بالنسبة للردياتير فانت فى عربيتك الاتنين مع بعض بيعملوا من 400 جنية الى 450 جنية
والهواية اليمين واللى فى النص ممكن يتجابوا من واحد فى الحرفيين هتلاقيهم الاتنين ب250 الى 300 جنية
عرض للطباعة
:16::16:
القيمه مقابل النقود يا سيد حمدى
أو بمعنى آخر
دفعت كام لغاية دلوقتى
وأستفدت بيهم قد أيه من وجهة نظرك
وواحده واحده
الدنيا هتمشى
وألف مبروك التكييف
وحلوه قوى فكرة نعمل عرض تخفيض عند حد ثقه
الجزئيه دى مش موجوده عندنا
همتك ياسمسم معانا
طارق باشا حبيبى اية الاخبار يارب تكون بخير
والله انا من وصف حمدى للراجل دة انة كويس بس اسعارة غالية قوى يعنى اللى انت هتخفضة منة ممكن تعملة برة بأقل من كدة 150 جنية
اولا حمدى كلمنى وقالى على الاسعار وقولتلة غالية جدا
واولها : شحن التكييف فى اى مكان ب150 جنية وفريون انجليزى انظف نوع هو بيشحنة ب200 بالمصنعية يعنى هو خد 50 جنية بس فى فك الكويل بس
البلف اللى بيركب فى مواسير الضغط من برة انا مرة غيرتة عشان كان بينفس خفيف ب30 جنية هو مغيرة ب50 جنية لييييييييييييييييية مع العلم انا جايبة جديد واصلى
ثرموستات بتتباع فى اى مكان ب60 جنية ويوم مابتغلى ب80 جنية يبيعها ب100
100 جنية واخدها لحام فى ماسورة وكبسها من تانى , وظبط العربية على الجهاز
يعنى مش عارف الصراحة الاسعار دية للاسف مبالغ فيها اوى وحرام عشان اى حد يروح يعمل شغل فى التكييف يدفع 300 جنية مع انة ممكن يروح لاى حد هياخد منة 200 جنية بس
واللى هتزودة هنا هتزودة هنا الضعف
انا قولتلكوا الصح والاسعار اللى المفروض تتعاملوا بيها وماتخلوش حد يضحك عليكوا لو عايزين الراجل دة ونعمل معاة اتفاقية انا موافق ماعنديش مانع وذلك نظرا لارضاء عملاء الهونداوية
يا سمسم الغالى تمتة فيه ، انا نفسى تروح تبص على الجهاز اللى بشتغل بيه ، الصنايعى مبعملش اى حاجة غير انه بيوصل كابلين الهاى واللو بريشر وبيسيب الجهاز يشتغل ، الفاكيوم بيتعمل فى نصف ساعة لوحده ، والجهاز اللى بيحدد كمية الزيت والفريون اللى لازم تتحط حسب نوع وموديل العربية وبيبدأ بالشحن .
انا بصراحة مش عارف سعار قطع الغيار بتاعت التكييف ، بس اللى انا متأكد منه ان الراجل ده ميجبش قطعه غيار تعبانة او تقليد .
الردياتير اللى عندى نحاس وواضح جدا انوا مش بتاعها معمول عمولة تقريبا
وبانسبة لموضوع الهوايات لو وصلت لحل هبلغك ان شاء الله ... ولو انت عرفت تلاقى قولى وانا معاك طبعا
الكمبروسيور اللى عندى الأصلى بتاع العربية مش متغير
ماشى يا ابو حميد ... الظروف والله اللى اضطرتنى لكده مش كتر فلوس ولا حاجة
ماشى يا ابو حنين علم وجارى التنفيذ ... ممكن نعمل كونسولتة من العصابة يروحوا يشوفوا المكان و يتكلموا مع صاحب الورشة ولو الشغل وصاحب الورشة طلعوا تمام نقدر نعمل اتفاق محترم معاه ان شاء الله
ربنا يبارك فيك يا هيثم بية ... طبعا انت صاحب الفضل علية مقدرش انكر .. كان نفسى تكون معايا بس انا عارف ظروفك ملغبطة اليومين دول فا مردتش اتقل عليك
الف مبروك يا باشا
وربنا يبارك لك فيه
الف مبروك يا حمدي باشا وعايزك تجيب معاك بطانية فى العربةي لحسن يجي لك برد :))