اسبراتير الكترونى فى بيجو 305

**mado4ever** · 08-06-2011 02:41 AM

السلام عليكم ورحمة الله وبركاته
انا معايا بيجو 305 والعربية زى الفل بس المشكلة انها لما بتسخن بتقطع فى المشى وبتغيب جدا فى الدوارة وغيرت بوجيهات وابلاتين وكوندنسر ونفس المشكلة وكنت سمعت انه ممكن يركبلها اسبراتير الكترونى بتاع 505 عشان يظبط الكهرباء ويسهل شوية فى الدوارة فمش عارف دة ينفع ولا لا ولو ينفع حيتكلف فى حدود كام
وعموما العطل دة له علاقة بالبوبينة ولا مالهاش دعوة عشان فيه ناس قالتلى المشكلة فى البوبينة

**aboomar22** · 08-06-2011 03:06 PM

غالبا دى مشكلة فى الموبينة وعلشان تتاكد لما العربية تسخن حط ايدك على الموبينة هتلاقيها سخنة جداحط عليها فوطة مبلولة ودور هتدور على طول هات موبينة يبانى وهى سعرها من 70/ 75 هتظبط الاداء معاك ان شاء الله

**mado4ever** · 09-06-2011 01:52 AM

شكرا على الرد يا باشا وانا حجرب الموضوع دة ان شاء الله
بس موضوع الاسبراتير الالكترونى دة فاشل ولا ما عندكش فكرة يا ابو عمر

**aboomar22** · 09-06-2011 03:08 PM

لا مش فاشل بس مكلف اعتقد ان سعره غالى مش فاكر بكام بس لما سالت عليه كان غالى

**waleedabbas** · 09-06-2011 11:08 PM

اعتقد انه ينفع لاني ركبته في عربية بيجو 104 جبتلها اسبراتير الكتروني استيراد بتاع 205 واتكلف بمستلزماته حوالي 450 جنيه

**mado4ever** · 11-06-2011 10:33 PM

المشاركة الأصلية كتبت بواسطة aboomar22

لا مش فاشل بس مكلف اعتقد ان سعره غالى مش فاكر بكام بس لما سالت عليه كان غالى

شكرا يا باشا على الرد

المشاركة الأصلية كتبت بواسطة waleedabbas

اعتقد انه ينفع لاني ركبته في عربية بيجو 104 جبتلها اسبراتير الكتروني استيراد بتاع 205 واتكلف بمستلزماته حوالي 450 جنيه

طالما حضرتك ركبته فى بيجو 104 يبقى اكيد ينفع عندى فى ال 305 بس كنت عايز ايه هى مستلزماته يعنى الى انت تقصدها

**waleedabbas** · 14-06-2011 04:09 AM

المشاركة الأصلية كتبت بواسطة mado4ever

طالما حضرتك ركبته فى بيجو 104 يبقى اكيد ينفع عندى فى ال 305 بس كنت عايز ايه هى مستلزماته يعنى الى انت تقصدها

معلش اتاخرت في الرد

مستلزماته هو بيجي معاه الكارت الاليكتروني واعتقد بوبينة تكرير لان البوبينة العادية ماتنفعش مع الالكتروني بس دي مش متاكد كانت معاه ولا اشتريتها لوحدها لان ده من فترة عموما هو البياع بيبقى عارف ايه المطلوب معاه لو قلتله انك هتحول والكهربائي او الميكانيكي برضه عارف المجموعة

اما بالنسبة للتحويل من اسبراتير عادة لالكتروني فده هيفرق معاك كتير وهتريح دماغك من وجع القلب بتاع العادة وده ميزة في البيجو ان بينزل فيها اسبراتير الكتروني من زمان كده

**MASERATI** · 14-06-2011 01:27 PM

السلام عليكم و رحمة الله و بركاته

الفرق فى أداء العربية بين الاسبراتير الالكترونى و العادى, زى الفرق بين العربية الاسكودا ال120 اللى موتورها ورا و بين الأستون مارتن db7 .

اذا كنت أنا يدوووووووووووووووب مركب فى العربية البيجو ال505 بتاعتنا أبلاتين الكترونى صينى من أبو 175 جنيه و حاسس بالفرق ده, أومال لما تركب اسبراتير كامل الكترونى بالموبينا بتاعته, على فكرة, الاسبراتير الاكترونى ده بالموبينا بتاعته هنا فى المنصورة بيعمل حوالى 500 جنيه, و بيبقى ليه مشط بيتغير كل مدة طويلة, أنا مستنى, أن الأبلاتين الاكترونى اللى أنا مركبه ده يقطع, أقوم عامل الموضوع دهو مغير و جايب اسبراتير الكترونى كامل بالموبينا بتاعته, لأن الأبلاتين الاكترونى ده مش بيتباع عندنا فى المنصورة, أنا كنت جايبه و مركبه فى القاهرة و كمان حكاية أنه صينى دى, مخليانى ماشى و أنا حاطط ايدى على قلبى .

**mado4ever** · 18-06-2011 06:47 PM

المشاركة الأصلية كتبت بواسطة MASERATI

السلام عليكم و رحمة الله و بركاته

الفرق فى أداء العربية بين الاسبراتير الالكترونى و العادى, زى الفرق بين العربية الاسكودا ال120 اللى موتورها ورا و بين الأستون مارتن db7 .

اذا كنت أنا يدوووووووووووووووب مركب فى العربية البيجو ال505 بتاعتنا أبلاتين الكترونى صينى من أبو 175 جنيه و حاسس بالفرق ده, أومال لما تركب اسبراتير كامل الكترونى بالموبينا بتاعته, على فكرة, الاسبراتير الاكترونى ده بالموبينا بتاعته هنا فى المنصورة بيعمل حوالى 500 جنيه, و بيبقى ليه مشط بيتغير كل مدة طويلة, أنا مستنى, أن الأبلاتين الاكترونى اللى أنا مركبه ده يقطع, أقوم عامل الموضوع دهو مغير و جايب اسبراتير الكترونى كامل بالموبينا بتاعته, لأن الأبلاتين الاكترونى ده مش بيتباع عندنا فى المنصورة, أنا كنت جايبه و مركبه فى القاهرة و كمان حكاية أنه صينى دى, مخليانى ماشى و أنا حاطط ايدى على قلبى .

المشاركة الأصلية كتبت بواسطة waleedabbas

معلش اتاخرت في الرد

مستلزماته هو بيجي معاه الكارت الاليكتروني واعتقد بوبينة تكرير لان البوبينة العادية ماتنفعش مع الالكتروني بس دي مش متاكد كانت معاه ولا اشتريتها لوحدها لان ده من فترة عموما هو البياع بيبقى عارف ايه المطلوب معاه لو قلتله انك هتحول والكهربائي او الميكانيكي برضه عارف المجموعة
شكرا يا باشا
اما بالنسبة للتحويل من اسبراتير عادة لالكتروني فده هيفرق معاك كتير وهتريح دماغك من وجع القلب بتاع العادة وده ميزة في البيجو ان بينزل فيها اسبراتير الكتروني من زمان كده

شكرا يا باشا عالرد وطالما كدة بقى يبقى اغير لالكارونى وانا مطمن واهوه ابقى اعتبرت نفسى اشتريت عربية aston martin db7 ب 500 جنيه