ثبات النيسان صني في السفر

**samsong** · 11-06-2011 08:41 PM

المشاركة الأصلية كتبت بواسطة sonasteel

جنط 13؟؟
اذا كان اللي راكب في العربية 15 عايز تصغره؟
و120 قليل اوي علي عربية زي الصني .... احنا كنا راجعين من اسكندرية وماشيين علي 160 والعربية لكنها ماشية علي 60 ماشاء الله
والله مكنتش مصدق انها 160 وكان ممكن تزود تاني بس مكناش مستعجلين
كإقتراحات
1- ممكن تركب كاوتش علي جنوط الصني 195 بدل من 185
2- ركب كساحات او عتب وهاتظبط معاك جااااامد اوي
3- اسبويلر بس يكون نوع محنرم ويقوم بوظيفته

واخيرا المفروض متعملش معاك كده ..... انا متابع معاك رأي الاعضاء في التعويم ده
اقعد بالعافية

+111111
نفس الكلام مع ان عندي جنوط 14 وماشاء الله في السقر ثابته جدا بس انا مش بجري زي اخويا حسين اخر حاجه 130-140 بس لم احس نهائي بانها بتعوم

**Bishoy.Girgis** · 11-06-2011 08:50 PM

لأ حضرتك اكيد مؤكد في مشكلة في العربية انا العربية ممكن لو بتكلم في الموبايل او اكون راجع من سفر و تعبان الاقي العربية بدون ما احس جابت 130 كيلو و احنا في مقابلة الاسماعيلية العربية جابت 160 كيلو و ثابتة بطريقة غير عادية و كان ممكن نجيب اكتر لكن الوصلة بتاعة بوابة الاسماعيلية و فايد مأسعفتناش اننا نزود عن 160 لأن الطريق صعب شوية
راجع حضرتك ضغط الكاوتش و يكون 36 قدام و 33 ورا و بأكد تاني علي ان حضرتك تظبط المقاس ده بالظبط و ياريت يكون نيتروجين و يكون المقاس المستخدم يفضل ديجيتال عشان يكون مظبوط 100% لأن لو في كوتش قدام اقل من التاني بحاجه بسيطة هتلاقي العربية بتحدف معاك من الكاوتش الناقص
راجع حضرتك الملحوظة ديه و قولنا عملت ايه و طمنا و لو لسة المشكلة موجوده يبقي لازم لازم زيارة للتوكيل

**eyadmorsy** · 11-06-2011 11:24 PM

المشاركة الأصلية كتبت بواسطة beckeryahia

المشكلة عند حضرتك تكمن في احتمالين مالهمش تالت :
اولا ضغط الهوا في العجل مش مضبوط والنيسان حساسة جدا لضغط الهواء في العجل.
ثانيا ممكن انت مش متعود علي النيسان الصني اللي هي تعليق خلفي متصل اكس ونظام التعليق ده ببسمح ان العربية تلعب شوية من ورا يمين وشمال لما تكون العربية مافيهاش حد غيرك , مع الوقت هاتتعود عليها.

انا معاكفى الأحتماليندول لأن مرة سافرت اسكندرية من القاهرة وجبت 160 الصراحة قلبى انقبض لقيت عومان بسيط .. لكن الصراحة مع السرعة العالية قلبى انقبض .. لكن مع مناقشة الأعضاء محدش حصله العومان ده واخرها وانا رايح الهايبر وان من 5 ايام برضه على 120 ممكن يكون زى ما قلت ضغط الهواء .. هرجعه تانى الى المقياس زى ما مكتوب بجانب باب السائق مع انى شايفه ضغط كتير شوية على الكاوتش الحاجة التانية انا سمعت ان فيه حاجة فى السوبر صالون زيادة عن الأى اكس فى العفشة تجعلها ثابتة لكن تخلى بالمقابل العفشة ناشفة فممكن حد يفهمنا الموضوع ده وممكن تركيبه فى الأى اكس ولالآ ومصاريفه كام وهل هيخلى العفشة خشنة؟ أأسف للأطالة.

**sedyrohy** · 12-06-2011 01:28 PM

المشاركة الأصلية كتبت بواسطة sonasteel

جنط 13؟؟
اذا كان اللي راكب في العربية 15 عايز تصغره؟
و120 قليل اوي علي عربية زي الصني .... احنا كنا راجعين من اسكندرية وماشيين علي 160 والعربية لكنها ماشية علي 60 ماشاء الله
والله مكنتش مصدق انها 160 وكان ممكن تزود تاني بس مكناش مستعجلين
كإقتراحات
1- ممكن تركب كاوتش علي جنوط الصني 195 بدل من 185
2- ركب كساحات او عتب وهاتظبط معاك جااااامد اوي
3- اسبويلر بس يكون نوع محنرم ويقوم بوظيفته

واخيرا المفروض متعملش معاك كده ..... انا متابع معاك رأي الاعضاء في التعويم ده
اقعد بالعافية

زي ما قال حسين العتب و الكساحات بيفرقوا
و ظبت ضغط الكاوتش
و اظبت العفشه
و طيييييييييييييير

**د.أحمد السعيد** · 12-06-2011 02:29 PM

يا صاحب الموضوع طمنا عملت ايه !!

**amado318** · 12-06-2011 02:37 PM

النيسان ثبات افضل من الانسر والتويوتا عن تجربه ممتازة جدااااااااااااااااااااااا ااااااااااااااااااااااااا ا

**mff_629** · 12-06-2011 03:29 PM

المشاركة الأصلية كتبت بواسطة eyadmorsy

ة انا سمعت ان فيه حاجة فى السوبر صالون زيادة عن الأى اكس فى العفشة تجعلها ثابتة لكن تخلى بالمقابل العفشة ناشفة

في السوبر صالون 2 عمود اتزان فى العفشة الأمامية والخلفية و هما دوول اللي بيزودو الاتزان و ينشفو العفشة
و الـ ex مجهزة بمكانهم يعني حضرتك لو عايز تركبهم هتشتريهم من التوكيل و يركبوهم لحضرتك في ساعتها

**samsong** · 12-06-2011 09:42 PM

المشاركة الأصلية كتبت بواسطة د.أحمد السعيد

يا صاحب الموضوع طمنا عملت ايه !!

+1111
ايه الاخبار طمنا

**ahmed_hanafi** · 12-06-2011 10:41 PM

علي فكرة يا جماعة انا كمان عندي نفس المشكلة ومش عارف اعمل ايه ؟؟؟؟؟

**eyadmorsy** · 13-06-2011 03:43 AM

المشاركة الأصلية كتبت بواسطة sedyrohy

زي ما قال حسين العتب و الكساحات بيفرقوا
و ظبت ضغط الكاوتش
و اظبت العفشه
و طيييييييييييييير

سؤال يا سيدنا هو العتب الى بيتركب تحت الأبواب والكساحات اللى تحت الأكصدام الخلفى والأمامى؟
كمان هل ليهم تأثير سلبى عند أخذ المطبات يعنى بيحكوا فيه؟
وممكن اجيب الأصلى منه فين وبكام؟
وضغط الهواء هل ألتزم باللى مكتوب عند باب السائق؟
شكرا يا ذوق