جنوط الرينو ال كليو

**kozemozo** · 25-04-2008 11:31 PM

مساء او صباح الخير اي حد ممكن يفيدنا في موضوع الجنوط لو سمحتو يا جماعه--شكرا مقدما--يا ريت المكان والسعر--

**medohai510** · 30-04-2008 11:26 PM

:)أنا عايز أقولك رأي المتواضع في حكاية الجنوط للكليو.
أنا شوفت سيارات كليو كتير كانت مركبة جنوط سبور لكن ولا شكل كان عاجبني و كمان الجنوط السبور لها مواصفات لابد وأن تتوافق مع السيارة ومش هتلاقي حد يعرف عنها حاجة إلا ناس قليلة، وغير ذلك بتحتاج عفشة سبور مناسبة للجنوط مع العلم أن عفشة الكليو ناشفة قليلاً بالمقارنة بالسيارات الياباني والكوري.
أنا رأي طقم طاسات محترم وشكلة كويس علي الجنوط الحديد الأصلي أحسن بكتير من الجنوط السبور وأطقم الطاسات منها الفرنساوي والتركي وأيضاً المصري وبيتراوح السعر من 15: 80 جم للطاسة (المصري كويس جداً مصنع أسمه عقل)

**Ahmad Allawy** · 03-05-2008 06:05 PM

بيتهيألي لو ركبت جنوط بتجيب نفس مقاس الجنط الحديد اللي بيركب علي العربية عادي..
و ممكن تجيب اكبر سنة..
هتلاقي اكيد في الكتالوج مقاسين كاوتش و جنوط ممكن تركبهم..
يعني خليني اديلك مثال..
عربيتي مثلا ليها مقاسين.. 13 و 14
ال13 يركب عليه 165-70 و كذلك 175-70 و كمان 165-80 كل ده ينفع عادي..
اما ال14 فيركب عليه 175-60 و كذلك 185-60..
ركب المقاسات اللي مصنع عربيتك بينصح بيها وشوف المقاسات دي فين ف الكتالوج ولا علي القايم في البليت المعدن اللي فيه بيانات العربية..
متركبش جنوط ماركات تعبانة لمشكلتين.. ممكن يتني و المشكلة التانية المقرفة جدا اللي ممكن انت متاخدش بالك منها و تلخبط الاتزان في العربية عندك و تخليها تدب و تخبط..
ان الاستدارة بتاعت الجبط تتعوج.. يعني يبقي شكله بيضاوي مش دائري كويس..
لو هتجنط هات جنوط نضيفة.. و اسأل علي الجنط الوزن المناسب لعربيتك.. عشان في حنوط خفيفة و تقيلة.. انا بصراحة مش عارف عنها خاحة.. بس اسأل حد بيفهم فيها..

وربنا يوفقك