السلام عليكم... الموتور عايز كرنك

**megoz1980** · 08-06-2011 10:44 AM

السلام عليكم..... الحمد لله علي كل شئ.. امبارح وديت العربية عند محمود هوندا اللي في المعادي ولقي سير الكاتينة مشدود وبلية الكاتينة بايظة ومسمار الكرنك مفوت وقاللي ان الكرنك عايز يتغير بس ممكن تمشي عليه لمدة سنة انشاء الله وبعدين تجيب موتور بدل ما تصرف علي الكرنك.. أن عربيتي سيفيك 92 ex عايز أعرف هيا طلمبة البنزين بتاعتها بتتفك وتتنضف ولا لأ عشان قولتله نضفها قاللي دي عادية مش كهربا مش بتتنضف لما بتقطع خلاص والحمد لله الذي لا يحمد علي مكروه سواه.... أفيدوني أفادكم الله

**tarekzein** · 08-06-2011 03:55 PM

حالا ياباشا

العصابه هترد عليك

بالنسبه للطرمبه معتقدش ينفع تتصلح

لسه خارج من حوار الطرمبه ده

ومنفعش فيها تصليح

غيرتها وريحت دماغى

بس ركبتها جوه التنك

وده كان رأى سمسم باشا

الله يكرمه

**SAMEH_FOUAD** · 08-06-2011 06:48 PM

اولا ياباشا

بالنسبة لسير الكاتينة والبلية بتاعتة لازم يتغيروا لان لاقدر الله لو البلية بتاعة الكاتينة فركت يبقى كدة هتدخل فى عمرة كاملة

عموما بالنسبة لمسمار الكرنك مفوت يبقى الكرنك هيطلع وهيتكشف علية كويس والقفل بتاعة بردة ولو فعلا المسمار بتاعة من جوة مفوت يبقى لازم الكرنك دة يتغير بسرعة وعموما هو مش غالى بيعمل 800 جنية فقط ولو عندك السبائك نظيفة يبقى هتركب عادى زى ماهية واقفل على كدة لكن اية بقى اللى يدخلك فى ماتور جديد والحاجات دية

ياريت تشرحلى كل اللى انت شايفة فى الماتور واللى هو قالهولك

**SAMEH_FOUAD** · 12-06-2011 11:22 PM

خلاص ياباشا شوف انت تقدر تيجى امتى انا فاضى اي يوم بعد الساعة 3 ونص

عموما انا ساكن فى وسط البلد وشغلى فى مدينة نصر اى حاجة اقربلك فيها قولى

ومافيش تكليف ياعم لو عايزنى انا اجيلك مافيش مانع والله عادى ماتحسبهاش كدة احنا كلنا اخوات