شكرا لكل الشباب
mohamedgamall
Moe86
Wael17
M.Gamaledeen
M.Aboelkhir
وكل رجالة قسم الفيات الجامدين

وعلى الرغم ان الناس ردت تمام, انا اضطريت اعمل account تانى عشان حقى فى الرد بس!


اقتباس المشاركة الأصلية كتبت بواسطة MMamdouh مشاهدة المشاركة
طيب قياسا على المثال بتاعك.... معتادى الاجرام و المسجلين خطر بيحصلهم ايه؟
MMamdouh
اقتباس المشاركة الأصلية كتبت بواسطة MMamdouh مشاهدة المشاركة
انا قابلت العينات دى كتير... فيه ناس عندها هوس بعربيات معينة و بتحبها لدرجة اعتبارها احد افراد العائلة... و الناس دى لو جت سيرة عربياتهم فى اى موضوع بحاجة وحشة بيركبهم 100 عفريت... و العكس تماما فيه ناس بتكرة عربيات لله فى لله و مبتصدق تلاقى موضوع فيه سيرة العربية دى تدخل تقول انها زبالة ووحشة و الكارو احسن منها و الكلام اللى بالك فيه دة
MMamdouh
هل من اللائق يا استاذ يا عضو مجلس ادارة .. يا محترم وبتدافع عن rules بتاع المنتدى انك تتكلم عليا فى غيابى وتشبهنى (ولو على سبيل المثال) بـ "معتادى الأجرام" و تقول عنى "العينات دى"؟؟!!!
قد أكون أفضل منك شخصيا, اخلاقيا, اجتماعيا أو مهنيا.. ليه تدى لنفسك الأفضلية وتتكلم عنى بالطريقة دى, وانت عارف انى مش متواجد للرد؟؟!

Technically
واضح مين اللى مهووس باللانوس ومشتقاتها, اللى أول ما فضلنا عليها الأبيزا فى الموضوع اياه.. دخل وهاجم كل الناس اللى قالت الأبيزا أحسن, وانت اللى بدأت بالتهكم!
راجع الـthread كويس يا بشمهندس!!

الناس كلها عارفة انى لا انتقد سيارة بعينها الا بالدليل الفنى اللى بيأيد وجهة نظرى.
وبعدين فين الرأى والرأى الآخر.. ولا هو منتدى لناس وناس لأ؟؟؟!!
اقتباس المشاركة الأصلية كتبت بواسطة M.Gamaledeen مشاهدة المشاركة
العضو الفاضل محمد ممدوح
المشكلة دلوقت على معظم صفحات المنتدي، مش في فورميولاتور لوحده، لازم نشو ف الطرف اللآخر من المشكلة وهي (الأعضاء المستفزين)
المنتدى مليان أعضاء مستفزين (بدون أدنى معرفة أو علم), لكن الناس دى مش بتتوقف, عشان فى الغالب من بتوع الكورى.. الى أى حد يغلط فيه فى المنتدى... يتوقف!
يا جماعة بصوا حتى على ترتيب الأقسام فى الصفحة الرئيسية للمنتدى: يابانى ثم كورى الأول؟؟!!! وفى الآخر أوروبى.. تويوتا الأول طبعا عشان الكورولا؟؟؟!!!


اقتباس المشاركة الأصلية كتبت بواسطة MMamdouh مشاهدة المشاركة
و للعلم احد مشرفى القسم بعتلى حالا ان العضو محل الخلاف اتوقف اكتر من 3 مرات بسبب مشكلة التهكم و تم تخفيف حصولة على وقف نهائى قبل كدة
MMamdouh
اشكرلى العضو وقوله مصطفى بيقولك:
لو Giovani Agnelli نفسه جالك على الـGreenStuff, ما تديهوش التيل.. بتاعى خلاص يا معلم!


اقتباس المشاركة الأصلية كتبت بواسطة MMamdouh مشاهدة المشاركة
well... mocking is considered a sin only if the one being mocked didn't accept so
MMamdouh
يا سلاااااااااااااااام؟؟!
يعنى لما واحد Troll زى العضو 1.8Tee يهزر معايا واسكت, ولما أرد عليه Technical بلهجة تهريج برضه.. أتوقف فورا؟؟؟!!! هى دى قواعد المنتدى العادلة من وجهة نظرك!

كلمة أخيرة للفياتاوية:
يا جماعة أنا والله اتشرفت جدا بالناس المحترمة اللى عرفتها فى المنتدى.. من الفيات وغيره..
بس صدقونى: فيه منتديات أجنبية كتير, الناس فيها بتقبل الرأى الآخر, على اختلاف لغاتهم واديانهم واجناسهم.. ياريت الناس تتعلم منها
FiatForum
AlfaOwner
Bimmers
VW-Vortex
Abarthisti
FiatClub.UK
Honda-TechForum

الناس هناك معندهاش انحياز أعمى لعربياتها (اللى طبعا مش كورية.. هههههههههه)
وبيتكلموا فى عيوب ومشاكل العربيات بكل صراحة.. عشان الناس تستفيد!
وأعتقد هو ده الغرض الأساسى من منتديات السيارات

وبالنسبة ليا:
أنا كنت قررت مش هشارك تانى لحد ما لقيت مشكلة الفرامل بتاعتكم
وفى الآخر أنا لو اتبقى لى وقت بعد الشغل والأولاد والماستر.. بأشارك فى المنتديات الأجنبية
هو بس الواحد افتقد شباب المنتدى الجاااااااااااامد شوية, وانا موجود على الفيس..!

أرجو أن المشاركة ما تتحذفش!!!
لأن الموضوع اللى أتوقفت فيه (ظلما), كان الأخ M.Osman رد عليا وهو موقوف برضه .. قال أيه: عن طريق أحد أصدقائه؟؟!!! ههههههههههههه
أعتقد اختلفت الطرق, والنتيجة واحدة!!

شكرا