الموضوع: مين اللي يكسب

المشاركة الأصلية كتبت بواسطة AboMaro

اقسم بالله جربتها وسوقتها ومش حقول رأيي فيها
لان مش ده موضوعنا
انا بقول فيه مبالغة ...........مبالغة ..............مبالغة ......فالكلام عنها
خفوا ع الناس شويه
لازم يبقى فيه موضوعيه ده المنتدى المفروض يكون مرجع للناس تدخل عشان تعرف كل شيء عن اي شيء متعلق بالسيارات
و مع ان كل واحد حر فرأيه وانا مش ححجر ع الناس تقول اللي هي عايزاه بس انا كمان بقول رأيي : كده زياده زياده اوي
ولو عايز تعرف رأيي تعالا شوف العربيه مع صاحبي وجاري لما قولتله فيه منتدى و خش قول رأيك قالي : تيييييييييييييييييييييييي ييييييت
XXXXXXXXXXX

ومع اني مش عايز اقول رأيي لانه مش مهم اصلا
لكن اي عربيه صيني افضل من الجين 2 واللي بتقولوه ده كله مجرد تبسيط للعيوب و تضخيم للمزايا
وبما اني اتكلمت وامري لله ف يا استاذ توت و الكلام ليك بالذات ايه موضوع استهلاك البنزين اللي حضرتك عامله
مع احترامي لجميع المقاييس والاساليب اللي سيادتك استخدمتها العربيه استهلاكها كالتالي
طريق طوالي على 90 كم = 270 ف الصفيحة
طريق طوالي على اكتر من 100 = 200 ف الصفيحة
داخل البلد وده حسب الزحمه مابين 140 فالزحمه الشديده و 180 بدون زحمه
و العربيه خاماتها عموما سيئه و التقفيل و العفشه كذلك - لكن الموتور نوعا ما جيد لكن عالي الصوت - العربيه على بعضها عبارة عن شكل جميل و كماليات عاليه و الباقي ..........
وده رأيي اللي زي ما قولت مش مهم
والارزاق على الله بس يمكن يتكتبلي في ميزان حسناتي اني حذرت البعض

XXXXXXXXXX
و قبل ما حد يرد فأولا : تقييم كلامي هو امر شخصي لكل من يقرأه لا حزعل ولا انا ممكن اندم على ما انا مقتنع انه فعل خير
ثانيا : انا رديت بس معلش مش حقدر اتكلم عن الجين 2 تاني لاني مش عايز اتكلم عنها انا بس ارجو ان يكون فيه موضوعيه ومراعاه في طرح المواضيع
ثالثا : يمكن الساده من الادارة هما اللي يوقوني و ساعتها لا حتكلم عن الجين 2 ولا عن اي عربيه تانيه
سلام

كلام حضرتك عن العربية على عيني و رأسي لأن مش أنا اللي صانعها

إنما توصل إن حضرتك تتهمني إني بأضلل الناس
و كمان تتهمني بالكذب

لاءة معلش أنا آسف على الحوار معاك جدا جدا جدا

ياتوت باشا السياره بامكانيتها وسعرها روعة اقصد جن تو واللى هامه الوضع الاجتماعى اوى او موضوع يابانى ومش يابانى ميصوتش للجن تو هكذا ببساطه
هذا لايقلل من السيارات الاخرى فى اى شيئ ولكن ازواق وتحرر من العقد

المشاركة الأصلية كتبت بواسطة mohamedzaki

السلم عليكم. أنا مشاركاتى قليله جدا بس أحب أقول رأيى. بصراحه أنا شايف تحيز شديد لل gen 2. أنا لم اجرب العربيه لكن من ثلاث سنوات لما كنت عايز أشترى عربيه كانت هى لسه نازله و رحت أنا و واحد صاحبى نشوفها و أخذت قرارى بعدم التفكير فيها تماما لسبب رداءه الخامات و ده كان رأى صديقى أيضا. نقطه أخرى ياريت محدش يحاول يقارن بينها و بين الانسر أو التويوتا المبيعات أكبر دليل . و كفايه أن كورولا أكثر سياره فى الاعتماديه و ده شيء هيبان بعد سنين فى الجين تو. باختصار طالما لا يجوز المقارنه بين بى ام و تويوتل اذن لا يجوز المقارنه بين جين تو و تويوتا

أخي الفاضل مع احترامي لرأيك ،

انا بقارن الجين 2 الجديدة مش القديمة ، وعلى فكره انا معاك بالنسبه لردائة الخامات الداخلية للقديمة ، ولكن الموضوع انتهى بالنسبه للجديدة واصبحت خاماتها جيدة جدا لا تقل عن الكرولا او اللانسر ،

وبعدين موضوع لا يجوز المقارنة ده مش صحيح ، لأن الفرق بين البي ام والكورولا ، ليس هو الفرق على الاطلاق بين الجين2 والكرولا ، ولو انت بتتلكم على فرق السعر ، فده لا يصلح ابدا انه يكون مقياس في مصر

المشاركة الأصلية كتبت بواسطة justs

أخي الفاضل مع احترامي لرأيك ،

انا بقارن الجين 2 الجديدة مش القديمة ، وعلى فكره انا معاك بالنسبه لردائة الخامات الداخلية للقديمة ، ولكن الموضوع انتهى بالنسبه للجديدة واصبحت خاماتها جيدة جدا لا تقل عن الكرولا او اللانسر ،

وبعدين موضوع لا يجوز المقارنة ده مش صحيح ، لأن الفرق بين البي ام والكورولا ، ليس هو الفرق على الاطلاق بين الجين2 والكرولا ، ولو انت بتتلكم على فرق السعر ، فده لا يصلح ابدا انه يكون مقياس في مصر

أنابصراحة في سؤالين كدةعايز أعرف اجابنهم : أولا: هو حضرتك شغال في حاجة تبع العربية ؟؟توكيل_مركز بيع_صيانة ؟؟ كدة ؟؟
ثانيا : هو حضرتك ايه العربيات اللي جربتها في المقارنة ؟؟ جربت السيفيك مثلا؟؟
و يعني حضرتك عايز تقولي أن لو معال 150 ألف هتجييب بيهم عربية .... هتسيب السيفيك و تركب الجين 2 ؟؟ ( عشان رياضية أكتر و كدةو أستهلاكها و عضمها ناشف ..... الحجات دي كلها موجودة و بنضافة أمتر كمان في السيفيك .... الليبصراحة مينفعش تتحط مع الجين تو في مقارنة لاختلافها في كل حاجة ما عدا السي سي بس )
أنا أسف علي الاطالة .... و السلام عليكم

والله موضوع الجين2 دة حيرني جدا على الرغم إني لم أجربها ومعرفش حد عندة العربية لكني أتعرفت عليها هنا في المنتدى وحبيتها من شكلها الرياضي وشكر بعض الأعضاء فيها بدرجة مبالغ فيها أحيانا ، وبعد كدة صدمت بالآراء المضادة وإن بها عيوب تقفيل والبعض يؤكد إنها عربية سيئة للغاية والبعض الآخر يدافع عنها بإستماتة ، وبعد ما كنت قررت إني أغير عربينتي وأشتريها لغيت الفكرة تماماً وقولت إبعد عن الشر وغنيلة مش لأني متأكد من إنها عربية وحشه ولكن مجرد محاولة للعب في المضمون زي التويوتا والنيسان

المشاركة الأصلية كتبت بواسطة m7md_hany2

أنابصراحة في سؤالين كدةعايز أعرف اجابنهم : أولا: هو حضرتك شغال في حاجة تبع العربية ؟؟توكيل_مركز بيع_صيانة ؟؟ كدة ؟؟
ثانيا : هو حضرتك ايه العربيات اللي جربتها في المقارنة ؟؟ جربت السيفيك مثلا؟؟
و يعني حضرتك عايز تقولي أن لو معال 150 ألف هتجييب بيهم عربية .... هتسيب السيفيك و تركب الجين 2 ؟؟ ( عشان رياضية أكتر و كدةو أستهلاكها و عضمها ناشف ..... الحجات دي كلها موجودة و بنضافة أمتر كمان في السيفيك .... الليبصراحة مينفعش تتحط مع الجين تو في مقارنة لاختلافها في كل حاجة ما عدا السي سي بس )
أنا أسف علي الاطالة .... و السلام عليكم

بالنسبة للسؤال الأول : انا مش شغال في اي حاجه تبع الهربيات ، انا مهندس برمجيات وشغل في شركة بتعمل ERP Systems

بالنسبة للسؤال التاني : لو الجين2 بنفس سعر السيفيك ، مش هشتري لا دي ولا دي ( هشتري ليون ) ، لأن السيفيك واطية وصاجها مش حلو زي كل الياباني وكمان دهانها وحش ، وكمالياتها فقيرة ، والجين2 لو بنفس السعر بردو هتكون الليون احسن ،

لكن الجين2 ( الجديدة ) بسعرها احسن من الأثنين ( الليون والسيفيك ) يعني لو السيفيك تستاهل 143000 يبقى الجين2 ( الجديدة ) تستاهل مثلا 135000 ، وده فقط عشان فرق الحجم وفرق اسم الماركه ، وجودة الصالون لو على الجين2 القديمه ( لكن الجديدة صالونها وتقفيلها ممتاز)

ادي كل الحكايه