عالم الفولكس

**Mr_Mustafa** · 11-06-2011 12:40 AM

السلام عليكم ورحمه الله وبركاته
اولا اهلا ومرحبا بكل اعضاء المنتدى
ثانيا اهلا ومرحبا بكل ملاك السيارات الالمانية

كنت اشترى سيارة فى رنج الـ 25000 علما بانها اول شيارة اشتريها
كنت ابحث عن سيارة تكون مصاريفها قليلة جدا وقطع غيارها رخيصة جدا

بس بعد رحلة بحث وجدت ان الالمانى افضل وركوبه افضل وعلى الرغم من ان قطع غياره غالية جدا لكن سمعت انى بشتريها وانساها خالص .... فتاكيد لو حسبتها ساجد انا ادفع اقل فى الالمانى

قررت ان اصبر لشهر ديسمبر واجمع 30000 واشترى بولو

انبارح رايت سيات ابيز ووجدتها تشبه البولو بالظبط وكمان المانى زيها قلت اروح اشوفها علشان اخد فكرة عن السيارة التى انوى شرائها ....

السيارة سيات ابيز موديل 1998 ( 100 سى سى ) فابريكة دواخل رشة برة نظافة ماعدا السقف تكييف وزجاج كهرباء وسنترلوك وانذار ..... لكن من غير باور ( مش عارف ازاى ) وصاحبها طالب فيها 35000 ( مش محتاجة اى مصاريف غير الاكصدام الخلفى محتاج تغيير )

اللى انا عايز اعرفه اية الفرق بينها وبين السيات ابيز سيستم بورش ( يعنى اية سيستم بورش ) خصوصا انا ارى السيستم بورش سعره اقل بكثير جدا

والسعر الحقيقى كام للابيز والبولو .....

وايهم الافضل الابيز ولا البولو ( انا اختار البولو علشان هى فولكس فاجن .... والشكل جامد وحلو قوى )

**mesho_kimi** · 11-06-2011 01:55 AM

لا طبعاً الايبزا يوم اما تقول ايبيزا ومفيهاش غلطه ميدفعش فيها اكتر من 30 الف ده لو حالتها ملهاش حل ومش حتجيب مسمار واحد

**Mr_Mustafa** · 11-06-2011 03:54 AM

شكرا علي الرد
بس مش قلت يعني أية سيستم بورش
وكمان اينم الأفضل الابيز ولا البولو
أنا عاجبني البولو علشان هي فولكس فاجن وكمان فيها باور

**SYD** · 11-06-2011 03:42 PM

المشاركة الأصلية كتبت بواسطة mesho_kimi

لا طبعاً الايبزا يوم اما تقول ايبيزا ومفيهاش غلطه ميدفعش فيها اكتر من 30 الف ده لو حالتها ملهاش حل ومش حتجيب مسمار واحد

مفيش الكلام دة
انا عربيتي 99 اعلي مواصفات واخر موديل في الشب Shape ب 35000
تكييف (متركب)
باور
4 زجاج
مرايات كهرباء
فرش قطيفة ومساند رأس للكنبة
سنتر هواء
مفتاح مشفر
رشة خوارج فقط ماعدا السقف
محتاجة شوية سمكرة واكصدامين

انا شايف السعر مناسب بس اقرص عليه شوية وخدها ب33.500

السيستم بوش يقال انها تصميم ايطالي (شبه الاونو القديم شوية) بمواتير الماني لكن ليس من تصميم بورش ولا يمت لبورش بصلة لا من قريب ولا من بعيد (تصميم البورش مواتير خلفية علي كبالن) هو مجرد علي ماأظن نظام تغذية الوقود فقط
العربية حلوة بس لا تقارن بموديلات 94-99
فقيرة في كماليتها (لو لقيتها زجاج كهرباء تبقي كدة كاملة)

اتكل علي الله وهات ابيزا موديل 99 او 98 او 94 بحالة نظيفة
او بولو 95 فوكس

البولو ال95 1300 سي سي حدود 30
الابيزا 95 او 94 حدود 28
الابيزا 89 او 99 حدود 33 لحد 35 حسب الحالة والكماليات
البولو 99 او 98 حدود 35 لحد 37 حسب الحالة والكماليات

والله المستعان
،
،

**SYD** · 12-06-2011 01:34 PM

حضرتك الاسعار الي انا بتكلم فيها من واقع اني اشتريت قريب وعارف السوق الي حدما اسعاره عاملة ازاي
الي حضرتك بتتكلم فيه دة اسعار تجاري جدا
ولو كلامك دة مظبوط انا ممكن انسق معاك وتجيبلي بولو 99 كاملة 1000 سي سي حالة شاذة ب30000 واكون شاكر لحضرتك جدا

والله المستعان
،
،

**SYD** · 12-06-2011 02:52 PM

المشاركة الأصلية كتبت بواسطة mr_mustafa

معلش بس انا مش فاهم حضرتك ازاى قلت الاسعار مبالغ فيها قوى واحسن ابيز ثمنها 30 الف وفى نفس الوقت بتقول ان اقل سعر للبولو 30 الف ( انا عايز افهم الاسعار مبالغ فيها للارتفاع ولا للانخفاض )

وبالنسبة لملاحظتك بان موتور البولو بيودع بسرعة .... يعنى موتور البولو ضعيف جدا ...... يعنى اصرف النظر عن شرائها ولا اية بالظبط ( ياريت الافادة السريعة علشان محتار جدا ) وشكرا

ياباشا الاسعار مش مبالغ فيها ولا حاجة
الاسعار دي واقعية واسعار زبون مش تجاري
انا لسة شاري عربيتي من حوالي 4 شهور ب 34500
قالولي محملة شوية بس مش كتير يعني تبقي حلوة لزبون ب33000
بس انا شايف مش كتير علي عربية بفضل الله مافهاش مصروف والحمدلله
المهم تبقي عربيتك بيتي مش سوقي ولو فيها حاجات بسيطة مش شغالة مش مهم لأن ده مش مصروف
المهم الصالون والعفشة والمكنة واكيد طبعا الاساسيات لأن الي بيشتري النهاردة بيشتري صاج (لو سليم تبقي العربية حلوة ولو في رش ولا تغيير تبقي متعابة وبصراحة دة كلام صح)

اكشف علي العربية كويس
حاول تفاصل
الابيزا والبولو ال99 عربيات تحفة بموتورها ال1000 ناعم وتجميعه حلو بس اقصي سرعة لا تتعدي 140 وسيرفيسها مش غالي ومش كتير يكفي ان المكنة لو حلوة بتغير زيت كل 15000 وفلاتر علي 30.000 "تعليمات التشغيل في الكتالوج" بوجيهات علي 30.000
اعتقد عربيات تستحق انك تقتنيها
البولو مش كتير في السوق ومطلوبة وماسكة سعرها
الابيزا بنت عمها وهي هي (شكلها رياضي اكتر) وثبات اعلي بس تجميع اقل

والله المستعان
،
،

**SYD** · 12-06-2011 03:41 PM

المشاركة الأصلية كتبت بواسطة mr_mustafa

هو مين اللى قال البولو 99 بثلاثون الف

هو قال البولو 1994 بثلاثون الف وال99 من 35 الى 37

حضرتك راجع كلامه كويس
وانا الي قولت البولو بتعمل من 35 لحد 37

متزعلش مني الاسعار اللي انت بتتكلم فيها دية مبالغ فيها اوي اوي اوي أنا أنضف ايبيزا شوفتها اتعرض عليه فيها 30 والا لو كده اشتري ليه ايبيزا ما ممكن اشتري بولو لو نفس السعر كده ذي ما حضرتك ما بتقول وعلى الأقل اسمها فولكس

البولو اللي ب 30 اللي حضرتك بتتكلم عليها ده سعرها في حاله واحده
لو مفيهاش اي كماليات نهائي ولا باور ولا أزاز كهرباء ولا تكيف

معلومه تانيه ليك البولو الفوكس سعرها لو حالتها حلوه بيعدي موديلات 98 و 99 بسبب مواتير الالف سي سي اللي بتودع سريعاً سريعاً وأسأل اي حد معاه ماتور الف أذا كان فتح بقه ولا لسه وعشان كده دايماً بتلاقي الموديلات دية مسقطع مكن وطبعاً العربيه اللي مسقطه مكنه بتعتبر معيوبه في مصر وسعرها بينزل جامد

انا شخصيا عمرى في حياتي ماشوفت ابيزا اقل من 30.000 طبعا موديل 98 و 99
لكن ال94 ممكن توصل لحد 24.000

وبعدين في ملحوظة في غاية الاهمية
الابيزا نفس موتور البولو
نفس الطابلوه
نفس الابواب
نفس كل حاجة ماعدا البودي

سعر اقل + كماليات اعلي

انا شخصيا هموت واركب بولو 99
بس بصراحة بحب عربيتي جدا جدا جدا وماعتقدش هلاقي عربية بولو بنفس كماليتها ولا بحالتها ولو علي الموتور ال1000 لو حتي فوت لا قدر الله هرميه وهجيب موتور 1000 تاني لأنه رخيص وغير مطلوب في السوق بس انا شخصيا مريحني جدا وبحبه جدا واستهلاكه معقول جدا جدا جدا

والله المستعان
،
،

الموضوع: عالم الفولكس

LinkBack

أدوات الموضوع

عرض

-

-

-

-

المواضيع المتشابهه

تعديلات الفولكس فين .....

موتور الفولكس

الفولكس 75

لعشاق الفولكس

الفولكس الشيروكووووووووو !!!!!!!!!!!!!

الكلمات الدلالية لهذا الموضوع

المفضلات

المفضلات

ضوابط المشاركة