الموضوع: تطبيق الماده 86 و86 مكرر بقانون العقوبات الخاصه بمكافحة الأرهاب على الأضراب العمالي

المشاركة الأصلية كتبت بواسطة wa7d

80% ما شاء الله وحضرتك بقي جبت النسبة دي منين من مركز الاحصاء والتعداد السكاني !!!

بصراحة امر عجيب انت بتعترض علي كلامي وبتقلي مين اللي جعلك تجزم وانت نفسك بتجزم انهم 80%

مع احترامي لكل طوائف الشعب المصري , بس اللي نزلوا فى الثورة دول ناس بتحب مصر , انما اللي بيقطعوا الطرق ويشلوا حركة البلد دي ناس بتحب نفسها بس , اللي يقطع طريق او يحرق سكك حديد بلطجي يا سيدي الفاضل

بخصوص نغمة التسول وحالتهم المادية والمعيشية , دا كلام عاطفي , يعني معني كدا حضرتك توافق انه واحد يقتل اي حد علشان محتاج ياكل ؟

بخصوص الظروف المعيشية كلنا حالنا تعبان وانا شفت ناس حالهم اسوء من اللي انت بتتكلم عليهم , بس مشفتش حد فيهم قطع طريق ولا وقف حال بلد , عارف ليه علشان مش بلطجية

احنا عندنا فى المنطقة الانابيب فضلت مقطوعة فترة ومفيش غاز . منزلناش ليه قطعنا طريق كمان , بلاش مبررات يا اخي الفاضل

ياريت نتكلم بمنطق الجماعة مش بمنطق الفرد , مصلحة الجماعة قبل مصلحة الفرد , لو كل واحد قطع طريق علشان مصلحته , البلد خربت


انا مش بحب اتكلم عن نفسي بس انا واحد من الناس خسرت فلوس كتير ايام الثورة وشغلي باظ وقاعد من الشغل حاليا , ومع ذلك منزلتش قطعت طريق ولا حرقت حاجة وصابر وعارف ان في زيي كتير فى المنتدي وفى البلد كلها حالة من حالي ومع ذلك محدش فينا بيعمل امور البلطجة اللي حضرتك بدافع عنه بمبرر الظروف المعيشية

آسف لحضرتك لكن اسلوب حضرتك ومشاركتك يحمل تهكم وسخريه لأاقبلها لنفسي ولااقبل ان يتحدث بها احد لك او لغيرك
والذي جعلني اجزم هو مارأيته بعيني علي الحقيقه وشاهد المقاطع التي يتحدث فيها هؤلاء وهي تعبر عن حالهم اثناء الثوره في ميدان التحرير وليس من ميدان مصطفي محمود وكلام اللجنه الألكترونيه المضاده
ثم ان الثوره في ميدان التحرير كان اساسها الأعتصام وتم فيها قطع الطريق لتحقيق بعض من مطالبهم وعزل النظام الظالم الذي ذلهم واهانهم وعيش هؤلاء وهؤلاء الذين تحدثت عنهم في مهانه وعيشه ضنك
ثم لم اقل في مشاركتي اني بدافع عن البلطجيه الا اذا كنت تعتبر من شارك في الثوره بلطجيه كما يحاول النظام السابق واعوانه الباقون بأظهارهم علي هذا الصوره حاليا ومحاولة اقصائهم بشتي الطرق والقرارات الغير مفهومه
ولم اقر لهم مافعلوه من الخروج عن مشروعية الطلب بقطع الطريق وتعطيل المصالح كل ماقلته ليس بهذا الأسلوب المستفز وبهذه الطريقه تحل الأمور بل سيزيدها تعقيدا وهؤلاء الذي تقول عليهم انهم بلطجيه لن يقووا علي قتل احد قط من اجل الجوع فهم اغلب من الغلب
اذا كنت خسرت في عملك فأدعوا الله لك ان يعوضك ماخسرته في القريب العاجل بأكثر من كنت تتمني وان يعود لك عملك بأحسن مماكان
فرجاء ياأخي الفاضل لاتأخذهم بذنب ذلك وادعو الله ان تكون بلدنا في احسن حال
تحياتي
استودعكم الله