المشاركة الأصلية كتبت بواسطة memo823000
ياجماعه اللى فى جامعة msa لو محتاجين اى حاجه انا تحت امركم (اللى يجوع او يحب يريح عندنا العماره واسعه وتساع من الحبايب الف) الجامعه بينها وبين البيت 5 دقائق لانى سكان فى الحى الخامس على الطريق من ورا بعد محطة الكهرباء
ربنا يخليك يا باشا كلك ذوق والله
الحاجه التانيه انا كان معايا تويوتا كورولا 1300 مانيوال 2007 واخر سرعه جابتها معايا 180 بس بصراحه كنت حاسس انى راكب طياره مفيش توازن ولا ثبات بالمره ودا عيب خطير وكنت سبسافر اسكندريه والله العربيه كانت بطير مع مطبات الهوا
الحاجه التانيه مفيش اى ياريس طلعت منى لا هيا ولا الكروز تخيلو ولانسر لحد السوبر اكشن بطلع منه معرفش ازاى والله انا منا مصدق
طبعا هتقولو دى افيو مظبوط
بس والله ياجماعه انا بالنسبالى الافيو السيدان عيله صغيره وبقطعها على الطريق ومعاك الانوس يمكن الانوس بتشد احسن من الافيو السيدان
ده بالكرولا ال 1300 ولا بلافيو ؟ اقصد انك بتطلع من الياريس والكروز والانسر بالافيو ولا بالكرولا ؟
اللى بخاف منها على الطريق السيراتو وبيتهيئلى بتشد احسن من الالنترا بصراحه ربنا يبارك لصحابها وبالزات الجنط ال 17 بحس انها نفاسه
ماحضرتك لو بتطلع من الياريس والكروز والانسر اعتقد مش من المفروض انك تخاف من السيراتو لانه حتى لو طلع منك مش هيهينك وهيبقى الفرق بسيط يعني هتبقى في ديله
نيجى لحتة البرافو
اكتر عربيات شوفتها بتشد فى حياتى هما كالاتى
bmw x6 ودى كان من بعد الهايبر وانت رايح المهندسين
شيروكو وده بصراحه عدى طلقه من جنبى على المحور وانا كنت حوالى 120 اقسم بالله كانى كنت واقف وطبعا عمل غرزتين تلاته فى حياتى مشوفت تسارع كدا
وبرافو على المحور برده نفس اللى عملو بتاع الشيروكو بصراحه عربيات بتستهبل ولا كانك فى need for speed
ومره بقى شوفت r8 اودى سودا عند نزلت المحور وانت رايح اكتوبر وطبعا اختفى بجد
وبصراحه مره شوفت سيات ليون مقطع سيراتو كوبيه على المحور لا وتخيل الفرق
فعلا الليون كانت سابقه طبعا مع ثبات تحس انها مكلبشه فى الارض وهيا معديه من جنبك والسيراتو بصراحه كان شكلها وحش وهيا وراها والليون اسد بصراحه
انت كدة دخلت في كلام تاني خالص ال X6 دي ماتور M-Power يعني كلام تاني اعتقد انها بتطلع 470 حصان على حسب ماسمعت
معايا زميلي معاه BMW 530 I 2006 الفئة الرياضية بتاعتها نازلة بعتب وكاساحات فبريكة بتطلع 310 حصان بيقلي انه كان بيجري على الصحراوي مع تلت عربيات وحوش بعيد عنك
X5 -- X6 ومرسيدس S500
بيقولي ال X6 كان في المقدمة محدش عارف يجيبه وراه ال X5 وبعدين هو بيقولي طلع من المرسيدس عداه على سرعة 230
وطبعا كانو مقفلين العداد كلهم ! ! ولحد النهارده وبيني وبينك انا مش مصدق انه طلع من ال S 500 مع انه بيحلفلي ! !
هو سؤال
انا شوفت شيروكو عند عمارات العبور حمراء جنط 19 اصلى ياترى العربيه دى تسارعها عامل ايه وطبعا كان راكبها شاب روش جدا وجنبه واحده مشعايز اكمل ربنا يكرمهم
طبعا هتقولولى عرفت منين انها 19 اقولكم
انا كان شغلى هناك وبعدين انا كنت رايح البينك المهم لقيت العربيه راكنه فزبهليت كاعتى لانى عندى هوس الشيروكو المهم ببص على الجنط لقيته عريض ماشاء الله ورفيع على طول روحت موطى وباصص على المقاس لقيته 19 المهم مشيت وانا راجع معدى من جنبها لقيت الشاب الروش والحته بتاعته فقلت
الله مرزقنا الجنة بغير حساب