رينو سيمبول

**amintaha** · 09-06-2011 02:44 AM

السلام عليكم
كنت شوفت رينو سيمبول الاوتوماتيك وكنت بفكر اجيبها عايز رايكم فيها هى ب 95 الف وعايز اعرف لو فى عربية اوتوماتيك قريبة من السعر ده ولا لا فى بقية الانواع الاخرى وبنفس كفائتها ولا لا.
انا حاليا معايا لوجات فمعجب بيها ومتوقع بردوا ان بقيت العربيات الخاصة برينو هتكون بنفس الاكفاءة او افضل
وجزاكم الله كل خير

**Fantooos** · 11-06-2011 09:13 PM

انا برده روحت اتفرج على اللوجان فى معرض محمد ذكى ولمحت السيمبول بصراحة شكلها جذبنى جدا لدرجة انى بفكر فيها دلوقتى . واتفرجت عليها من بره ومن جوه هيا واللوجان وتقدر تقول انها متشابها لحد كبير من جوة مع ترجيح كفى السيمبول فى الفخامة . الكنبة الخلفية فى اللوجان أكبر وعند رجوع الكرسى الامامى فى السيمبول يكون المكان الخلفى أضيق بشكل ملحوظ .
الشنطة فى اللوجان أكبر حاجة بسيطة من السيمبول (510 لتر للوجان مقابل 506 للسيمبول) الفرق طفيف جدا
اللوجان أعلى عن الارض من السيمبول
اللوجان الكاوتش بتاعها 15 بوصة السيمبول 14
اللوجان موتورها المفترض ان يستهلك بنزين أكتر من السيمبول بس ده راجع لحداثة موتور السيمبول فقط
التقفيل فى السيمبول تركى واللوجان مغربى او رومانى

عموما علشان مطولش عليك انا شايف ان المميز فى السيمبول هو:
شكل أجمل من اللوجان
تصميم انسيابى اكتر من اللوجان خاصة من الخلف
المحرك أحدث (1400 16صباب بتدى 98 حصان بالمفبالمقارنة باللوجان 1600 8 صباب بتدى 90 حصان)
وأخيرا الاوتوماتيك

وجهة نظرى ان السعر العالى للسيمبول هو الشى لوحيد الى بيعوق انتشارها بالمقارنة باللوجان الى متوقع انها تاكل السوق

**محمد عز** · 12-06-2011 12:02 PM

اظن اسكالا هتبقى كاختيار افضل من السيمبول بعد ما بقيت الفول اوبشن اتوماتيك ب 95 الف ، نفس سعر السيمبول

**W_Temraz** · 12-06-2011 12:55 PM

عايزة أقولك إنك ريحتني جداً لأني زهقت من الحيرة ما بين (اللوجان و السانديرو) من ناحية و (السيمبول) من ناحية تانية . أنا فعلا مرتاحة للسيمبول بس خايفة من توافر و أسعار قطع الغيار مقارنةً باللوجان و السانديرو ، و كمان مساحة الصالون من جوة ، و أكيد طبعاً فرق السعر (بين السانديرو الفول أوبشن و السيمبول) ... نفسي حد يريحني و ياخد القرار بدالي بأة و خلاص :)

**meme77** · 13-06-2011 04:01 PM

السلام عليكم ورحمة الله . بما ان الدين النصيحه فتوكل على الله واشتري السيمبول ومش هتندم بأذن الله عربيه فوق الممتازه موفره للبنزين بشكل جميل وثابته على الارض ( اما بخصوص قطع الغيار فالفرق ما بين جميع السيارات الموجوده على الساحه دلوقتي مش كتيير )