شكرا لكل الشباب
هل من اللائق يا استاذ يا عضو مجلس ادارة .. يا محترم وبتدافع عن rules بتاع المنتدى انك تتكلم عليا فى غيابى وتشبهنى (ولو على سبيل المثال) بـ "معتادى الأجرام" و تقول عنى "العينات دى"؟؟!!!
mohamedgamall
Moe86
Wael17
M.Gamaledeen
M.Aboelkhir
وكل رجالة قسم الفيات الجامدين
وعلى الرغم ان الناس ردت تمام, انا اضطريت اعمل account تانى عشان حقى فى الرد بس!
قد أكون أفضل منك شخصيا, اخلاقيا, اجتماعيا أو مهنيا.. ليه تدى لنفسك الأفضلية وتتكلم عنى بالطريقة دى, وانت عارف انى مش متواجد للرد؟؟!
Technically
واضح مين اللى مهووس باللانوس ومشتقاتها, اللى أول ما فضلنا عليها الأبيزا فى الموضوع اياه.. دخل وهاجم كل الناس اللى قالت الأبيزا أحسن, وانت اللى بدأت بالتهكم!
راجع الـthread كويس يا بشمهندس!!
الناس كلها عارفة انى لا انتقد سيارة بعينها الا بالدليل الفنى اللى بيأيد وجهة نظرى.
وبعدين فين الرأى والرأى الآخر.. ولا هو منتدى لناس وناس لأ؟؟؟!!
المنتدى مليان أعضاء مستفزين (بدون أدنى معرفة أو علم), لكن الناس دى مش بتتوقف, عشان فى الغالب من بتوع الكورى.. الى أى حد يغلط فيه فى المنتدى... يتوقف!
يا جماعة بصوا حتى على ترتيب الأقسام فى الصفحة الرئيسية للمنتدى: يابانى ثم كورى الأول؟؟!!! وفى الآخر أوروبى.. تويوتا الأول طبعا عشان الكورولا؟؟؟!!!
اشكرلى العضو وقوله مصطفى بيقولك:
لو Giovani Agnelli نفسه جالك على الـGreenStuff, ما تديهوش التيل.. بتاعى خلاص يا معلم!
يا سلاااااااااااااااام؟؟!
يعنى لما واحد Troll زى العضو 1.8Tee يهزر معايا واسكت, ولما أرد عليه Technical بلهجة تهريج برضه.. أتوقف فورا؟؟؟!!! هى دى قواعد المنتدى العادلة من وجهة نظرك!
كلمة أخيرة للفياتاوية:
يا جماعة أنا والله اتشرفت جدا بالناس المحترمة اللى عرفتها فى المنتدى.. من الفيات وغيره..
بس صدقونى: فيه منتديات أجنبية كتير, الناس فيها بتقبل الرأى الآخر, على اختلاف لغاتهم واديانهم واجناسهم.. ياريت الناس تتعلم منها
FiatForum
AlfaOwner
Bimmers
VW-Vortex
Abarthisti
FiatClub.UK
Honda-TechForum
الناس هناك معندهاش انحياز أعمى لعربياتها (اللى طبعا مش كورية.. هههههههههه)
وبيتكلموا فى عيوب ومشاكل العربيات بكل صراحة.. عشان الناس تستفيد!
وأعتقد هو ده الغرض الأساسى من منتديات السيارات
وبالنسبة ليا:
أنا كنت قررت مش هشارك تانى لحد ما لقيت مشكلة الفرامل بتاعتكم
وفى الآخر أنا لو اتبقى لى وقت بعد الشغل والأولاد والماستر.. بأشارك فى المنتديات الأجنبية
هو بس الواحد افتقد شباب المنتدى الجاااااااااااامد شوية, وانا موجود على الفيس..!
أرجو أن المشاركة ما تتحذفش!!!
لأن الموضوع اللى أتوقفت فيه (ظلما), كان الأخ M.Osman رد عليا وهو موقوف برضه .. قال أيه: عن طريق أحد أصدقائه؟؟!!! ههههههههههههه
أعتقد اختلفت الطرق, والنتيجة واحدة!!
شكرا
المفضلات