محتار حيرة التنين بخصوص مدرسة لبنتى....

**mr_kenawy** · 08-06-2011 08:03 PM

السلام عليكم , الموضوع باختصار ان السنين جريت و هنا بنتى داخلة المدرسة السنة اللى جاية , انا و مامتها ليسانس حقوق و درسنا فى مدارس عربى عادى جدا (مستوى رفيع لغة - و باقى المواد عربى) و الحيرة دلوقتى بين اتجاهين:-
الاتجاه الاول:- مدارس اللغات اللى بياخدوا كل حاجة بالانجليزى.
الاتجاه الثانى:- المدارس الخاصة العادية اللى فيها مادة مستوى رفيع انجليزى و مادة فرنسى - لكن باقى المواد بالعربى.
مبررات الاتجاه الاول ان دى الموضة دلوقتى و ان كل الناس بتدخل عيالها لغات و ان المستقبل للغات و ان اللغة سلاح اضافى فى يد ابنائنا يعينهم على المستقبل.
مبررات الاتجاه الثانى ان انا و مامتها مش هنقدر على اللغات و مش هنقدر نتابع معاها و لا نذاكرلها و مهما جبنا مدرسين فى البيت برده لازم متابعة الاب و الام , ده بخلاف ان فرص التفوق فى مدارس اللغات اقل نظرا للحمل الاضافى اللى بيبقى على الطفل , محتاج رأيكم و مشورتكم.....................

**heshamzaky** · 08-06-2011 08:08 PM

هى مش موضوع موضة أنت بتدور لآبنك على الافضل و ممكن تحاول أنك تحسن من الانجليزى بتاعك و ما تحرمش طفلك من ميزة علشان دة أسهل لك

**nevozaky** · 08-06-2011 08:22 PM

انا رايى حضرتك تتجه لمدارس اللغات .وزى ماحضرتك قلت المستقبل كله للغات والكمبيوتر
ده غير انك ليه تحرمها من مستوى افضل ليها فى كل حاجة
المساْلة محتاجة مجهود شوية منك ومن المدام .
ومين قال لحضرتك ان اللى فى مدارس لغات ما بيبقوش متفوقين .بالعكس المتفوق موجود فى كل مكان لغات او تجريبى عربى
المهم المتابعة .
هتتعب شوية معاها بس والله هتفرق كتير بعدين .
والراْى الاْول والاْخير لحضرتك والمدام
وربنا يوفقكم لما فيه الخير

**FunnyMickey** · 08-06-2011 08:37 PM

معلش ياجماعه بس فيه حاجه مهمه
انا حدخل بنتي مدارس لغات وتاخد ماس وساينس وانا مخدتهمش وانا صغير
ومش حعرف اتابعها ولا انا ولا والدتها
طب ساعتها حعمل ايه
يااما حسيب الحمل كله علي المدرسه واعتمد عليها
يااما حجيب بقي مدرسين وهاتك يامصاريف

طب وانا حلاحق علي المدرسه اللغات بمصاريفها ولا علي المدرسين
بصراحه باب ملوش اخر

انا فكرت في فكره
ليه مدخلش ولادي مدارس عاديه طالما التعليم كده كده معفن في مصر وملوش لازمه
واما يكبروا شويه ويقدروا يفهموا ادفع بقي كورس محترم انجليزي وكمبيوتر معتمد مايكرو سوفت ولا حاجه جامده من الحاجات اللي بتشغل بجد
واهو بدل المصاريف بتاعت الدراسه ابقي دفعتها في مكانها الصح والولد ياخد كورس في حاجه بيحبها ويبقوا كبروا وقدروا يحددوا ميولهم

**noreen** · 08-06-2011 08:46 PM

الافضل حضرتك تدخلهم لغات لان تعليم اللغات منذ الصغر افضل بكثير وان شاء الله تكون المدرسة كويسة ولا تحتاج الي دروس خصوصية

**heshamzaky** · 08-06-2011 08:57 PM

المشاركة الأصلية كتبت بواسطة mr_kenawy

طب ايه الفرق بين اللغات و بين التجريبى؟!.

اللغات الفصل الواحد بالكتير فية 22 تلميذ فقط دة على سبيل المثال

**Ahmed.Fahmy** · 08-06-2011 08:57 PM

انا كنت فى مدرية لغات ولغاية 5 ابتدائى والدتى كانت بتذاكرى كل المواد وهى كانت عربى الموضوع مش صعب اوى كده بس هيفرق مع البنت جادم جدا
ومن اول اعدادى دروس
فى ثانوى قلبت عربى عانيت شوية سنة واحدة بس كانت فارقة معايا و لغاية دلوقتى
وروحت اخدت كورسات علشان مانساش الانجليزى
وخدت كورسات المانى ونسيته
ونسيت فرنساوى المدرسة تماما

صدقنى بتفرق كتييييييييييييييييييير قوى
الناس اللى شغالين معايا ومعاهم لغة غير الانجليزى بشاوات حتى لو مش Technically شاطرين

توكل على الله

**nevozaky** · 08-06-2011 11:10 PM

بص حضرتك معلش فرق كبير بين العربى واللغات .ومفيش اى كورسات هتعوض ده
ما كانش حد غلب .التعليم فى الصغر كالنقش على الحجر .
شوف حضرتك الفرق بين اللى فى مدرسة لغات من الصغر واللى درسه على كبر انا لقيت الفرق كبير .دى حتى طريقة النطق مختلفة
هتحس ان ده بيتكلم انجليزى .والتانى انجليزى ضعيف شوية .
مهما خد كورسات .
دى حتى لو حبيت تدخل طب او هندسة او كمبيوتر هيفرق معاها كتير
والله ده رايى الشخصى بناء على تجربتى وتجارب الاخرين
وطبعا الراى الاول والاخير لحضرتك
والله الموفق

-

-

الموضوع: محتار حيرة التنين بخصوص مدرسة لبنتى....

LinkBack

أدوات الموضوع

عرض

محتار حيرة التنين بخصوص مدرسة لبنتى.... - انشر الموضوع فى :

-

-

المواضيع المتشابهه

حيرة التنين..ممكن مساعدة

محتار فى اسم لبنتى

محتار بين لانسر 1600 و مازدا 3 التنين زيرو

واحشنى وحشه التنين... والعربيه برضه بقت وحشه اوحش من التنين

سؤال بخصوص مدرسة المرور

الكلمات الدلالية لهذا الموضوع

المفضلات

المفضلات

ضوابط المشاركة