برابريز زجاج أمامي ، سبويلر .. بوما 2005 ؟

**Dawns_Mist** · 10-06-2011 02:19 PM

ممكن أعرف برابريز زجاج أمامي أصلي استيراد نضيف بيعمل كام تقريبا يا جماعة ... و هل لو روحت العاشر هيكون أفضل ولا لأ لإني سوقت قريب بومه مغيره الزجاج الأمامي بتاعت واحد صاحبي في العاشر و كان بصراحه زفت ماعجبنيش خااااااااااالص لإنه مع أقل شوية مية بيخليني معمي مش شايف أي حاجة .
و كمان بالنسبة للسبويلر الأصلي .. لو حيبته استيراد هيعمل كام ، ولو عملته فيبر عند بسام أو غيره في الحرفيين هيعمل كام ؟
و ياترى لو أنا جيبت سبويلر أصلي و ركبته هل ده هيقلل من سعر عربيتي لإني كده خرمت الشنطة ...!!!!!

**Dawns_Mist** · 11-06-2011 01:32 AM

ماحدش يعرف ثمن إزاز اللانسر الأمامي كام ؟؟؟؟
سبحان الله .. كلكم معاكم لانسر و مش عارفين حتى الأحسن الأصلي استيراد ولا مصنع العاشر ؟؟

**Dawns_Mist** · 11-06-2011 01:41 AM

طيب حتى بس حد يقولي الأصلي استيراد هيعدي الألف جنه بتركيبه ولا لأ .. ممكن ؟

**limo** · 11-06-2011 01:47 AM

والله انا مره سألت فى سبير كار فى التجمع قالى انه ممكن يجبلى سوبيلر مفكوك من عربيه استيراد بس مش ضامن اللون وقالى بحوالى 300 جنيه وتسيت ملبغ بسيط عربون ولغايه ما يجى

**Dawns_Mist** · 11-06-2011 02:53 AM

تسلم limo باشا .. تمام ... كنت متوقع في الحدود دي برضه ... طيب و بالنسبة للزجاج ؟؟؟ ماحدش يقدر يديني رينج ؟

**boma** · 11-06-2011 06:44 PM

الزجاج الامامى ب 550 جنيه تقريبا
والمصرى ( بتاع العاشر ) ب 340 جنيه

**Dawns_Mist** · 11-06-2011 10:02 PM

ألف مليون شكر boma باشا

**el3omda** · 12-06-2011 03:45 AM

المشاركة الأصلية كتبت بواسطة boma

الزجاج الامامى ب 550 جنيه تقريبا
والمصرى ( بتاع العاشر ) ب 340 جنيه

550 جنبه هل استيراد وأين يباع واسم المحل اذا كان فى الحرفين وشكرا ؟

**Dawns_Mist** · 12-06-2011 04:46 AM

اعتقد 550 ده الاستثماري مش الاستيراد ... و بيكون عند أي حد متخصص بتاع إزاز عربيات مش بتوع الاستيراد .. لإن الاستيراد لمفروض سعره أعلى من كده على حد علمي.