المشاركة الأصلية كتبت بواسطة ezzatfox
'طيب سؤال صغير يا ريت اجابة علية
البلطجية دول مين اللى عملهم اصلا .. مش النظام السابق - بتفشى الجهل و الفقر و الظلم و الفساد فى كل مناحى الحياة .. و من ناحية تانية استغلالهم فى الانتخابات و التنكيل بالخصوم و عملوا منهم نظام ممنهج و مؤسسى .
اللى بيحصل شىء طبيعى فى الفترة دى حتى لو زايد شوية لازم نستحمل .. البلد متسابة عبارة عن خرابة و احنا قاعدين على تلها و مش حاسين فى اية تحتينا .. و لما تيجى تنضفها هتلاقى فران و تعابين و بلاوى زرقا و هتتعب .. بس متستسلمش و متلومش على اللى قال نخش الخرابة و ننضفها .
و يا ريت يبقى نفسنا طويل شوية .. و نفكر بشوية منطق مش معقولة البلد هتتغير فى كام يوم .. لسة المشوار طويل و ممكن اللى يجنى ثمار الثورة دى ولادنا مش احنا .