اخبار جديدة واكيده بازن الله عن الالنترا الجديدة

من كام يوم كنت باتصل احجز اختبار قيادة للالنترا الجديدة وفعلا حجزت
وعرفت منهم الاتى :
اولاا : انهم هيعملو حفله ترحيب احتفالا بنزول العربيه للوكيل رسمى وده يوم الجمعه 24-6
ثانياا: ان السعر هيبدا من 120 الاوتوماتيك واعلى فءه تماما هتكون ب 150 وطبعا الاسعار دى تقريبيه يعنى ممكن نزل او ترفع حاجات بسيطه جدااا
ثالثا: وده الاهم من وجهه نظرى ان الالنترا اتقريبااا هتنزل بكل الاوبشنز اللى شوفناه على النت ما عداا ( الموتور )

الموتور 130 حصان على عكس اللى سمعناه واللى هيونداى اعلنت عنه اللى هوا 140 حصلن وده خبر زعنى جدااا ولما سالته قاللى لان الموتور ال140 حصان هيعمل زى الباسات وهيستخدم بنزين 94 بس عشان كدة نزلناها بالموتور ال130 حصاان

اتمنى الكلام دة يبقى صحيح
لكن مش هو دة موتور الالنترا و السيراتو بس عزمة اعلى شوية ؟

اعتقد الاسعار دى منطقية بردوا

الأسعار دي تعتبر منطقية

لكن أنا عن نفسي بعد ماكنت مستني الالنترا دي بفارغ الصبر رجعت تاني وقلت أنتظرها سنة كمان العربية تكون اتجربت لإنها لسه جديدة كليا وبالذات الفتيس ال 6 سرعات عشان ف الأغلب العربيات أول دفعة دي بتكون فيها أعطال وبتتلاشى ف الدفعات اللي بعد كده وبصراحة الواحد مش فاضي يتنطط كل كام يوم ف التوكيل

جزاك الله كل خير على معلوماتك

هو حضرتك حجزت ازاى واى الحاجات المطلوبة


وشكرااا

اقتباس:

---

المشاركة الأصلية كتبت بواسطة hacker5

اتمنى الكلام دة يبقى صحيح
لكن مش هو دة موتور الالنترا و السيراتو بس عزمة اعلى شوية ؟

---

هوا طبعااا بالشكل ده هيبقى نفس موتور الالنترا والسيراتو مع بعض التعديلات
بس هوا الكلام الاول واللى كلنا شفناه على النت واللى اعلنت عنه شركه هيونداى ان العربيه نازله بموتور جديد اللى هوا 140 حصان وكمان موفر اكتر فى البنزين
بس انا لما سالت قاللى لان الموتور ده بيستخدم بنزين 94 بس فعشان كدة مش هننزلو وهينزلو الموتور ال130 حصان

اقتباس:

---

المشاركة الأصلية كتبت بواسطة ehatem123

هو حضرتك حجزت ازاى واى الحاجات المطلوبة


وشكرااا

---

والله هوا انا كنت سمعت عن موضوع الحجز ده فبالصدفه باتصل احجز ميعاد الصيانه عادى فسالتهم عن موضوع تجربه قياده الالنترا الجديدة فقالولى ان عادى جداا ممكن تحجز طالما انتا عميل معانا
فطبعااا حجزت والمفروض ان ميعاد التجربه هيكون يوم 24_6 اللى هوا يوم الحفله اللى عاملينها بمناسبه نزول العربيه

والرقم هوا ده 16101

اقتباس:

---

المشاركة الأصلية كتبت بواسطة Hacker5

اتمنى الكلام دة يبقى صحيح
لكن مش هو دة موتور الالنترا و السيراتو بس عزمة اعلى شوية ؟

---

نفس الموتور بس dual cvvt

يعني حجز تجربة العربية مجاني ؟!

اقتباس:

---

المشاركة الأصلية كتبت بواسطة easy2002

الأسعار دي تعتبر منطقية

لكن أنا عن نفسي بعد ماكنت مستني الالنترا دي بفارغ الصبر رجعت تاني وقلت أنتظرها سنة كمان العربية تكون اتجربت لإنها لسه جديدة كليا وبالذات الفتيس ال 6 سرعات عشان ف الأغلب العربيات أول دفعة دي بتكون فيها أعطال وبتتلاشى ف الدفعات اللي بعد كده وبصراحة الواحد مش فاضي يتنطط كل كام يوم ف التوكيل

جزاك الله كل خير على معلوماتك

---

عندك حق تقول كدة
بس اقولك انا
اولااا العربيه مش هتنزل فى مصر اول بلد لا ده العريه دى نزلت فى كوريا من زماان وطبعااا متجربه ده غير اننا شايفينها على النت من زمااان اوىىى وكانو كل كام شهر يقولو هتنزل هتنزل معنى الكلام ده ان العربيه متجربه وتماام التمام
اما عن موضوع الفتيس ده فاظن ان الفتيس ده تمت تجربته من قبل فى النيو سيراتو ومفيش اى حد اشتكى منه من الناس اللى جربته بالعكس ده افضل
من الاخر انا رايى انى لو هاشترى هاشترى من الدفعات الاولىلان دايما الدفعات الولى بتاخد حقها فى العنايه وبيكون الاهتمام بيها كبير لانها بتكون مهمه لسوق العربيه وده عن تجربه مع الالنترا اللى فاتت بس مفيش مانع بردو انك تنتظر على الاقل شهر

اقتباس:

---

المشاركة الأصلية كتبت بواسطة yasserelsayad

نفس الموتور بس dual cvvt

---

مظبوووط بس المفرض انها كانت نازله بالموتور الجديد ( جاما على ما اتزكر ) بس طبعا الموضوع اختلف

اقتباس:

---

المشاركة الأصلية كتبت بواسطة ashraf_ibrahim

يعني حجز تجربة العربية مجاني ؟!

---

يا باشا مجانااا بس لازم تكون عميل
وكمان ليك ان واحد صاحبك يبقى معاك بس انتا بس اللى تجرب

يا باشا انا عميل مزدوج اساسا
هههههههههههههههههه
عميل طبعا امال الفيرنا اللي معايا دي بتعمل ايه :lol:
خلاص اتصل بيهم واحجز اختبار قيادة انا كمان اشمعنى انا يعني :lol:

اقتباس:

---

المشاركة الأصلية كتبت بواسطة zendenboo

مظبوووط بس المفرض انها كانت نازله بالموتور الجديد ( جاما على ما اتزكر ) بس طبعا الموضوع اختلف

---

الموتور اللى نازله فيه برا هو 1600 gdi ودا 138 حصان .. وgdi يعنى بالحقن المباشر للوقود لكن بيحتاج بنزين 95 وطبعا الموضوع هيبقى صعب لو نزلت بيه هنا وهيوقع سوق العربية خالص وبعدين الموتور بتاعها مش وحش يعنى 130 حصان مش قليلين والقوة قريبة من الموتور الgdi

يا جماعة العربية دي ورق مقوي انا لما شوفتها في المعرض اتصدمت من البدي بتاعها ضعيف بشكل مستفز

اقتباس:

---

المشاركة الأصلية كتبت بواسطة ramy01011

يا جماعة العربية دي ورق مقوي انا لما شوفتها في المعرض اتصدمت من البدي بتاعها ضعيف بشكل مستفز

---

الموضوع مش بالصاج
العربية واخدة 5 نجوم فى اختبارات الامان الاوروبية وكمان جايزة TOP SAFETY PICK من امريكا

YouTube - ‪2011 Hyundai Elantra/Avante NCAP Frontal Offset Impact (KNCAP)‬‏

YouTube - ‪2011 Hyundai Elantra/Avante NCAP Side Impact (KNCAP)‬‏

YouTube - ‪2011 Hyundai Elantra/Avante NCAP Frontal Impact (KNCAP)‬‏

العربيه اللي بتنزل مصر حاجه وامريكا حاجه تانيه خالص في كل حاجه
حتي بيغيروا اسمها علشان تبقي دي موديل ودي موديل
دي افانتي
ودي النترا لاكن دي عربيه ودي حاجه تانيه خالص

هوا الفتيس بتاعها هيكون اوتوماتك ولا استبترونك؟؟؟

اقتباس:

---

المشاركة الأصلية كتبت بواسطة Typerr

العربيه اللي بتنزل مصر حاجه وامريكا حاجه تانيه خالص في كل حاجه
حتي بيغيروا اسمها علشان تبقي دي موديل ودي موديل
دي افانتي
ودي النترا لاكن دي عربيه ودي حاجه تانيه خالص

---

مفيش حاجة اسمها كدا اساسيات العربية واحد فى العالم كله كل اللى بيختلف التجهيزات بس
يعنى فيها esp ebd abs .. فيها كام ايرباج .. كدا يعنى .. لكن صاج وشاسيه والحاجات دى واحد

اقتباس:

---

المشاركة الأصلية كتبت بواسطة pipelineeng

هوا الفتيس بتاعها هيكون اوتوماتك ولا استبترونك؟؟؟

---

6 نقلات استبترونيك زى بتاع السيراتو

اقتباس:

---

المشاركة الأصلية كتبت بواسطة yasserelsayad;3873565478[SIZE=4

العربية واخدة 5 نجوم فى اختبارات الامان الاوروبية وكمان جايزة TOP SAFETY PICK من امريكأ
[/SIZE]

---

http://www.car.go.kr/images/kncap/kncapLogo.gif

مين يشهد للعروسة ........... ملهاش اى علاقة ب europe خالص
eNcap مش عاملة اختبار ليها اصلا عشان مش محبوبة فى europe

اما فى امريكا IIHS العربية منتشرة و نتايج 2011 كويسة جدا و مش واخدة اى جايزة انما هى من مختارات ضمن 20 عربية لكن سمعتها القديمة فى الاختبرات زفت

اقتباس:

---

المشاركة الأصلية كتبت بواسطة JapRuleZ

http://www.car.go.kr/images/kncap/kncapLogo.gif

مين يشهد للعروسة ........... ملهاش اى علاقة ب europe خالص
eNcap مش عاملة اختبار ليها اصلا عشان مش محبوبة فى europe

اما فى امريكا IIHS العربية منتشرة و نتايج 2011 كويسة جدا و مش واخدة اى جايزة انما هى من مختارات ضمن 20 عربية لكن سمعتها القديمة فى الاختبرات زفت

---

Ncap حاجة وKNcap حاجة تانية
بس انا مأختش بالى من كلمة KNcap اللى فى الاخر دى
المهم ان هو اختبار زيه وكمان من IIHS واخدة من أمن 6 عربيات فى 2011 وحتى مكتوب الخبر انهارده فى جرنال الاخبار

اقتباس:

---

المشاركة الأصلية كتبت بواسطة yasserelsayad

الموتور اللى نازله فيه برا هو 1600 gdi ودا 138 حصان .. وgdi يعنى بالحقن المباشر للوقود لكن بيحتاج بنزين 95 وطبعا الموضوع هيبقى صعب لو نزلت بيه هنا وهيوقع سوق العربية خالص وبعدين الموتور بتاعها مش وحش يعنى 130 حصان مش قليلين والقوة قريبة من الموتور الgdi

---

شكرااااا على الردود اللى كلها معلومات صحيحه وكمان مفيده
ممكن بقى لو مفيهاش رخامه تقولى ايه الفرق بين الموتور الجديد والقديم
ويعمى ايه dual cvvt
ومليوووون شكر ليك يا باشا بس ده مش غريب عنك دايمااا ردودك مفيده

اقتباس:

---

المشاركة الأصلية كتبت بواسطة ashraf_ibrahim

يا باشا انا عميل مزدوج اساسا
هههههههههههههههههه
عميل طبعا امال الفيرنا اللي معايا دي بتعمل ايه :lol:
خلاص اتصل بيهم واحجز اختبار قيادة انا كمان اشمعنى انا يعني :lol:

---

يبقى الف مبروووك مقدمااا يا باشاااا
وياااارب العربيه تطلع حلوة بقى
:d :d :d

اقتباس:

---

المشاركة الأصلية كتبت بواسطة zendenboo

شكرااااا على الردود اللى كلها معلومات صحيحه وكمان مفيده
ممكن بقى لو مفيهاش رخامه تقولى ايه الفرق بين الموتور الجديد والقديم
ويعمى ايه dual cvvt
ومليوووون شكر ليك يا باشا بس ده مش غريب عنك دايمااا ردودك مفيده

---

الموتور الحالى بتاع السيراتو والاكسنت rb موتورهم cvvt بس ودا بتحكم فى توقيت فتح الصمامات بتاع Intake .. اللى هو الهواء اللى داخل لغرفة احتراق الموتور .. لكن الموتور الجديد اللى هو dual cvvt يتحكم كمان فى الصمامات بتاعت العادم او exhaust وهى خارجة من غرفة الاحتراق ودى طبعا بيحسن من اداء المحرك واستهلاك البنزين.
يارب اكون قدرت اوصلك اللى انا فاهمه والف شكر يا باشا :)

اقتباس:

---

المشاركة الأصلية كتبت بواسطة yasserelsayad

الموتور الحالى بتاع السيراتو والاكسنت rb موتورهم cvvt بس ودا بتحكم فى توقيت فتح الصمامات بتاع intake .. اللى هو الهواء اللى داخل لغرفة احتراق الموتور .. لكن الموتور الجديد اللى هو dual cvvt يتحكم كمان فى الصمامات بتاعت العادم او exhaust وهى خارجة من غرفة الاحتراق ودى طبعا بيحسن من اداء المحرك واستهلاك البنزين.
يارب اكون قدرت اوصلك اللى انا فاهمه والف شكر يا باشا :)

---

تماااام يا باشا وصلت وانتا اللى الف شكر على المعلوماااات الجامدة دى

150 دول يجيبو هندا وتيتا غبور بيهبل