مفيش الكلام دة
صحيح العربية بتتقل شوية بعد التكييف بس مش بيأثر بالدرجة الي بالك فيها
انا عربيتي 1000 سي فيها تكييف وباور
هو كل ماهونالك هتاكل معاك بنزين اكتر بشوية في وجود التكييف والباور
وفري ايزي very easy تركب زجاج بالكهرباء وبالمرة طالما هتغير فرش الباب تقدر تركب مرايات بالكهرباء لأن البولو بينزل تحكم الزجاج في فرش الباب مش زي الابيزا بينزل في الكونسول جمب مفاتيح الزجاج
والتكييف سهل بردو تركبه وهتفتح فتحة صغيرة في الحوض في ظهر الطابلوه عشان المواسير بتاعة التكييف
وبالنسبة للباور بردو هيركب بدون مشاكل انشاء الله
بس الموضوع دة هيكلفك كتير اوي اكتر من انك تجيبها فيها الكماليات دي
يعني موضوع الزجاج الكهرباء هيتكلف 1000 فرش ال4 ابواب وحوالي 800 ثمن 4 ماكينات الزجاج
التكييف بالتركيب بالشحن حوالي 3500 او 4000 بتركيب المراوح والسرابنتينة وتغير المفاتيح في الكونسول بتاع الطابلوه
الباور بعلبة الدريكسيون (اسكترا) بعلبة الزيت حوالي 2500
المرايات الكهرباء بالضفيرة (عندك مفتاح التحكم في فرش باب السائق) حوالي 500 او 600 جنيه
الأنذار بالتركيب حوالي 200 جنيه
يعني المجموع = 1000 + 800 + 4000 + 2500 + 600 + 200 = 9100 جنيه علي اقصي تقدير
لذلك انصحك نصيحة لوجه الله
يا أما تجيبها علي ابوها بالحاجات دي
يا أما تزود علي تمنها وتجيب موديل 2001 وفيها بردو الحاجات دي
يا أما تشتري ربع كامل استيراد بحوالي 6500 مكنة 1400 سي سي وتشيل ماتورك وتركيب الموتور ال1400 بكل حاجته (تكييف وباور وعفشة وفرامل وطابلوه)
لأن حضرتك لو افترضنا هتجيبها فاضية بحوالي 28 او 29 الف وتزود عليها 9000 تعديل يعني المجموع 38000
بصراحة اكتر من قيمتها بالحاجات دي وهي فبريكة يبقي تشتري موديل 2000 او 2001 بحوالي 42000 احسنلك
او تغير الموتور بواحد استيراد وفيه الحاجات دي بردو راكبة وفبريكة وكمان هتستفاد بالموتور القديم يمكن تبيعه
دة رأيي وانت وحريتك
والله المستعان
،
،