الموضوع: عاوز اشترى حاجه غريبه مين مطاوعنى؟؟

المشاركة الأصلية كتبت بواسطة mxz911

معرفش انواع وأسعار بس ده فيه ملعومات مفيده

ظ‡ظ„ ظ‡ظ†ط§ظƒ ط´ط±ظˆط· ظ…ظ†ط§ط³ط¨ط© ظ„طھط±ط¨ظٹط© ط§ظ„ط£ظپط§ط¹ظٹ طں - طھظ…طھ ط§ظ„ط¥ط¬ط§ط¨ط© ط¹ظ†ظ‡ - google ط¥ط¬ط§ط¨ط§طھ

[
مشكور يا باشا على تعبك معايا وبجد معلومات جديده عليا..

المشاركة الأصلية كتبت بواسطة egytamer

اعتقد في سوق القلعة كنت بشوف ناس زمان بتبيع تعابين والحلجات دي بس نصيحة بلاش الحجات دي مؤذية

تسلم يا باشا على النصيحه

بس ممكن اعرف هى مؤذية فى ايه غير السم لانه فى ناس بتشيل الانياب بتاعته

التعبان مش ظريف خالص فى التربية و مقرف شوية حا تأكلة بيض فى الاول و لما يكبر شوية حا تأكلة كتاكيت مثلا او فيران عموما ملهوش أى لازمة و الانواع الغير سامة موجودة كان زمان ب 8 و ب 10 جنية و ب 20 جنية تجيب واحد 80 سنتى مثلا بيتباعو فى سوق القلعة و كان تحت كوبرى التونسى
الانواع السامة حا تضطر تطرمها كل شوية بفتلة دى أأمن حاجة مرة واحد صاحبى شد الناب بكماشة بهدل التعبان حرام ملهاش لازمة
و حا تلاقى ضب و قنافذ و بوم و هدهد و كل حاجة.
على فكرة بجد و الله كذا مرة أحطة فى جيبى و عملى حساسية مش عارف لية بس راحت بعد يومين كدة

تصدق فكرتني باللذي مضى!
انا معلوماتي عن الموضوع ده زي مالشباب قالولك مكان بيعة في سوق الجمعة في السيدة عائشة مش عارف اذا كان السوق مازال موجود ولا لأ
زمان من حوالي 15 سنة في أيام ثانوية واحد صاحبي جاب تعبان من هناك وأظن كان ب 6 جنيه وشاركته فيه انا 3 وهو 3 وخلاه عنده يومين واخدته عندي يومين وبعد كدة زهقنا منه ومعرفناش نعمل فيه ايه لأننا حاولنا نأكله لكنه مكانش بياكل (غالبا كان في بيات شتوي ولا ايه مش عارف) المهم في يوم وبعد ما خلصنا المدرسة واحنا على محطة الاوتوبيس قررنا نسيبه يرعى في ملكوت ربنا فصاحبي خرجه من الكيس ورماه على الأرض ونظرا لطبيعة منطقتنا السكنية وهي المقطم فمتوقع تلاقي تعبان عادي اللي مش طبيعي انه يكون جنبك في الشارع بعد ما صاحبي رماه التعبان اتحرك وللأسف كان في ناس واقفين في المحطة شافوه ويا عيني التعبان ملحقش وطبعا اتهرس
أكتر حاجة كانت ممتعة في الموضوع هو نظرة الازبهلال من قرايبك لما يعرفوا انك مربي تعبان وخصوصا شباب الاسرة ويتيقنوا مدي الجنان اللي وصلتله

اسف على الاطالة لكن انا رجعت لذكريات جميلة حبيت اشاركم معايا