المشاركة الأصلية كتبت بواسطة yehia
المدارس الدولية بتدرس مناهج لدول أجنبية زي البريطاني والأمريكي إلخ .....
المدارس اللغات بتدرس المنهج المصري ولكن باللغة الانجليزية أو الفرنسية أو الألمانية ( كل المواد ما عدا العربي والدين والتربية الوطنية والاجتماعية ) ودي بتكون مدارس خاصة .....
المدارس التجريبي بتبقى نفس نظام التدريس الخاص بالمدارس اللغات لكن بتكون مدارس حكومية بمصروفات أقل نسبيا من المدارس الخاصة.. والعدد في الفصل بيكون أكتر على ما أظن .....
الخلاصة لو حضرتك عايز رأيي ... دخلها مدارس لغات ( خاص أو تجريبي) تبقى درستلها المنهج المصري بلغة أجنبية بما يسمح لها بالاستفادة من دخول الجامعات المصرية الحكومية أو الجامعات الخاصة حسب ما تحب في المستقبل ... وكمان التعليم في الصغر كالنقش على الحجر واستحالة يكون تعليم اللغات تحدثا وقراءة وتلقيا للعلم منذ الصغر مساويا لتلقي كورسات لغات في الكبر مهما كانت هذه الكورسات... لازم حيبقى في فرق تمام زي الشخص الأجنبي اللي بيدرس لغة عربية على كبر والأجنبي اللي تربى في مدرسة بتدرس العربي منذ صغره ...
اتكل على الله واحسب الميزانية ولو الأمور سمحت يبقى دخلها لغات ولا تتردد ..... أولادنا دول أهم وأكبر استثمار في حياتنا ..... والله الموفق .......