الموضوع: هي دي اخرة الي يرمي فلوسه في (bugatti)

المشاركة الأصلية كتبت بواسطة tifalol

لا بلاش اللوجان تقيله عليهم

اشد تعليق سمعته لحد دلوقتى فى الموضوع

المشاركة الأصلية كتبت بواسطة taiwo

دعاية للنيسان بدون أدني شك ...
مافيش عربية تطلع من البوجاتي بالشكل ده ......
لو كان طلع منه حتي براحة أو بصعوبة كان ممكن تبقي مقنعه لكن يطلع منه بالفرق ده كده مستحيل ...
دا ف المرة التانية طالع منه بفرق سرعة 100 كم\س ويمكن أكتر ... !!!
وف المرة الأولي ال gtr مكانش باين علي طريق البوجاتي أصلا !!!
البوجاتي أعتقد معداش ال 200 ف المرتين ... من حركة الطريق والأشجار ...
وبعدين الفيديو باللغة اليابانية ... يعني مافيش شك هيطلعو عربيتهم أحسن عربية ...

فعلا انا شوفت الموضوع والفيديوهات من الاول وقريت التعليقات ....... بس للاسف فيه ناس معندهاش معلومات كافيه عن الفيرون ........ ودا اللى شجع الجماعه بتوع الفيديو دا عشان يعملوه باحترافيه عشان يلعبو على مشاعرهم......... بعد تفصيصى للفيديو حته حته استنتجت عده استنتاجات .........
1.. التصوير كان من جميع الاتجاهات ومن داخل الفيرون خاصتا ... ودا كان القصد منه انو يبين النيسان وهى يا عينى مبهدله الفيرون الغلبانه وبتعلم عليها. وثانيا مكنش من جوة النيسان ولا حتى جبها ولو مرة وحده عشان لو كان فيها نايتروس مايبنش صوته فى الفيديو والله اعلم...

2... لو خدتو بالكو الطلعه فى الاول كانت هاديه وبعدين التسارع كان بطى نسبى وبعد كده جرى وهشرحلكو ليه دا كلو اولا الطلعه كانت بطيئه لان البوجاتى لو قرص من الثبات ال 1001 حصان كانو هيدو قوة دفع رهيبه مفيش اى عربيه تقدر تجريها فى الطلعه ومحدش يقولى اوزان والقصه لصالح النسان لان فرق احصنه الفيرون كانت هتعوض فرق وزن النيسان.

3.... بعد بدايه الفيديو لاحظت ما النيسان بدات تجمع عن الفيرون والفيرون طبعا مديها فرصه عمل حركه زكيه جدا من واحد محترف خف رجلو من على البنزين طبعا عشان يدى فرصه للنيسان تطلع بعدين لما النيسان بدا يجمع ويعدى سرعه الفيرون استناها لما تطلع بعدين راح حارق بعد ما عديته هى فى السرعه وبعدين رجع ثبت رجلو تانى ودات طبعا اللى بالفعل بين فى الفيديو النيسان وهى بتشطح..

4.... ودا كلام منطقى وبالعقل نيسان 800 حصان واكيد عدد السلندرات والصبابات اقل طبعا من الفيرون ال 1001 حصان ..... ومحدش يقولى تيربو عشان الاتنين متربينين طبعا وفرق تيربو عن تيربو والحدق يفهم.......... يبقى بالنظر كدا من غير تجربه مين يكسب والحكم ليكو.....

واخيرا وليس باخرا .......... النيسات جى تى ار عربيه مهوله طبعا ومحدش يقدر يقلل من قيمتها وكفايه اوى انها 800 حصان يعنى افضل من بى امات كتير ومرسيدس كمان.......... بس الكبير كبير يا جماعه..


ومعلومه لسيادتكم الفيرون مش اسرع عربيه فى العالم خلاص راحت عليها....... فى 4 عربيات تقريبا طلعو بقو قابليها بس مش فاكر اساميهم كويس بس كل اللى فاكرو كان بينهم مرسيدس مش فاكر اسمها ايه.. واسف جدا لو كنت طولت.......

اولا: ده روسى مش يابانى
ثانيا: النيسان انتم بتتكلموا على نيسان ستوك و النيسان الى فى الفيديو متدلعه (متعدله يعنى)
ثالثا: العربيتين بطاء جدا (عشان محدش يزعل من حد)
اسمحولى اقدم لكم اقوى و اسرع عربيه 2200 حصان
و الاهم من كده انها سترييت ليجال

YouTube - ‪Fastest street legal car‬‏

المشاركة الأصلية كتبت بواسطة l0new0lf

اولا: ده روسى مش يابانى
ثانيا: النيسان انتم بتتكلموا على نيسان ستوك و النيسان الى فى الفيديو متدلعه (متعدله يعنى)
ثالثا: العربيتين بطاء جدا (عشان محدش يزعل من حد)
اسمحولى اقدم لكم اقوى و اسرع عربيه 2200 حصان
و الاهم من كده انها سترييت ليجال

أولا :والله يباشا أنا خمنت أنه ياباني أصل اللي سايق عينيه ديقة مش باين منها إلا الديل ... والفيديو عن عربية نيسان ف أكيد ياباني .. للأسف خاب تخميني
ثانيا : تفتكر اللي عمل المشاركة قصده أن في مقارنة بين البوجاتي والنيسان ال ستوك ؟!!!
ثالثا : العربيتين بطاء جدا !!! ...دي كلمة يباشا ممكن يبقي فيها 3 سنين سجن وحكم عسكري ..
رابعا: العربية اللي ف الفيديو ده بصراحة الأيرودينامكس بتاعها مش أحسن لا من النيسان ولا من البوجاتي .. هي ميزتها الوحيدة إنها 2200 حصان وللاسف دي ميزة بتجيب من الأخر .. من أخر العداد ...
صحيح هي سرعتها القصوي كام إذا تكرمت أنا أول مرة أشوفها ...
وطبعا ف الأخير مشكور علي الفيديو وعلي تصحيح معلومة اللغة .