انا بقالي كثير عايز اسافر بره..
بس مش عارف ازاي..اولا انا لسه ماخلصتش كليه
ثانيا نفسي اروح اي حتا نضيفه في اوروبا بالاخص سويسرا
هل ينفع اسافر و انا لسه ما خلصتش ولا الموضوع صعب
اعمل ايه علشان اسافر و ايه الاجراءات
عرض للطباعة
انا بقالي كثير عايز اسافر بره..
بس مش عارف ازاي..اولا انا لسه ماخلصتش كليه
ثانيا نفسي اروح اي حتا نضيفه في اوروبا بالاخص سويسرا
هل ينفع اسافر و انا لسه ما خلصتش ولا الموضوع صعب
اعمل ايه علشان اسافر و ايه الاجراءات
السلام عليكم و رحمة الله و بركاته
هو أنت فى سنة كام و فى كلية ايه؟؟؟
و هل بتتكلم ألماني أو فرنساوي ؟؟ ( عشان سويسرا )
وليه؟؟؟؟؟
بعد اذن ادارة المنتدى, أنا هكتبلك لينكات لمنتدى شهير هيفيدك جداً و هيفيد أي شخص بيفكر في السفر و الهجرة:
كل مايدور في بالك من أسئلة و استفسارات عن السفر و الهجرة, كل شيء من الألف الى الياء هتلاقيه في اللينك ده: (قسم المغتربين)
http://dvd4arab.maktoob.com/forumdisplay.php?f=600
و اللينك ده بقى: (الخطـــوة الاولـــى لمــن يريـــد السفـــر للخـــارج)
http://dvd4arab.maktoob.com/showthread.php?t=840363
انا داخل في 24 سنه ولسه في سنه ثانيه حقوق
و عايز اسافر علشان اتخنقت من هنا و من الزحمه و من الناس
و مش عارف اخلص الكليه و و قفه في زوري
بس ماليش في الاماني ولا فرنساوي يادوب انجليزي و لسه عايز اخد كورسات اظبط نفسي فيه اكثر
ما فيش حد عارف حاجه جديده
مستني الردود
السلام عليكم و رحمة الله و بركاته
أصل أنت بصراحة, طالب دولة صعبة أوى حتى على الأوروبيين الغربيين نفسهم.
أنا أصلا مولود فى سويسرا و كنت سافرت تانى مرتين و أنا فى امتياز طب, هى بلد أكتر من رائعة, بس, أنك تشق حياتك هناك, شئ صعب جدا الا اذا كنت عارف حد هناك و حد هيظبطك كويس يعنى, ده بفرض أنك أخدت التأشيرة زى السكينة فى الحلاوة و ماحدش قاللك تلت ال3 كام و ده فى حد ذاته شئ صعب التخيل و لازم يكون الInterviewer اللى فى القنصلية بيحبك أوى عشان يمنحك التأشيرة اليومين دول.
أنا أكبر منك بحوالى 10 سنين و لو عاوز نصيحتى و أنت حر تاخد بيها و لا لأ, أنك توجه تفكيرك ناحية, استراليا, كندا, أميركا و نيوزيلانده, لأن البلاد دى لسه بلاد جديدة و جاذبة للهجرة و أسهلك أنك تلاقى فرص فيها للعمل أو للدراسة عن دول أوروبا الغربية.
فكر فى الدول دى أنك تروح دراسة جامعية و ماتضيعش وقتك أوى فى فيزا سياحة و الكلام ده, الا لو كنت هتعرف تجيب ضمان بنكى وهمى, يزغلل عين الInterviewer بحيث أنه مايدورش على أى حاجة تانية .
بس كده و من هنا تكون البداية.
الطريق طويل شوية بس الموضوع يستاهل It does worth .
و ربنا يوفقك و يكرمك.
شكرا علي الرد ميزراتي
انا مش لازم سويسرا ممكن اي حتا تانيه في اوربا
فكرت ابدء دراسه بره بس لسه ماظبطش نفسي في الانجليزي
فممكن اي بلد تانيه في اوربا لو ينفع
استاذ عمر
انا في المانيا بقالي 3 سنين
الموضوع مش انك توصل البلد الموضوع ان يكون لك هدف واضح وخطه منهجيه زمنيه محدده مسبقا
غير كده ومن ناس كتير مصريين والمان نفسهم مش هيكون في اي نتيجه
انت عايز تدرس ايه تحديدا
وامكانيتك الماديه ايه بالظبط
ومينفعش كده اي بلد والسلام انت بتميل لايه تحديدا
والاهم من ده كله اللغه من غيرها في اي مكان انسي بالفعل خاصه في وسط اوروبا
جاوب الاول علي الاسئله دي بعد تفكير عميق
وبعدين نتكلم
لكن كلتم مريل كده ملوش معني
انا لو منك وفي سنك مكنتش اروح اوروبا
بس علي حسب ميولك تجاريه تقنيه او غيرها انا اروح الاسواق الجديده الواعده
تركيا البرازيل ماليزيا او حتي روسيا
لكن اوروبا رايحه مش جايه
وانا بفكر جديا انزل بعد الدكاتوراه بس ربنا يصلح الاحوال
تقبل تحياتي
انا نفسي ادرس هندسه
و كنت فكرت في المانيا لأنها في مجال الهندسه جامده و في نفس الوقت رخيصه
بس اللي وقفني موضوع اللغه..لأن لغه الدراسه الماني
اما دلوقتي فا بفكر اخلص الكليه و احاول اسافر بس اخلص موضوع الكورسات
بص يا عمر متخدش قرار على وضعك الحالي اللي هو حيتغير ام عاجلا او اجلأ
بمعنى انت دلوقتي لوحدك فطبعا سويسرا بلد جميلة لواحد في سنك وفي وضعك
بس انت حتتجوز في يوم من الايام ، ويا اما حتتجوز مسلمة من هنا او وحدة من اهل البلد ، فهل حتفكر تخلف من سويسرية على دينها في بلدها ، هل حينسبك الوضع ده?
اذا كان لا و ناوي على مصرية وان شاء الله تجيب عيال ، افرض جبت بنات ، هل سويسرا بلد مناسب تربي فيه بناتك?
اسأل نفسك الاسئلة دي وعلى ضوء ألاجابة حدد ممكن تسافر فين
حط استراتيجية كاملة مش حل لوضعك المؤقت
بصراحه ما بفكرش في موضوع الجواز ده دلوقتي..
فا مقدرش اقولك الموضوع ده هيأثر عليا ازاي
بس لو افترضنا اني هتجوز و اخلف فا لو الترييه صح مش هتفرق انا عايش فين
مع احترامي لرأيك بص لنفسك ، شوف نسبة قد ايه من شخصيتك اتكونت من خلال البيت وكام في المية من المدرسة وكام في المية من النادي او الشارع او القهوة او المسجد او من المكان اللي لما بتخرج من البيت بتروح له وانت صغير او الصحاب طبعا
انا شايف لو البيت وقف على دماغة مش حيعرف يشغل نسبة تزيد عن 30% من وجدان الطفل ده كفاية التليفزيون يا راجل
وبعدين حفترض ان ممكن يكون للاب دور كامل في تشكيل الشخصية ، ايش ضمنك انك حتعرف تربي صح?
صدقني معظم الاباء فكرين نفسهم بيربوا عيالهم احسن تربية واغلبهم غلطانين ومش عارفين
استاذ احمد خضر
انا بعمل الدكتوراه في الاسلاميات وفي تطور الفقه الاسلامي المعاصر تحديدا
بس الفلسفه تظل عشقي الاول
متابع
استاذ عمر
يعني ايه هندسه في فروع كتييير للهندسه هندسه ايه تحديدا
ورايي شوف ان تعيز تدرس ايه بالظبط ولو في دماغك حاجه يبقي ابدا خطوات صح وسيبك من الدراسه اللي انت مبتحبهاش
لكن هندسه بشكل عام كده مينفعش
اما بخصوص الاولاد فمشعارف اقول ايه
انا ابني ياسين عنده 3 سنين دلوقتي
بيفهم عربي ويتجاوب بيه بس بيرد دايما الماني عشان البيئه اللي حواليه وانا بحاول بس قله الوقت والانشغال الدائم في العمل طبعا بياثر
لكن هنا في اوروبا في مسلمين كتير ما شاء الله وفي احياء تحس ان انت عايش في اسطنبول او في سوريا
والمساجد موجوده والمسلمين هنا بيحافظوا علي هويتهم جدا
بس انت لازم تختار
واي حاجه لها مميزات وعيوب
كلامك في نسبه من الصح من رأيي
بس حضرتك شايف ان العيشه هنا في مصر بالتربيه اللي احنا شايفنها ديه بتطلع ناس متربيه
انا اخاف اخلف هنا عن اني اخلف بره
الاجيال الجديده بقيت معظمها في الضياع
وانا نفسي ادرس هندسه سيارات و دورت كثير في المانيا و التخصص عندهم تخصص تخصص
بص يا عمر وانا فى سنك كنت بفكر زيك بالضبط - انا عاوزاخلص دراسة واسافر- لكن اسافر فين مش مشكلة ..اشتغل اية ولا تفرق .. اهم حاجة انى اسافر
للاسف وفى نفس الوقت الحمد لله انى ماسفرتش
ولكن كان لى صديق وهو اللى كمل المشوار والحمد لله سافر دلوقتى الى كندا
قدم 4 مرات فى السفارة واخد رفض وبعدين اتجوز واحدة كندية علشان تسفرة وبرضة اخد رفض مرتين رغم ان الباسبور بتاعة مليان تاشيرات لدول اوروبا
المهم بعد مجهود طويل وبعد كذا وكذا رفض سافر سياحة وهناك عمل دراسة وشغل
بص بقى يا باشا انت مقيد بعدد ساعات عمل فقط علشان الدراسة (ساعات محدودة) او تشتغل اسود بمعنى (شغال طول اليوم على كلام فارغ) وطلق مراتة وعايش لوحدة وطبعا مش قادر يرجع علشان كلام الناس وعمال يعشم نفسة بانه بكرة هيكون افضل ( ربنا يكرمه ويوقفلوا ولاد الحلال)
امه كل يوم بتموت من القلق علية ونفسها تشوفه خصوصا ان صحتها مش قد كدة الحمد لله على كل شئ
لكن هو انجليزى برفكت .. فرنساوى نص نص
بقاله 4 سنوات هناك ومعملش اى حاجة
خلاصة الكلام
فكر كويس جدا فى الموضوع دا
يا اخى كفاية انه لو لقدر الله حصل حاجة هتبقى برضوا وسط اهلك وناسك
والله الموفق
تحياتى
انا مقولتلكش خالص تقعد هنا مع عدم رفض للفكرة
انا بنقشك في اختيار البلد
اوروبا دي بقت موضة قديمة قوي راحت وراحت ايامها
البطالة فظيعة في اوروبا بعد اليورو ونص دول اوروبا بتشحت من النص التاني
ألنهاردة في دول افريقية فيها فرص احسن من اوروبا للاستثمار
انت ممكن تعمل فلوس في كينيا احسن من مليون المانيا ، اقولك سر متقولهوش لحد ? ارض الفرص الحقيقية في العالم دلوقتي اللي زي امريكا في الستينيا هي البرازيل
طبعا انا قلبت الموضوع للناحية الاقتصادية وخرجت عن موضوع الاولاد ، لكن بحكم اني اكبر منك سنا ويمكن خبرة بحاول اوسع فكرك شوية عن التفكير الكلاسيكي
كلام جميل
انا عارف ان الدنيا مش وردي
بس فعلا مش قادر اعيش هنا
انا كنت جالي حاله من القلق الجامد من حوالي 10 شهور
من بعديها و انا مش قادر اعمل حاجه ولا طايق اسوق في الزحمه ولا اعمل مشاوير ولا اشتغل
و كان سبب القلق هو السفر
فبحاول اخلص الكليه و اشق طريقي في اي حته بره
دي في الجنة ان شاء لو مكتوبالنا
مش مكان مفيهوش عيوب، كل واحد يقيس العيوب بمنظوره انا شفت ان مالزيا اكتر بلد مناسبة ليه، واحد صحبي مش شايف غير السعودية واحد تالت مرتاح في كندا ، اقرأ كتير عن السفر واللي سافروا حتعرف الصح فين
المهم توقع انك حيكون عندك اسرة وفكر تحب تزرعها فين
على فكرة ممكن تكون هجرة داخلية ، اعرف ناس هجرت لسيوة وعندهم الف حق اختيار رائع وهكذا
الاستاذ اللي بيقول البرازيل كلام ممتاز زانا قلت ده برده في مداخلتي السابقه
روح تركيا
اتعلم هناك اداره اعمال مثلا واشتغل في التجاره بين مصر وتركيا هتلاقي شركات كتير محتاجه هناك
بس لازم تعرف انت ميال لايه
عايز تدرس ايه بالظبط
ولا عايز تشتغل بس
ولا ايه
بصراحه لسه مش عارف انا هبدء دراسه تاني ولا هكمل اللي انا فيه دلوقتي
اللي مانعني سني مش عايز اتأخر اكتر من كده في الدراسه
و هحاول اعمل بحث علي دول اوروبا و اخد كورسات انجليزي و ممكن الماني
أنا هاقولك يا أ / عمرو معلوماتي المتواضعة
اللي جمعتها من رحلة لأوربا و التقيت فيها بمصريين كثير هناك
حاليا مفيش مدخل لأوربا غير الجواز !!!!
لا دراسة و لا استثمار هتوصلك لجنسية في الآخر
و معظم جيل المصريين الجدد في أوربا جايين من الغردقة و شرم الشيخ عن طريق الزواج من السائحات هناك
و مش هأحبطك و اقولك أوروبا قفلت ،، ابدا ،،
ناس كتير اعرفهم من هناك بقالهم سنين بيقولوي كل شوية نقول خلاص مبقاش فيه مكان لمصريين جدد هناك
و نفاجأ إن مصر لسه بتبعت و هتفضل تبعت و فيه ناس جديدة و بيحفروا مكان لنفسهم
اجتهد و اسعي و ربنا يوفقك ،،
بس المشكلة في المدخل اللي قولتلك عليه
فكر بس
السفر مش هدف لذاته
السفر وسيله لتحقيق غايه ما
تصدق بالله
انا لو الاقي وظيفه في جامعه الازهر (والازهر بس) ارجع مصر فورا
ولكن للاسف
اوروبا ليها مميزات (اهمها حريه التنقل) لكن انسي الدلع بتاعنا هتشتغل زي الساعه والا هتتفرم
فكر بس انت عايز ايه تحديدا
وبعد كده خكايه الكورسات دي
ركز في لغه واحده بلاش التخبط ده
حدد بس انت عايز ايه
لا يا باشا مش islamwissenschaft ده فرع جديد اسمه islamische Theologie بدا جديد في اربع جامعات في المانيا (لو ربنا وفق هامون من اوائل الناس في المانيا الي اخدوا الدكتوراه فيه ادعيلي بس) انا هابدا الدكتوراه رسميا في شهر 9 اللي جاي
بس خاليا شغال في جامعه ايرفورت في islamwissenschaft بس سنه واحده بس ومش هاكمل ان شاء الله
بيدرسوا فين وكانوا خريجين ايه
لو ازهر يبقي اكيد هاعرف حد فيهم
دمت بود
Salam aleko ... what is the point in going some where else.. The situation now in Egypt is not very good correct - but things will get better insha2 Allah. I am an Egyptian working as an English teacher in a British school here in Haram my wife is Egyptian / English my daughter is 2 & she has a British passport too. I have never been to England - what is the point in going there... are they waiting 4 Ahmed Samy the Great !!! Here I have a nice job alhamdolelah but in England what am I going to work - my wife even said we can go to England in summer but I said that is expensive and I don't want to spend loads of money there although I have some money alhamdolelah. Do you want your children to be without religion....
Many people in Europe don't have any specific religion and if you die your kids will be heretics - (koffar)
I used to work in Saudi Arabia but I think Egypt can be good - economy wise too how?
Egypt is 80 million Saudi Arabia is 20 million if half the saudis are (rich) this makes 10 million - If the Egyptians are 85 million and only 10 percent are (rich) this gives you 8,5 million rich people to work with and be rich yourself!!
So did you see that Egypt is not very far away from Saudi Arabia - you can be successful any where if u want
If you have the equivalent of 5 million egyptian pounds for example u can go to England as an investor and live there my friend
If u are poor like me you can just marry a foreign lady & have the option to go to Europe any time u please!
With all my best wishes of good luck
Ahmed Samy