الموضوع: مين اللي يكسب

يعني لو فيه قميص حلو ب 200 جنيه وقميص احلى ب 100 جنيه ، هتشتري اللي ب 200 جنيه عشان الناس تقول ده مستواه الاجتماعي اعلى ، ولا عشان ده مستورد من امريكا والتاني ميتورد من حته اقل .

مش عارف بصراحة ليه الشعب المصري دايما بيبص من السطح اكتر من المضمون ، ولو افترضنا جدلاً ان اللانسر الجديدة والكرولا الجديدة احسن من الجين 2 الجديدة ، فهل الفرق بينهم يستاهل فرق السعر ، وده طبعا رغم ان الجين 2 الجديدة عجباني اكتر ، بس انا عارف ان الاوبترا مش منافس ليهم بس قولت اشوف رأي الناس

اعتقد السيفيك افضلهم
هيا الجين2 الهاى لاين بكان ناوو؟

المشاركة الأصلية كتبت بواسطة justs

يعني لو فيه قميص حلو ب 200 جنيه وقميص احلى ب 100 جنيه ، هتشتري اللي ب 200 جنيه عشان الناس تقول ده مستواه الاجتماعي اعلى ، ولا عشان ده مستورد من امريكا والتاني ميتورد من حته اقل .

مش عارف بصراحة ليه الشعب المصري دايما بيبص من السطح اكتر من المضمون ، ولو افترضنا جدلاً ان اللانسر الجديدة والكرولا الجديدة احسن من الجين 2 الجديدة ، فهل الفرق بينهم يستاهل فرق السعر ، وده طبعا رغم ان الجين 2 الجديدة عجباني اكتر ، بس انا عارف ان الاوبترا مش منافس ليهم بس قولت اشوف رأي الناس

انا الصراحة مش شايف ان الى ب100 احسن حتىل شكلة احسن اكيد بدل ماهشترى من اى محل لو اشتريت من guess او dior هيبقى احسن وخاماتة افضل:)

المشاركة الأصلية كتبت بواسطة sa3dawy

انا مبتكلمش على الاسعار العالمية ولا الحاجات دى يعنى انا اروح اجيب عربية صينى ب150الف قيها اوبشنز بتاعت الفئة التالتة وتقول دى خلاص زيها وانا عارف ان اول رد هيجيلى ان البروتون مش صينى:D والفرق بين ميتسوبيشى وبروتون مش زى الفرق بين بين بريليانس وبى ام دبليو بس على الاقل فى فرق فى السعر والحجم والشكل والمستوى الاجتماعى والاوبترا نفس الموضوع يتقارنو بالياريس بالهوندا سيتى بالافانزا بالصنى كدا يعنى
وياريت يكون كلامى وصل
وبعدين انا مش عارف ازاى اقارن بين عربية الموديل السبورت بتاعها ب95000 بعربية تانية ب150000
حتى لو كان استهبال من التوكيل بس بردة دى اكبر وشكلها احسن(دا رأى ) وافخم وكماليات اكتر ويابانى وعلى الاقل مستوى اجتملعى تانى
واختلاف الرأى لا يفسد للود قضية:)

الجين 2 و الكورولا و اللانسر ............. في فئة سعر واحد و قوة محرك واحد ماعدا حجم اللانسر أكبر قليلا من الجين 2 و الكورولا

أما الأسعار في مصر ............... فأسمح لي يا سعداوي باشا أن أقول عليها
قمة المهلبية و الكوسة و البالوظة
و الناس هي اللي بتشجع على كدا لما تروح تشتري من الوكلاء الجشعين
يبقى العميل مشترك مع الوكيل في المهزلة
لأن العميل لو بطل يشتري الحاجة بضعف ثمنها من وكيل جشع
بالتالي الوكيل هيبيع بالسعر العادل

و بعدين يعني أيه ملناش دعوة بالأسعار العالمية
يعني كدا حضرتك بتشجع الوكيل الجشع في الإستمرار في جشعه
صــــــــح و لا أنــــا غلــــطـــان ؟؟؟
عموما ........... بالنسبة للأذواق .......... طبعا حضرتك حُر فيما تختار
لأنة و ببساطة لا يمكن أن يتفق كل الناس مع كل الناس

و الفرق الوحيد هنا ما بين اللانسر و الكورولا و الهوندا سيفيك و البروتون عموما
هو الإسم فقط .......... و بلد الصنع
و طبعا ......... تحيا اليابان في مصر يا عم
اليابان عند أغلب المصريين ..................... البلد المُقدس في الصناعة
عموما اليابان فعلا بتصنع صناعات ممتازة ........... و لكن ليس هم وحدهم
هناك شركات كثيرة غير يابانية تصنع منتجات ممتازة أيضا

و فعلا يا أستاذ سعداوي
أختلاف الرأي لا يفسد للود قضية

لو من حيث كل الجوانب يبقى الكورولا
لو للتميز يبقى السفيك طبعا

المشاركة الأصلية كتبت بواسطة tutankhamoun

الجين 2 و الكورولا و اللانسر ............. في فئة سعر واحد و قوة محرك واحد ماعدا حجم اللانسر أكبر قليلا من الجين 2 و الكورولا

أما الأسعار في مصر ............... فأسمح لي يا سعداوي باشا أن أقول عليها
قمة المهلبية و الكوسة و البالوظة
و الناس هي اللي بتشجع على كدا لما تروح تشتري من الوكلاء الجشعين
يبقى العميل مشترك مع الوكيل في المهزلة
لأن العميل لو بطل يشتري الحاجة بضعف ثمنها من وكيل جشع
بالتالي الوكيل هيبيع بالسعر العادل

و بعدين يعني أيه ملناش دعوة بالأسعار العالمية
يعني كدا حضرتك بتشجع الوكيل الجشع في الإستمرار في جشعه
صــــــــح و لا أنــــا غلــــطـــان ؟؟؟
عموما ........... بالنسبة للأذواق .......... طبعا حضرتك حُر فيما تختار
لأنة و ببساطة لا يمكن أن يتفق كل الناس مع كل الناس

و الفرق الوحيد هنا ما بين اللانسر و الكورولا و الهوندا سيفيك و البروتون عموما
هو الإسم فقط .......... و بلد الصنع
و طبعا ......... تحيا اليابان في مصر يا عم
اليابان عند أغلب المصريين ..................... البلد المُقدس في الصناعة
عموما اليابان فعلا بتصنع صناعات ممتازة ........... و لكن ليس هم وحدهم
هناك شركات كثيرة غير يابانية تصنع منتجات ممتازة أيضا

و فعلا يا أستاذ سعداوي
أختلاف الرأي لا يفسد للود قضية

انا على فكرة مش مع الاسعار ولا حاجة
بس الناس بقى هى الى كدا ... يعنى لو انتا راكب new lancer وانا راكب gen2 الناس هيحترموك اكتر منى فى اى مكان
بس انا مش عارف لية مش مصدق ان سعر ال lancer ex نفس سعر gen2 فى العالم
دا حتى بردة دى mitsubishi ودى proton وغير الاوبشن والحجم
بس الصراحة لو كانت الgen2 ب150الف كنت هتحير (مصرى بقا)

المشاركة الأصلية كتبت بواسطة sa3dawy

انا على فكرة مش مع الاسعار ولا حاجة
بس الناس بقى هى الى كدا ... يعنى لو انتا راكب new lancer وانا راكب gen2 الناس هيحترموك اكتر منى فى اى مكان

هو الإحترام بييجي من العربية ؟؟؟؟؟؟؟؟؟؟؟
و بعدين الأثنين عربيات رياضية و مفيش فرق كبير في البرستيج
لو هانتكلم عن البرستيج
عندك السيفيك ........ و الكورولا ........ و الواجا مثلا

بس انا مش عارف لية مش مصدق ان سعر ال lancer ex نفس سعر gen2 فى العالم
دا حتى بردة دى mitsubishi ودى proton وغير الاوبشن والحجم

دي أسعار ميتسوبيشي لانسر في الولايات المتحدة الأمريكية ( لعنة الله عليهم )

لانسر موديلات 2008 الشكل الجديد ( المُسمى في مصر سمكة القرش )

بتبدأ من 13 ألف دولار و هو ما يعادل حوالي 71500 جنيها مصريا فقط لا غير
و تنتهي ب 19 ألف دولار و هو ما يعادل 105 ألف جنيه مصري لا غير

و هذه الأسعار تبدأ بمواتير 2000 سي سي و ليس 1600
و العربية أم 19 ألف دولار .........بموتور 2400 سي سي

شوفت بقى توكيل ميتسوبيشي بيقرطس الناس ازاي ............ مع اعتذاري الكامل لعملاء ميتسوبيشي

و على فكرة سعر الجين 2 أغلى من اللانسر

و اللانسر 1600 في انجلترا بحوالي بحوالي 105 ألف جنيها مصريا

و نفس الكلام ينطبق على تويوتا .
و مع أحترامي الكامل لعملاء تويوتا و عملاء ميتسوبيشي و هذه الحقائق لا تُقلل منهم أبدا أو من سيارتهم
فهذه الحقائق ليست ضد السيارة بل ضد الوكلاء الجشعين