[overline]السلام عليكم،
كنت محتاج رأيكم في المقارنة ما بين التلات عربيات السيات الألتيا - البيجو 308 sw - فورد فوكس sw (موديلات 2011) بما إنهم العربيات العائلية الي في نفس الفئة السعرية في مصر، و لو حد في باله عربية تانية عائلية و شايفها أفضل من العربيات التلاتة دول و في نفس السعر فيا ريت برده يقترحها
و جزاكم الله كل خير
[/overline]
رأيي الألتيا عشان هي تعتبر أشيكهم من برة ومن جوة و أمتنهم ده غير إنها سيات
انت تقول انها سيات لما تقارنها بعربيات صينى او كورى انما انت بتقارنها بفورد و بيجو يعنى اسامى ليها احترمها برضةاقتباس:
المشاركة الأصلية كتبت بواسطة hamada409
أنا شفت الألتيا هي عربية رائعة بما في كل الكلمة من معني ، جودة داخلية وخارجية ، وامكانيات تضعها في المقارنة مع الجيتا والأوكتافيا أعتقد المشكلة فقط ستكون في قطع الغيار وإعادة البيع ، أما البيجو فشفتها في معرض فورميولا هي جيدة جدا وإن كانت ليست بجودة الألتيا وينطبق نفس الكلام علي الفورد بس للعلم أنا بتكلم من غير تجربة قيادة ولكن بناء علي فحص دقيق للسيارة من الخارج والداخل ومعرفة الامكانيات وبناء علي بعض التجارب والقراءات فقط ، وللعلم جميع المواقع الأوروبية تعطي الألتيا أربعة نجوم والبيجو ثلاثة فقط ، والأمر في النهاية لاختيار المستهلك وظروف كل بلد أتمني لك لتوفيق في الإختيار:16:
أنا بقول كده برده ان شكلها افضل،، لكن في النهاية موضوع الشكل اذواق و كمان الشكل مش العامل الوحيد للإختيار، عشان كده أنا قلت نتناقش سوا و نفكر مع بعضاقتباس:
المشاركة الأصلية كتبت بواسطة hamada409
من ناحية الشركات فبالتأكيد الثلاث سيارات من شركات عريقةاقتباس:
المشاركة الأصلية كتبت بواسطة mohamedgamall
هي منافس فعلاً للجيتا و الاوكتافيا و لو كانت سيدان كانت اكتسحتهم نظراً لفرق السعر و الاوبشنز لصالح الالتيا، و في النهاية الثلاث سيارات من نفس الشركة الام و بمكونات شبه واحدةاقتباس:
المشاركة الأصلية كتبت بواسطة mdm309
و نحن في انتظار معرفة رأي باقي الاعضاء ممن قاموا بتجربة البيجو و الفورد لمقارنتهم بالالتيا لانه حتي الان الجميع متفق علي جودة صناعة الالتيا سواء في المكونات الداخلية او الخارجية
الالتيا عربية جميلة ومحترمة يعيبها الارتفاع المبالغ فية لسعر قطع الغيار ( علي حسب مقريت وسمعت) .
البيجو عربية جميلة يعيبها كثرة الاعطال وقطع غيار نار وتوكيل عايش علي امجاد الماضي في مقابل انها الاكثر انتشارا في العربيات الثلاثة.
الفورد فوكاس عربية تحفة بكل ماتحملة الكلمة من معني كمان صناعة الماني والانتريو بتاعها وهمي وخامتها ممتازة يعيبها انها مش منتشرة اوي ويميزها ان اسعار قطع غيارها ممتازة وتعتبر الاقل في كل العربيات الاوربي في السوق.
والله اعلم
هو بالفعل علي حسب ما سألت في التوكيلات الثلاثة، أسعار قطع الغيار هي الأغلي في البيجو 308 sw يجي بعدها الالتيا و بعدهم الفورد، فمن ناحية اسعار قطع الغيار الفورد تكسب و هي عربية الماني الماني لكن للأسف شبه مش موجودة في الشوارعاقتباس:
المشاركة الأصلية كتبت بواسطة egytamer
و أنا كان ليه سؤال عن الإرتفاع عن الأرض للعربيات دي، لاني كنت سمعت ان الالتيا بتحك في المطبات فهل ده حقيقي يعني هتبقي زي الجيتا او السيفك و لا مثلاً زي الاسكودا و لا التويوتا!!!