الموضوع: الحقوني انا بموت من الحر مشكله في التكيف

ممكن تكون المشكله دي ان المروحه بتاعد التبريد اللي قدام عندك مش بتشغل سرعه تانيه ولو عندك مروحه منفصله بتشغل مع التكييف ممكن تبقا فاصله و ده يسخن معاك العربيه عايز تتاكد شغل التكييف و العربيه بارده تماما و لاحد حالته لحد ما الحراره توصل لمعدلها الطبيعي قبل ما تزيد يعني و لو كان شغال كويس وبدأ يخرف لما الحراره عليت يبقا زي ما باقولك ولو مشتغلش خالص يبقا راجع شحنه الفريون

بص يا باشا مع احترامى لكلام الزملاء بس الفريون عمرة ميكون السبب لان عندك حساسين على الكمبريسور ولان فقد الشحنة ينتج عنة ازالة حمل من الموتور وبالتالى برودة العربية
السبب ممكن يكون المراوح وانا استبعدة لانك بتقول الحرارة تزيد بمعدل سريع و ذلك لا ينطبق اذا كان عندك تلف الا اذا كانوا لا يعملوا تماما و بردة فى الحالة دى لو طفيت التكييف الحرارة مش هتقل لحظيا لازم تاخد وقت عشان تبرد
الشئ الوحيد اللي يعلى الحرارة لحظيا هو مشكلة فى السيور او الطنبورة بتاعة الكمبريسور مما يؤدى لتقليل كفائه طلمبة المياة عند تعشيق الكلاتش بتاع الكمبريسور
لو عندك لمبة التشيك نورت يبقي ميل اكتر للمراوح لو لا يبقى خشونة فى كلاتش الكمبريسور او السيور
لذا افتح الكبوت و افحص السيور واستمع لفرق الصوت بالتكييف و بدون لان ممكن تكون حاجة اتحشرت فى الطنبورة و انت ماشى و تكون هى سبب المشكلة