ارجوا من الاعضاء المحترمين الالتزام بالموضوع المفتوح للمناقشة حتي يستفيد كل من يشارك في الموضوع بكتابة راية في الموضوع سواء من واقع تجربة او خبرة سابقة ... فمن غير المعقول ان يتحول كل موضوع الي ساحة لبعض الاعضاء للتقطيع في العربيات " الاسبرانزا " ووكيلها " ابو الفتوح " ويتكرر نفس الكلام في كل المواضيع بطريقه مستفزة جدا جدا

"" خلاص الناس كلها عرفت ان ابو الفتوح حرامي ونصاب والاسبرانزا اسواء عربيه في مصر والوطن العربي """

في كل المواضيع بيدخل اعضاء بعينهم وهاتك يا ذم في العربيات " جميع الموديلات " وده اللي يغيظ اوي وطبعا في الوكيل كأن ابو الفتوح قايلهم انه بيبيع عربيات الماني وهما اخدو صيني الموضوع واضح وبقي ثقيل ومستفز ... علي الرغم ان فيه مواضيع كتير مفتوحة بخصوص اراء الاعضاء في العربيات وفي التوكيل وفي مراكز الصيانة وفي ابو الفتوح وعائلتة

برجاء الالتزام بموضوع المناقشة حتى تعم الفائدة علي الجميع