مبروك الاعدام لحسني مبارك ورجالته

**Dojuar** · 09-06-2011 03:11 PM

اذا فرضنا أن الحرس الجمهوري دعم و ساند بلطجية موقعة الجمل...فلماذا لم يساند الداخلية من البداية؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟؟؟؟؟؟؟؟؟؟؟؟؟؟؟؟؟

**mohamed_selim** · 09-06-2011 03:13 PM

المشاركة الأصلية كتبت بواسطة م.احمد زكريا

مش عارف انا شفت الفيديو من وجهة نظر تانية.

دلوقتي الحرس الجمهوري نزل يأمن المنشات الحيوية من اهمها مبنى التليفزيون وخصوصا بعد الاشكال الضاله الدخلته وبدأت تكسر فيه باديها ورجليها يوم جمعة الغضب.

والمعروف ان اليوم ده كان فيه مظاهرة في مصطفى محمود وعند التليفزيون مؤيدين لمبارك بعد الخطاب المعروف.

وكان وجود الخيول والكريتات والجمال شيء غريب استدعى وقوف قوات الحرس الجمهورى والشرطة العسكرية المكلفين بحراسة التليفزيون بالشكل ده (كردون) لحماية المبنى وليس لتنظيم دخول الخيول للميدان.

ده تصوري ورؤيتي الباينة من الصورة

والله أعلم

متفق معاك تماما ... اللى انا شوفته فيديو يمكن شفناه من زوايا اخرى قبل كده ... الجديد هو التفسير اللى انا شايفه عبيط من الشخص اللى عمال يشعلل فى الموضوع و لو الناس فكرت ثانيه هتشوف ان الكردون لحماية التليفزيون ... ماشفناش ظابط جيش بيدى تعليمات للبلطجيه ولا دبابه بتوسعلهم ولا عسكرى بيديهم حاجه ....

**otefa** · 09-06-2011 03:22 PM

المشاركة الأصلية كتبت بواسطة _ahmed_casper_

ياااااارب الاعدام يا حسنى
بس فى حاجه عماله تتكرر فى الموضوع . الحرس الجمهورى الحرس الجمهورى ايه دليل حضرتك ان الحرس الجمهورى كان ورا اللى حصل و الكلام ده؟
الحرس الجمهورى ده جييييش تانى و جواه معظم الاسلحه اللى فى الجيش بل و متطوره اكتر كمان يعنى لو كان الحرس الجمهورى وقف جمب مبارك و عمل زى الامن المركزى اقسم بالله كان اباد ميدان التحرير بالكامل و بعدين اول يومين الجيش نزل فيهم كان كلهم حرس جمهورى و منزلش اى حد من الجيش فى اول يومين
الوحيد اللى كان بيحامى لمبارك هو حبيب العادلى بالامن المركزى و امن الدوله غير كده كله اشتغالات
و بعدين هاله سرحان ايه بس دانا كل مره ببقا نفسى اتفرج على برنامجها بقشعر من القرف

**sama_Sama** · 09-06-2011 03:24 PM

مجرد وجود الكائن "هالة سرحان" في الموضوع يخليني أشك 1000 مرة في الكلام إللي بيتقال وإن كان صح
دي "شيطان" شكلا ومضمونا

**_Ahmed_casper_** · 09-06-2011 03:30 PM

هاله سرحان دى لو قالت ميدان التحرير فى القاهره و القاهره فى مصر مش هصدقها

**aif** · 09-06-2011 03:32 PM

المشاركة الأصلية كتبت بواسطة dr_magdi2009

هالة سرحان اللى عاوزة مبارك يتعدم ...............ياحسرتاه على البلد و على الربيضة اللى زهقونا فى عيشتنا..

علشان خاطرى راجعو تاريخ هالة سرحان ......... احسن هى بقت خلاص من الاحرارا و بتعلب على مشاعركم

المشاركة الأصلية كتبت بواسطة aminibrahim

انا مش مع مبارك وانا مع القضاء

لكن هاله سرحان ------ والله دي اخرها تدير ماخور

الناس راحت تقابلها في المطار بالطبل البلدي وهي ايام الثوره كانت قعده تتفرج

ارحمونا من العالم ال--------- والا بلاش

يا جماعة انا كرهي لهذة الانسانة المسماة هالة سرحان يقترب من كرهي لشارون ونتنياهو
فعلا باكرهها لدرجة غير طبيعية ..... وباتمنى انها ما تطلعش على اي شاشة تاني .... ونفسي تروح في 60 الف داهية
لكن مع احترامي
مش هي اللي مصورة
ولا هي اللي رجعت النسخ بعد اتلافها
ولا هي اللي بلغت النائب العام
....
مش معنى اني باكرهها اني ارفض حقائق لمجرد انها جاءت من ناحيتها
يعني مثلا لو انا باكرهها وباكره مبارك
ولقيتها هي ومبارك بيقولو لا اله الا الله ........ يبقى قولهم غلط علشان انا باكرههم ؟؟؟؟؟؟
دي دورها انها التقطت الخبر وعرفت تعمل منه سبق صحفي علشان ترجع للساحة الاعلامية تاني .... وده في المقام الاول موضوع له علاقة بالعلاقات الشخصية والمالية والصداقات وما الى ذلك
لكن ده مالوش علاقة بالخبر ومالوش علاقة بصحته ....
نقطة تانية
هما اللي طلعو في الكادر بيعدو الجمال دول هم كل قوات الحرس الجمهوري ؟؟؟؟؟
دول وحدة منهم
مش معنى كدة انهم كلهم خونة وكلهم وحشين
بلاش تعميم
مطلوب معرفة المسؤل عن الواقعة ومن اصدر لهم الاوامر ومن ادار العملية ونفذها
ولسة ح نسمع كتير عن الموضوع ده تاني

**dr_magdi2009** · 09-06-2011 03:33 PM

المشاركة الأصلية كتبت بواسطة م.احمد زكريا

مش عارف انا شفت الفيديو من وجهة نظر تانية.

دلوقتي الحرس الجمهوري نزل يأمن المنشات الحيوية من اهمها مبنى التليفزيون وخصوصا بعد الاشكال الضاله الدخلته وبدأت تكسر فيه باديها ورجليها يوم جمعة الغضب.

والمعروف ان اليوم ده كان فيه مظاهرة في مصطفى محمود وعند التليفزيون مؤيدين لمبارك بعد الخطاب المعروف.

وكان وجود الخيول والكريتات والجمال شيء غريب استدعى وقوف قوات الحرس الجمهورى والشرطة العسكرية المكلفين بحراسة التليفزيون بالشكل ده (كردون) لحماية المبنى وليس لتنظيم دخول الخيول للميدان.

ده تصوري ورؤيتي الباينة من الصورة

والله أعلم

كلامك محترم و فعلا ............صح بنسبة 100 % بس للاسف الست هالة عاوزة تخرب البلد و خلاص

**heshamzaky** · 09-06-2011 03:35 PM

الى فى الفيديو عساكر لابسين خوذ حمراء صح
الحرس الجمهورى بيلبس بارية أزرق و خوذ زرقاء على فكرة

**heshamzaky** · 09-06-2011 03:42 PM

الزميل كان بيسأل لما طنطاوى نزل التحرير و عند التيلفزيون و سأل عسكرى و قال لة سلاحك أية قال لة حرس جمهورى دة صحيح .
بس مش معنى وجود الحرس عند التيلفزيون أنة نازل يأمن البلطجية لآ كان نازل يأمن التيلفزيون يعنى بيأمن مبنى حيوى دى مهمتة .
لما طنطاوى فعلا أستغرب ممكن جدا و اله أعلم يكون ما كانش عارف أن الحرس نزل لآنة مالهوش دعوة بالحرس الجمهورى اساسا و على فكرة المشير طنطاوى قبل ما يعين وزير للدفاع كان قائد لقوات الحرس الجمهورى و ساب الحرس سنة 90 و مسك وزير الدقاع يعنى ممكن قلقة من وجود الحرس أنة مش عارف الدافع أية لتواجدة فى المكان بس هو فاهم كويس جدا جدا طبيعة عمل الحرس و لا أظن الحرس كان بيأمن شوية صيع و بلطجية لو كانو عاوزين يضربو كانو خلصو الموضوع فى البدرى بدرى الحرس عندة دبابات و مجنزرات و صاعقة لا أظن كان بيأمن شوية البلطجية دول

-

الموضوع: مبروك الاعدام لحسني مبارك ورجالته

LinkBack

أدوات الموضوع

عرض

-

-

-

-

المواضيع المتشابهه

الف مبروك التكريم لأحمد مبارك وصلاح

مبروك فادي -- مبروك خالد ايمن -- مبروك محمد قاسم (تكريم المنتدى)

فيديو آخر خمس دقائق لحسني!!!

مبروك لفيراري..... مبروك لكيمي رايكونن

الكلمات الدلالية لهذا الموضوع

المفضلات

المفضلات

ضوابط المشاركة