أنا سمعت جزء من كلام وزير المالية و قال >> إن الحد الأدنى 700 جنية
و الحد الأقصى 36 ضعف الحد الأدنى لأن متوسط سنين عمل الفرد فى مصر 36 سنة
و كمان بيقولوا >> إن الهيكل الجديد للأجور بيزيد كل خمس سنين 500 جنية
عرض للطباعة
أنا سمعت جزء من كلام وزير المالية و قال >> إن الحد الأدنى 700 جنية
و الحد الأقصى 36 ضعف الحد الأدنى لأن متوسط سنين عمل الفرد فى مصر 36 سنة
و كمان بيقولوا >> إن الهيكل الجديد للأجور بيزيد كل خمس سنين 500 جنية
نفس الكلام دة انا قريتة فى الجورنال امبارح والله العظيم الثورة دى راااااحت ولا ليها اى ستين لازمة ٧٠٠ جنيه دة ااقل شقة دلوقتى ايجارها ٥٠٠ جنيه ويركب مواصلات بالباقى وشكرااااااااا ولا جواز ولا اكل ولاشرب ولا كروت شحن ولا ماية ولا نور ولا حتى جوز شوز من باتا ولا اى الهواااااا وزير المالية دة مش عاجبنى وشكلة كدة فى الضياااااع
مرتب الفرد المفروض انة لا يقل عن ١٤٠٠ جنيه ويادوب هايقضوا بالعاااافية بالزق كدة ابن عمتى لسة داخل حضانة ب٢٥٠٠ جنيه فى السنة غير مصاريفة فير البامبرز لوحدة كفااااية ايه الة ياشباب عايزين نتجوز بقى
صيام صيام
صوم صوم
انا حاسس انك بتتكلم في فئة و انا باتكلم في فئة تانية خالص , يعني على سبيل المثال , انت ذكرت مثال بحسن شحاتة (و انا باعتبر الفنانين و بتوع كرة القدم بالذات حالة خاصة لأنهم عالميا اسعارهم عالية و في نفس الوقت حاجة ما تعتبرش اولوية في البلد خالص) , هل مثلا رئيس هيئة كذا اللي بياخد 200 ولا 300 الف ولا اكتر (كان بيقال ان رئيس هيئة قناة السويس بيلهف شهريا مليون جنيه ) ده لو راح حتة برة هاياخد ربعهم ؟
36 ضعف يعني حوالي 25 ألف جنيه
بكل ثقة باقول لك مش هايعملوها لأن الرقم ده بالنسبة للبلاوي اللي بيقبضوها الكبار
جميل , ناوي تعمل ايه ؟
أخوكم بيشتغل HR و بقولكم زى ما زملاء كتير أشاروا هنا صعب جدا موضوع وجود حد أقصى للأجور لأن السوق عرض و طلب و أكيد هيبقى فيه تلاعب أكتر من اللى حاصل دلوقتى و الشركات الملتزمة هى اللى هتتظلم و تخسر موظفينها بس هو المفروض يكون فيه حد أدنى طبعا و الأصح إن تكون النسبة فى المجال الواحد و المكان الواحد بين أقل أجر و أعلى أجر قريبة مافيهاش GAP كبيرة يعنى مثلا حاليا النسبة بين أقل أجر و أعلى أجر فى الحكومة 1:2500,000 (واحد إلى مائتين و خمسون ألف) دى طبعا اللى المفروض تصغر لكن ما ينفعش أبدا أقول حد أقصى لأن ده قدام هيعمل Demotivation للناس و هيبطلوا يطوروا فى نفسهم يعنى مثلا لو اتنين ليهم نفس المؤهلات و بياخدوا الحد الأقصى للمرتب فى المكان اللى بيشتغلوا فيه و بعدين واحد منهم عمل ماجيستير مثلا أو دكتوراة تبقى كأن لم تكن و اللا المفروض يكون فيه حافز ليه عشان غيره يعمل برده كده
الكلام مش على رؤساء الهيئات والكفائات الكلام على الرقابة على الوكالات اللي من غير بواب زي مستشاري الوزراء وامناء الجامعات و....
يعني مثلاً في قيادات في جامعة القاهرة بتاخد مكافئات في الشهر بتعدي 500 الف جنيه بالقانون!!!
ووزير التعليم العالي اعترف انهم بياخدوها بالقانون عادي وانه لسة هيشكل لجنة علشان تنظر في المكافئات وتعدل القوانين عما يكونو لهفولهم كام مليون ،يعني الاطباء يقبضولهم 300 جنيه وامين جامعة ظابط شرطة سابق يعمله كام مليون في السنة!! ايه الكفائة اللي تأهله انه ياخد الفلوس دي وتفتكرو لو قللو مرتبه في جهة تانية هتاخده ب500 الف؟؟ هو بيدخل للجامعة كام
ما هو لو كان في حد يحاسبهم زي القطاع الخاص ويشوف هما بيجيبو من وراهم كام وبيقبضو كام مكانش حصل كدة
للعلم باراك اوباما بيقبض 400 الف دولار في السنة!
موازنة الدولة كان لازم تتناقش بطريقة علنية اكتر من كدة
يعني ممكن الناس تقبل الحد الادنى للأجور يكون 700 جنيه بس اقنع الناس ان هو ده الموجود وان لو تم زيادة عن كدة هياثر في كذا وكذا .... ساعتها الشعب نفسه هايتفهم ويستحمل
لكن صباح الخير احنا عملنا موازنة واقرناها و سلام عليكم ... اكيد محدش هايقتنع
زي موضوع الدعم بتاع المواد البترولية ..... حكومة نظيف يقلك لازم نشيل الدعم ... نقول ولات تييييت
تيجي حكومة شرف يقولك احنا زودنا الدعم للمواد البترولية .. بس لازم نتفق ان الدعم ده مشكلة ولازم نقلله شوية .. وشوية شوية يرجع يقلك نشيله
محتاجين صدق من النفس وشفافية في البيانات الصادرة وتوضيح للظروف الحقيقية للدولة
عشان الناس تقتنع بأي إجراء الحكومة تتخذه