مشكلة - صواميل الجـــــــانت بتتفك وانا ماشـــــي ومــــــــش عارف ايه الحــــل؟

**minded** · 09-06-2011 10:40 AM

ارجو المساعدة يا شباب انا لاقيت الكاوتش مهوي امبارح الصبح غيرت وحطيت الاستبن وانا ماشي الصواميل لقيتها اتفكت والحمد لله لحقتها لاني لقيت رجة جامدة في الدركسيون وبعدين ربطها ومشيت وبعدين اتفكت تاني وربطها

وبعدين وانا راجع من الشغل صلحت الفردة الاصلية والرجل ركبها وحكتله علي الي حصل وبعدين ربطهالي وقلي كله تمام وهي كانت عاوزة تتربط صح وانا ماشي النهاردة لقيتها اتفكت تاني ومش عارف السبب ايه واعمل اليه

ارجو الافادة للاهمية وخطورة الموقف ؟؟؟؟؟؟؟؟

**mohamed_rhem** · 09-06-2011 11:13 AM

انا اول مرة اسمع الحوار ده

كده في حاجه مش طبيعية

اولا شوف الجنوط فيها اعوجاج من عدمه علي اجهزة استعدال الجنوط

ثانيا مشط المسامير وغير بصواميل مقاس اكبر حسب التمشيط بتاع السن الجديد

اللي انا اعرفه ان مينفعش يتفك وانت ماشي

طيب ليه

هناك قاعدة اسمها قاعدة فلمينج لليد اليمني

حيث يشير الابهام الي الاعلي و باقي الاصابع تمثل دوران المسمار

يعني ببساطه المسمار مع المشي للامام بيقرط (بيزداد عزمه) يعني مينفعش يتفك وانت ماشي للامام

لذلك راجع اللي قولتهولك بالاعلي

**hosammoner** · 09-06-2011 12:44 PM

المشاركة الأصلية كتبت بواسطة mohamed_rhem

انا اول مرة اسمع الحوار ده

كده في حاجه مش طبيعية

اولا شوف الجنوط فيها اعوجاج من عدمه علي اجهزة استعدال الجنوط

ثانيا مشط المسامير وغير بصواميل مقاس اكبر حسب التمشيط بتاع السن الجديد

اللي انا اعرفه ان مينفعش يتفك وانت ماشي

طيب ليه

هناك قاعدة اسمها قاعدة فلمينج لليد اليمني

حيث يشير الابهام الي الاعلي و باقي الاصابع تمثل دوران المسمار

يعني ببساطه المسمار مع المشي للامام بيقرط (بيزداد عزمه) يعني مينفعش يتفك وانت ماشي للامام

لذلك راجع اللي قولتهولك بالاعلي

كلام مظبوط جدا وكمان الموضوع دا بيحصل فى عجلة واحدة بس ولا كل العجل لو كل العجل يبقى الصواميل والمسامير سيئين ولازم يتغيرو لكن لو عجلة واحدة يبقى هيا لوحدها اللى فيها مشكلة وربنا يكفينا ويكفيك الشر ان شاء الله بس لازم تستعجل على الموضوع ده والافضل تروح لخراط كويس هوا اللى هيفصلك فى نوعية الصاموله والمسمار ويمشطلك السنون

**minded** · 09-06-2011 12:55 PM

المشاركة الأصلية كتبت بواسطة hosammoner

كلام مظبوط جدا وكمان الموضوع دا بيحصل فى عجلة واحدة بس ولا كل العجل لو كل العجل يبقى الصواميل والمسامير سيئين ولازم يتغيرو لكن لو عجلة واحدة يبقى هيا لوحدها اللى فيها مشكلة وربنا يكفينا ويكفيك الشر ان شاء الله بس لازم تستعجل على الموضوع ده والافضل تروح لخراط كويس هوا اللى هيفصلك فى نوعية الصاموله والمسمار ويمشطلك السنون

شكرا يا حسام ياشا
هي في عجلة واحدة ادام يمين وحصل الموضوع ده لما فكتها وركبتها ومهما ربط بتتفك تاني

رايك اروح لبتاع كوتش والا خراط واجيب معايا صواميل جديدة ؟

**hosammoner** · 09-06-2011 03:52 PM

تحت امرك يا باشا
بس متجبش انت الصواميل من نفسك استنى شوف هوا هيقولك ايه لان حصل معايا موضوع زى ده مره واشتريت صواميل من نفسى وطلعت مشهيا فرجعتها تانى وربنا يوفقك ان شاء الله

**minded** · 09-06-2011 04:10 PM

المشاركة الأصلية كتبت بواسطة hosammoner

تحت امرك يا باشا
بس متجبش انت الصواميل من نفسك استنى شوف هوا هيقولك ايه لان حصل معايا موضوع زى ده مره واشتريت صواميل من نفسى وطلعت مشهيا فرجعتها تانى وربنا يوفقك ان شاء الله

فيه واحد قلي روح لواحد بتاع جنوت وهو عنده كل حاجة حتي بيخرط اي حاجه عنده لو الامر محتاج وهو في الملك الصالح قبل مطلع الكبري وانت رايح التحرير ربنا يسهل واحاول اروحله النهاردة

**hosammoner** · 09-06-2011 04:15 PM

اه انا عارف الراجل ده رحتله كذا مرة قبل كدا لانه بيعدل جنوط هوا ممتاز فعلا بعد متعدى النفق على طول تكسر يمين اوى وابقى طمنا عملت ايه

**minded** · 10-06-2011 07:04 AM

شكرا للردود والاهتمام انا رحت عند الخراط وكان الرينج بتاع الجانت سايح وركبلي رينجات الومنيوم بدل التيفلون وعند بتاع الكاوتش لمعلي الصامولة من برة والعفشة قلي المسامير تمام وركبت كل حاجة وهشوف ان شاء الله حيحصل ايه

وعلي فكرة يا حسام انا رحت لبتاع الجنوط زي ما اتوصفلي لقيته جنوط بس معندوش خراطة ولا حاجة ورحط لخراط في المنيل