بحب واحده ابر مني بسنه .....افيدوني ارجوكم

**w-m-a** · 08-06-2011 12:38 AM

وهو انت لازم تدهيم شهاده ميلادها
انتم زملاء يعنى من سن بعض

**Ralliart** · 08-06-2011 12:46 AM

مش شايف مشكلة
بس نفسي اعرف الناس اللي بتتكلم عن ان البنات بتعجز بدري بيتكلمو بجد!!!
هو رايح يتجوز ولا بيشتري مواشي؟
للدرجادي يعني التفكير كدة هيلغي كل التوافق والحب اللي بينهم علشان بتعجز بدري!؟ ما ممكن واحد لا قدر الله يجيله مرض يكبره 20 سنة وممكن يتجوز واحدة اصغر منه ويجيلها مرض يكبرها 20 سنة وطبيعة الناس بتختلف في الموضوع ده وكله في ايد ربنا

**tifa55555** · 08-06-2011 12:49 AM

ولو انى ما احبذش موضوع انها تكون اكبر منك بس لو البنت تستاهل يبقى استخير ربنا
وتوكل على الله
وما تقولش لاى حد من اهلك او اهلها على موضوع السن ده

**AirForces** · 08-06-2011 01:00 AM

المشاركة الأصلية كتبت بواسطة adelmof40

يا اخي المهم التوافق الفكري والثقافي والاجتماعي بين الزوجين

الم تكن خديجة رضي الله عنها اكبر من رسول الله صلي الله عليه وسلم

الرد دا جاب المفيد

**Ghosts** · 08-06-2011 01:03 AM

المشاركة الأصلية كتبت بواسطة a.saad

قلهم
ايه فايدة اخد حد اصغر منى واعيش مش سعيد معاها

كلامك مظبوط ....
ممكن الواحد يحب واحدة أكبر منة ب تلت أو أربع سنين مش بسنة واحدة بس ....
أسئلنى أنا ....
أصلى عملت كدة وأنا فى سنك بس مكملتش ....
لقيت المشاكل المترتبة عن الموضوع دة بتحصل بعدين ....
شكل البنت بعد الجواز بيختلف تماااااامآ عن قبل الجواز وخصوصآ بعد الولادة ....
غالبآ الست بتتخن وملامح وشها بيبان عليها الكبر ( دة بردو بعد الولادة ) ....
يعنى مع الوقت هيبان أن فرق السن مابينكم مش سنة واحدة بس ....
هيبان أنها أكبر منك بكذا سنة ....
يعنى وأنتم ماشيين مع بعض مش هتبقوا لايقين على بعض ....
دى حاجة ....
تانى حاجة هتلاقى نفسك أنت وهى بتتخانقوا كتيييير ....
دة لأن العمر العقلى للمرأة بيبقى أكبر من الراجل ....
يعنى لو واحدة عندها 20 سنة هتلاقي مستوى تفكيرها زى مستوى الراجل اللى عندة 30 سنة ....
فلما تيجى أنت تاخد قرار معين ....
هتلاقية مش عاجبها لأن نظرتها للأمور هتبقى أعمق منك ....
عشان كدة البنت بتحب الراجل اللى أكبر منها ....
عشان يكون فى ما بينهم أنسجام عقلى ....
أكيد أنت دلوقتى مش حاسس بالمشكلة دى ....
دة لأن الجو الرومانسى اللى أنتم عايشين فية ....
مش مخليكوا شايفين الأمور على حقيقتها ....
مراية الحب عامية و طرشة كمان ....
أنا حاسس بيك ....
وعارف يعنى أية حب ....
الحب عادة بيلغى العقل ....
لكن لازم تعرف أن القرارات اللى يناخدها بقلبنا ....
بتخلينا نندم بعد كدة ....
بص دايمآ لقدام متبصش تحت رجليك ....
أنا عارف أن كلامى مش هيعجبك ....
لأن العشاق مش بيحبوا اللى يقف ضدهم ....
بس أنا بقولك الكلام اللى أتقلى لما مريت بنفس تجربتك ....
ربنا يوفقك .

**cheetos_892005** · 08-06-2011 01:07 AM

المشاركة الأصلية كتبت بواسطة sayed911

بصراحة انا لو مكانك !!!
ها اتكلم عادي جدا !! ومش ها اح فوكس نهائيا على موضوع السن ولا ها اجيبه !!
انا ها اتكلم من باب انه فيه بنت انا معجب بيها وعايز اخلي الموضوع رسمي !! وسيب موضوع السن ده لكل اجل كتاب !!

منا فكرت في كده ...

بس قلت افرض بعد ما العيلتين دخلو في بعض و عرفوا ...يعملو مشكله ...هتبقى و حشه قوي

المشاركة الأصلية كتبت بواسطة hobiko

حاجة ذي دي مش المفروض تشغلك

لو البنت كويسة ...... استخير و إتكل على الله على طول

على فكرة تقارب السن دة سواء إنت أكبر أو هي أكبر ...... ميزة مش عيب

ايوه انا اصلا من قبل الموضوع ده مش من انصار فارق السن 4 5 سنين ابدا

المشاركة الأصلية كتبت بواسطة medododo

البنات بتعجز بسرعة وبيبان عليها السن

مش عارف ...لا قدر الله ممكن اي حد يجيله مرض او طبيعة جسمه يبان عليه العجز و هو 30 سنه

المشاركة الأصلية كتبت بواسطة yoko

وبدام فيه توافق كبر دماغك ودي سنة مش إتنين وتلاتة

يا رب

المشاركة الأصلية كتبت بواسطة human12

حاولت مرتين وفشلت
حاول يمكن تنجح

الله يطمنك هههههه.....طب بس قولي الكلام و الاعتراض بيبقى ايه مبررهم ؟؟؟

المشاركة الأصلية كتبت بواسطة adelmof40

يا اخي المهم التوافق الفكري والثقافي والاجتماعي بين الزوجين

الم تكن خديجة رضي الله عنها اكبر من رسول الله صلي الله عليه وسلم

اه والله......بس مين يقتنع

**Eng.Geo** · 08-06-2011 01:14 AM

وقعت :)
أول حاجة .. مبروك مقدما عشان مفيش عقبة أساسا :)
تاني حاجة .. أكيد المشروع هيبقي تماما ان شاء الله

**cheetos_892005** · 08-06-2011 01:14 AM

المشاركة الأصلية كتبت بواسطة ralliart

مش شايف مشكلة
بس نفسي اعرف الناس اللي بتتكلم عن ان البنات بتعجز بدري بيتكلمو بجد!!!
هو رايح يتجوز ولا بيشتري مواشي؟
للدرجادي يعني التفكير كدة هيلغي كل التوافق والحب اللي بينهم علشان بتعجز بدري!؟ ما ممكن واحد لا قدر الله يجيله مرض يكبره 20 سنة وممكن يتجوز واحدة اصغر منه ويجيلها مرض يكبرها 20 سنة وطبيعة الناس بتختلف في الموضوع ده وكله في ايد ربنا

+11111111111111

المشاركة الأصلية كتبت بواسطة ghosts

كلامك مظبوط ....
ممكن الواحد يحب واحدة أكبر منة ب تلت أو أربع سنين مش بسنة واحدة بس ....
أسئلنى أنا ....
أصلى عملت كدة وأنا فى سنك بس مكملتش ....
لقيت المشاكل المترتبة عن الموضوع دة بتحصل بعدين ....
شكل البنت بعد الجواز بيختلف تماااااامآ عن قبل الجواز وخصوصآ بعد الولادة ....
غالبآ الست بتتخن وملامح وشها بيبان عليها الكبر ( دة بردو بعد الولادة ) ....
يعنى مع الوقت هيبان أن فرق السن مابينكم مش سنة واحدة بس ....
هيبان أنها أكبر منك بكذا سنة ....
يعنى وأنتم ماشيين مع بعض مش هتبقوا لايقين على بعض ....
دى حاجة ....
تانى حاجة هتلاقى نفسك أنت وهى بتتخانقوا كتيييير ....
دة لأن العمر العقلى للمرأة بيبقى أكبر من الراجل ....
يعنى لو واحدة عندها 20 سنة هتلاقي مستوى تفكيرها زى مستوى الراجل اللى عندة 30 سنة ....
فلما تيجى أنت تاخد قرار معين ....
هتلاقية مش عاجبها لأن نظرتها للأمور هتبقى أعمق منك ....
عشان كدة البنت بتحب الراجل اللى أكبر منها ....
عشان يكون فى ما بينهم أنسجام عقلى ....
أكيد أنت دلوقتى مش حاسس بالمشكلة دى ....
دة لأن الجو الرومانسى اللى أنتم عايشين فية ....
مش مخليكوا شايفين الأمور على حقيقتها ....
مراية الحب عامية و طرشة كمان ....
أنا حاسس بيك ....
وعارف يعنى أية حب ....
الحب عادة بيلغى العقل ....
لكن لازم تعرف أن القرارات اللى يناخدها بقلبنا ....
بتخلينا نندم بعد كدة ....
بص دايمآ لقدام متبصش تحت رجليك ....
أنا عارف أن كلامى مش هيعجبك ....
لأن العشاق مش بيحبوا اللى يقف ضدهم ....
بس أنا بقولك الكلام اللى أتقلى لما مريت بنفس تجربتك ....
ربنا يوفقك .

معرفش موضوع التفكير ده انا مش مقتنع انه مرتبط بالسن خالص

ياما بنات بار و اخرهم مسلسلات تركي ....

و ياما رجاله كبار و دماغهم كلها افلام و كوره برده ....

موضوع مرتبط بشخصيه و ثقافه اككتر ....

انا بس عايز افهم ..لو كنت انا اللي 23 و هي ال 22 سنه ..

ايه الفرق الجزري اللي هيحصلها في شكلها من السنه الفرق دي ؟؟؟؟

**FunnyMickey** · 08-06-2011 01:17 AM

هوا انتا داخل علي لجنه ولا علي جوازه
يعني وانتو قاعدين في قعده التعارف حتطلعوا البطايق الاول
:)

زميلتي وحبيتها وكويسه وعاوزين نتعرف عليهم
وخلصنا
اهم شئ انها ميبقاش باين علي ملامحها انها اكبر منك وخلاص
ولو حد سأل صغرها سنه وخليها ادك
لحد ما الفاس تقع في الراس وتتجوزوا :)
وساعتها انتا اللي حتندم

كل ما تحصل مشكله بينكو
تلاقيها مسكتك من ودانك وقالتلك
ياشيتوس ياابني
اكبر منك بيوم يعرف عنك بسنه
:)
وقابل بقي يامعلم