بسم الله الرحمن الرحيم
حد شاف حلقة هالة سرحان ؟؟
كنت بتابع الحلقة بالصدفة
البرنامج اسمه ناس بوك وخلاصة حلقة اليوم مايلي:
-اكتشاف وجود وحدة كاميرات فوق مبنى ماسبيرو يراقب المنطقة مجموعهم 800 كاميرا فائقة القدرة تقريبا وده طبعا انتهاك صريح جدا جدا للخصوصيا وطبعا العملية دي كانت تحت اشراف امن الدولة وهيئة المراقبة والتحكم وطبعا حسني مبارك كان بيشوف الاحداث اول باول في ميدان التحرير ايام المظاهرات وطبعا من اول يوم في الثورة اللي هو كام 25 يناير بس طبعا اعضاء امن الدولة مسحو الداتا كلها من الهاردات بس في مجموعة من العاميلن في هيئة المراقبة والتحكم ضميرهم صحي وقامو بتقديم نسخ باك اب (back up( للنائب العام وجاري التحقيق فيها
-البلطجية انتشرو على الكورنيش قدام مبنى التليفزيون بيوقفو الناس اللي ماشيين ويضربوهم بدون سبب وطبعا كل ده تحت اشراف الحرس الجمهوري وامن الدولة
-وجود فيديوهات جديدة اول مرة يتم بثها وهيا دهس للمتظاهرين بسيارات الامن المركزي بكل وحشية
-البلطجية اقتحمو مبنى التليفزيون وكسرو فيه وبهدلووه تحت اشراف الشرطة وامن الدولة
-معركة الجمل تمت تحت اشراف الحرس الجمهوري والبلطجية وكانو بيحمو الجمال والاحصنة وتم انزال البلطجية من سيارات النقل تحت اشراف وحماية الحرس الجمهوري وطبعا مفيش حد بيتحرك منهم غير بااوامر الكبير اللي هو حسني مبارك
معني كدة ان كل ده تم تحت اشراف الكبير اوي حسني مبارك وده اكبر دليل ادانه له حتى الان وطبعا الكلمة الاولى والاخيرة كانت ليه هو


طبعا انا كاتب الكلام ده كلو واهتميت اني اعمل كدة علشان عارف ان في ناس كتير في المنتدى بتطالب بعدم محاكمة مبارك لانه ببساطة برئ والناس اللي حواليه هو اللي مغرقينه والكلام الغريب اللي بنسمعه كتير ده
عايز اقولهم ان كل حاجة بقت على مية بيضة وكل شيء بان
انا كل اللي يهمني دلوقتي انه يتعدم هو وكل المسئولين عن المهازل اللي حصلت دي وياريت بجد يتحاكم فعلا قبل مايموت لانه هيشوف ذل عمره ماشافه قبل كدة

وحسبي الله ونعم الوكيل في كل متواطئ