المشاركة الأصلية كتبت بواسطة ringoo
سبحان الله .. الثورة ضيعت البلد !! .. دة على اساس اننا قبل الثورة كنا عايشين فى امان وعزة وكرامة
معلش سؤال رفيع هو حضرتك كنت عايش معانا فى مصر .. ولا ما كنتش بتقرأ صفحات الحوادث ؟؟؟
يا راجل اتقى الله فى اهلك وناسك واخواتك المصريين .. ارجوك راجع نفسك ... وما تخليش وضوح ما يحدث فى البلد يحسسك انه سببها الثورة
كل ما فى الامر اننا بنتابع الاخبار والصحافة بقت حرة ومحدش يقدر يحجر عليها مش زى زمان
كنا قاعدين فى البلد مش عارفين حاجة بتحصل حوالينا .. انت ما شوفتش فى التلفزيون والجرايد الرسمية كانوا بيضحكوا علينا ازاى
اصحى يا راجل الله يا خليك .. خلاص مبارك بح .. ابنى بلدك بقى ونظفها علشان عيالك يتعلموا تعليم كويس ويعيشوا عيشة نضيفة من غير اكل مسرطن ولا تصدير غاز للاعداء ويركبوا مواصلات ادمية
ولعلمك انا عن نفسى المصنع اللى بشتغل فيه المرتبات كلها زادت بعد الثورة والمصنع دة مصدر دخل ل 2000 اسرة
ولسة كلوا جاى والله بس واحدة واحدة ومن غير تخويف الناس ... دى مصر قوية جدا وما يتخافش عليها ابدا