاز كشف الأعطال للتأكد ان العربيه كافه حساستها تعمل ومتوصله بالكنترول
واخيرا على العفشه والشاسيه وخاصتا حوض الموتور من الأمام لأن احتمال تلاقى الشاسيه مفتح

شكرا يا جماعه انا قررت اصرف نظر عنها وبفكر فى فيرنا زيرو على قد فلوسى

اقتباس:

---

المشاركة الأصلية كتبت بواسطة debana911

شكرا يا جماعه انا قررت اصرف نظر عنها وبفكر فى فيرنا زيرو على قد فلوسى

---

هتندم استخير ربنا الأول

اقتباس:

---

المشاركة الأصلية كتبت بواسطة m.mostafa80

هتندم استخير ربنا الأول

---

1111111+

فيرنا مين ياراجل
بعد ماكنت بتدور علي 4 1800 .... تروح للفيرنا .؟؟؟
انا مش ضد الكوري ... بس ضد الفيرنا

طيب اعمل ايه يا رجال انا اتخنقت انا الجولف تو بوظتنى مصاريف وخايف من المستعمل بس بحب الجولف بس العين بصيره والايد قصيره وانا كل اللى معايا 55 الف وممكن اجيب فيرنا زيرو قسط واغير عفشتها واركب جنط 17 هاتبقى ثابته