ارجو المساعدة يا شباب انا لاقيت الكاوتش مهوي امبارح الصبح غيرت وحطيت الاستبن وانا ماشي الصواميل لقيتها اتفكت والحمد لله لحقتها لاني لقيت رجة جامدة في الدركسيون وبعدين ربطها ومشيت وبعدين اتفكت تاني وربطها
وبعدين وانا راجع من الشغل صلحت الفردة الاصلية والرجل ركبها وحكتله علي الي حصل وبعدين ربطهالي وقلي كله تمام وهي كانت عاوزة تتربط صح وانا ماشي النهاردة لقيتها اتفكت تاني ومش عارف السبب ايه واعمل اليه
ارجو الافادة للاهمية وخطورة الموقف ؟؟؟؟؟؟؟؟
انا اول مرة اسمع الحوار ده
كده في حاجه مش طبيعية
اولا شوف الجنوط فيها اعوجاج من عدمه علي اجهزة استعدال الجنوط
ثانيا مشط المسامير وغير بصواميل مقاس اكبر حسب التمشيط بتاع السن الجديد
اللي انا اعرفه ان مينفعش يتفك وانت ماشي
طيب ليه
هناك قاعدة اسمها قاعدة فلمينج لليد اليمني
حيث يشير الابهام الي الاعلي و باقي الاصابع تمثل دوران المسمار
يعني ببساطه المسمار مع المشي للامام بيقرط (بيزداد عزمه) يعني مينفعش يتفك وانت ماشي للامام
لذلك راجع اللي قولتهولك بالاعلي
شكرا لردك استاذ / محمد وانا نفسي مش عارف المشكلة في ايهاقتباس:
المشاركة الأصلية كتبت بواسطة mohamed_rhem
هل لو الجنت مش مربوط بالتوازي علي الصواميل ممكن يعمل كده
طيب اروح لميكانيكي والا بتاع كوتش مش عارف ؟
كلام مظبوط جدا وكمان الموضوع دا بيحصل فى عجلة واحدة بس ولا كل العجل لو كل العجل يبقى الصواميل والمسامير سيئين ولازم يتغيرو لكن لو عجلة واحدة يبقى هيا لوحدها اللى فيها مشكلة وربنا يكفينا ويكفيك الشر ان شاء الله بس لازم تستعجل على الموضوع ده والافضل تروح لخراط كويس هوا اللى هيفصلك فى نوعية الصاموله والمسمار ويمشطلك السنوناقتباس:
المشاركة الأصلية كتبت بواسطة mohamed_rhem
شكرا يا حسام ياشااقتباس:
المشاركة الأصلية كتبت بواسطة hosammoner
هي في عجلة واحدة ادام يمين وحصل الموضوع ده لما فكتها وركبتها ومهما ربط بتتفك تاني
رايك اروح لبتاع كوتش والا خراط واجيب معايا صواميل جديدة ؟
تحت امرك يا باشا
بس متجبش انت الصواميل من نفسك استنى شوف هوا هيقولك ايه لان حصل معايا موضوع زى ده مره واشتريت صواميل من نفسى وطلعت مشهيا فرجعتها تانى وربنا يوفقك ان شاء الله
اقتباس:
المشاركة الأصلية كتبت بواسطة hosammoner
فيه واحد قلي روح لواحد بتاع جنوت وهو عنده كل حاجة حتي بيخرط اي حاجه عنده لو الامر محتاج وهو في الملك الصالح قبل مطلع الكبري وانت رايح التحرير ربنا يسهل واحاول اروحله النهاردة
اه انا عارف الراجل ده رحتله كذا مرة قبل كدا لانه بيعدل جنوط هوا ممتاز فعلا بعد متعدى النفق على طول تكسر يمين اوى وابقى طمنا عملت ايه
شكرا للردود والاهتمام انا رحت عند الخراط وكان الرينج بتاع الجانت سايح وركبلي رينجات الومنيوم بدل التيفلون وعند بتاع الكاوتش لمعلي الصامولة من برة والعفشة قلي المسامير تمام وركبت كل حاجة وهشوف ان شاء الله حيحصل ايه
وعلي فكرة يا حسام انا رحت لبتاع الجنوط زي ما اتوصفلي لقيته جنوط بس معندوش خراطة ولا حاجة ورحط لخراط في المنيل