عايز اجيب شورت بلوك

**sherif_m72** · 14-06-2011 04:17 AM

بص يا عرب انا هفيدك فى الموضوع ده مع احترامى لبرنس القسم
انا لسه مخلص الليله بتاعت المكنه طازه وعملتلها عمره كامله (موتور 2000 سى سى ايكوتيك)
فى البدايه قالولى غير شورت زى ما قالولك(للعلم عندنا فى اسكندريه بيقولوا عليها اورمه) ولما سألت على تكلفتها لقيتها هتتكلف 3500 و قابل للزياده وده من غير المصنعيه والكلام ده عند حسن اوبل اللى فى صلاح الدين (ودى بعيده عن رقم الموتور متقلقش يا طنانى)
قولت اشوف حل تانى وهو اغير المكنه بحالها لانى كنت من فتره كده سألت عليها فى بورسعيد وكانت عامله تقريبا من 3500 الى 4000 المهم انى كلمت الراجل فى التلفون وسألته وقالى انه معندوش دلوقتى ولما يجيب مش هيبقى بالسعر ده عشان ظروف الاستيراد والكلام ده
فكان الحل الامثل والاضمن فى ظروفى وهيه انى اعمر المكنه بالكامل وهذا ما قد حدث بالفعل وخصوصا انى عندنا ورشه ميكانيكا بتاعت اخويا
طبعا هتسأل اتكلفت كام
تقريبا 4000 وطلع منهم انى عملت العفشه الاماميه +شبكه نيكل بالعلامه+طقم كفرات امامى+ اسطوانه+ تيل امامى+وطبعا شامل الزيوت كلها بالفلاتر كل ده من الفلوس برضه
دلوقتى ايه رايك بذمتك مش كده صفقه ممتازه ولا لآ
انت بئه يا عرب شوف انهو الانسب ليك من اللى انا مريت بيه واعمله
وبالنسبه لرأيى الشخصى افتح الموتور عند حد تثق فيه ويكون معرفه ولو لقيت الموتور عامل عتب بسييط يعنى مثلا 010 او لو 020 (فيه ميكانيكيه بيعرفوا يقدروها)حتى اعمله عمره
اما لو كان هيبقى اكتر من كده يبقى عليك وعلى زيت الشنبر الفتره اللى جايه لغاية اما الموتورو يقول شيلوه من فوقيه لموته
وساعتها تشترى موتور جديده
بص بئه يا عرب انا عارف انى طولت عليك وعلى اى حد هيقرا برضه بس انا حبيت اكون واضح جدا واكون مفيد (وللعلم انا اعرف البمبى اللى عملك الشغل)
بالحق انا نسيت اقولك ان حالة المكنه وقت ما كانت بتلين انا قولت فلوسك يا واد اترمت على الارض بس بعد يومين من الدواره عرفت ان فلوسى حلال
ربنا معاك يا عرب

**sayood** · 14-06-2011 07:23 AM

تسلم جدا ياشريف باشا الموضوع ده كان خانقني بنسبة لموضوع الرقم هو قالي متشلش هم عندي ديه.. المشكلة بقى لو انا ناوي اغير المتور القديم هيروح فين هو بصراحة متور انا شفت وش السلندر قطة كانت ماسك فية بقلب ومش متساوي ابدا والفتيس نزل منو زيت رحتو تقول مدفون فيه ميت,,, على كلامو هينظف الفتيس رغم انو بيقول المكنة الجديدة مش هيستحملها الفتيس ده وبنسبة للشميز بملمس الايد نظيف انا قلت كده فى اول الموضوع بس انا مش بفهم فيهم اوى انت ايه رايكم ؟؟؟؟

**mhbcas** · 14-06-2011 02:47 PM

يعنى ايه رقم الماتور 010 او 020 والارقام دى بتتقاس ازاى

**sherif_m72** · 14-06-2011 04:17 PM

المشاركة الأصلية كتبت بواسطة mhbcas

يعنى ايه رقم الماتور 010 او 020 والارقام دى بتتقاس ازاى

ده مش رقم موتور ولا حاجه دى ارقام خاصه بخراطة الشمايز عند الخراط بتتقاس بنسبه وتناسب مع البستم الجديد اللى هيركب وده فى حالة انه يكون الشميز عامل عتب لاى مستوى
الشميز لو مش عارفه اللى هو بيدخل فيه البستم ويرمح ذهابا وايابا

**mhbcas** · 14-06-2011 04:24 PM

المشاركة الأصلية كتبت بواسطة sherif_m72

ده مش رقم موتور ولا حاجه دى ارقام خاصه بخراطة الشمايز عند الخراط بتتقاس بنسبه وتناسب مع البستم الجديد اللى هيركب وده فى حالة انه يكون الشميز عامل عتب لاى مستوى
الشميز لو مش عارفه اللى هو بيدخل فيه البستم ويرمح ذهابا وايابا

وانا عمال اتصل بالارقام دى ماحدش بيرد

تسلم يا شريف باشا على التوضيح معلش اخوك لسه جديد وبحاول افهم

**sherif_m72** · 14-06-2011 04:41 PM

المشاركة الأصلية كتبت بواسطة sayood

تسلم جدا ياشريف باشا الموضوع ده كان خانقني بنسبة لموضوع الرقم هو قالي متشلش هم عندي ديه.. المشكلة بقى لو انا ناوي اغير المتور القديم هيروح فين هو بصراحة متور انا شفت وش السلندر قطة كانت ماسك فية بقلب ومش متساوي ابدا والفتيس نزل منو زيت رحتو

تقول مدفون فيه ميت,,, على كلامو هينظف الفتيس رغم انو بيقول المكنة الجديدة مش هيستحملها الفتيس ده وبنسبة للشميز بملمس الايد نظيف انا قلت كده فى اول الموضوع بس انا مش بفهم فيهم اوى انت ايه رايكم ؟؟؟؟

بالراحه عشان نطلع مستفيدين من تجارب بعضنا ومحدش يشتغلنا
موضوع الرقم مش مشكله ده بيكون فى حالتين بس وهما انها تكون اول عمره للمكنه او العتب مش كبير ويكون بعد شغل الخراطه يكون فيه بستم وشنبر على مقاسه
بس برضه مينفعش انها تكون اخر خرطه للموتور وتجازف وتعملها(وقتها يبقى تفرمه وتغيره لما تجيب اخره)
نيجى لوش السلندر بص يا عرب اولا واخرا محدش ابدا هيقدر يقولك الوش ده مظبوط ولا لآ فى الدنيا دى ألا الخراط بنفسه وكمان مش بعينه لآ ده بعد اما يقيسه ويحطه على الفريزه وقتها يقدر يجاوبك ويقولك حالته ايه
الفتيس بئه بالنسبه للزيت احنا ميهمناش ريحته يا عرب احنا يهمنا جودة الزيت والتروس بس
انا بئه مش فاهم هو حدد ان الفتيس مش هيستحمل المكنه الجديده بناء على ايه
اقولك حاجه لو قفلت معاك على تركيب مكنه ركب على الفتيس القديم وسيبه يضرب دماغه فى الحيط ده عاوز يعيش عليك دور الفهمان بزياده
ومتخلوش يستدرجك ويشربك حاجه صفرا ويقولك انا هعمرلك الفتيس يا عرب عشان انت شكلك طيب
معلومه من سكندرى الى جيزاوى
اوعى الصنايعى يحس انك مش فاهم ولا عارف هو بيعمل ايه عشان وقتها بنكون لقمه طريه ليهم
مستنيك تطمنى عليك وعلى الدلوعه

**sherif_m72** · 14-06-2011 04:42 PM

المشاركة الأصلية كتبت بواسطة mhbcas

وانا عمال اتصل بالارقام دى ماحدش بيرد

هههههههه
حلوه

**tananybasha** · 14-06-2011 11:47 PM

بجد تسلم ايدك يا شريف
كلام منطقى و مقنع

**tananybasha** · 16-06-2011 12:21 AM

انا ليه رأى تانى
بس الفكرة ان الموتور مفكوك
و الميكانيكى طلع معرفه بالرغم من عدم ثقتى فيه للكلام المتضارب
و هاقولك مثل عند الصنايعية تحطه حلقه فى ودنك
عمرة الصيف مبتعمرشى

الموضوع: عايز اجيب شورت بلوك

LinkBack

أدوات الموضوع

عرض

-

-

-

-

-

-

-

-

المواضيع المتشابهه

شورت بلوك نوبيرا ( 1)

تجربتى مع تسقيط شورت بلوك 1400 mpi لابيزا 2001

يعنى أيه شورت بلوك

شورت بلوك نيسان تيدا للبيع

تغيير شورت بلوك

الكلمات الدلالية لهذا الموضوع

المفضلات

المفضلات

ضوابط المشاركة