أرجوك قول رأيك فى غبور وكيل هيونداى

**محمد قاسم** · 26-04-2008 03:35 PM

السلام عليكم
أنا بصراحه بحب شركة هيونداى أوى من أول الأكسنت و الأتوس و الفيرنا لحد الألنترا و الكوبيه و السوناتا
بس ساعات أسمع أن التوكيل بتاعه مش حلو زى فى
http://www.nilemotors.net/Nile/showthread.php?t=20687
و ساعات أحس أنه حلو زى فى
http://www.nilemotors.net/Nile/showthread.php?t=14772
أرجو من كل واحد تعامل مع التوكيل يقولنا رأيه بصراحه و بأدب علشان ممكن رأى يختلف مع التانى
أنا أسف على الإطالة

**osamaelbaz** · 26-04-2008 04:03 PM

بالنسبة لتوكيل غبور يعتبر مش وحش بالنسبة للضغط الرهيب الى عليهم تخيل انة بيبع بالالافكل شهر بس هما فيهم ميزة بردو ضمنهم حقيقى ولو اى حاجة باظت فى العربية بيغيروها بدون اى مبالغ اضافية

**أبو عبدالله** · 26-04-2008 04:19 PM

المشكلة ليست في صيانته علشان الأخوة اللي بيعطوله عذر ان الموضوع زحمة
الفكره انك بتتعامل مع وكيل كذاب في حاجات كتير
وعلشان كده بتاخد عربيه ومنتش مطمن او عامله زي البطيخه لتبقى حمره لا تبقى قرعه

اما بقه صيانته حلوه ولا وحشه فده موضوع تاني وبرضه فيه كلام
وموضوع الزحمه ده ليس عذر
لأني سبق وقولت اي شركه في اي مجال لما تبع اكتر وخصوصا ان النصيب الأكبر من عربياته مصنع محليا يعني ارباح اكتر من 50 في الميه
اي شركه بتبيع اكتر بيتحسن خدمتها وادائها لأن ارباحها عالي وبيبقى سهل عليه انه يصرف اكتر
اما ان الموضوع يبقى العكس
يبقى التوكيل اللي بيبيع اقل بكتير وليس مصنع كمان ميعملش مركز خدمه من اساسه
هيجيب مصاريف منين

**analyzer** · 26-04-2008 06:08 PM

اقولك على حاجه بجد مش بهزار

اشترينا 3 عربيات هيونداى 2 فيرنا و1 النترا من غبور .

العربية من دول تعمل اول 1000 كم ونروح نعمل صيانة الالف والعربية مبتعتبش عتبة هناك تانى ولا بتشوفهم تانى .

**lanos2** · 26-04-2008 11:14 PM

توكيل زبالـــــــــــــــــــــ ـــــــــــــــــــة

**r0xer** · 26-04-2008 11:46 PM

من أحسن التوكيلات في مصر.. "محدش يضربني أستنو بس هقولكم ليه"

أتحدى أي توكيل في مصر يكون عنده عدد العربيات دي و يفضل صامد كدا..

ياجماعة المشكلة دي مشكلة إدارية بسبب كثرة السيارات و عدم وجود شكاوي للمسؤولين عن الصيانة أو الإصلاح، بدل ما نتكلم هنا في المنتديات عن عيوب غبور ياريت نكتر الشكاوي عندهم من فرع كذا مثلا وحدثت المشكلة كذا مع الموظف كذا أو العامل كذا.

شوية إيجابية يعني.

**Nile_Storm** · 26-04-2008 11:54 PM

المشاركة الأصلية كتبت بواسطة lanos2

توكيل زبالـــــــــــــــــــــ ـــــــــــــــــــة

بالراحه شويه يا لانوس
:)

**hazem_khidr** · 27-04-2008 04:38 AM

تــــــــــــــــــــــــ اني
حنعيد نفس الكلام تاني و موضوع بين مؤيد و معارض و متعصب
و في الاخر الموضوع يغلق و النفوس تشيل من بعضها.
الاخ العضو الكريك صاحب الموضوع.
بلاش اسئله عايمه بعد اذنك
لو عاجباك هيوندي اشتريها و الف واحد حيصلحهالك بره التوكيل لو عاوز.
انما كون ان حضرتك تٍسأل سؤال زي دا ف مش حتاخد نتيجه لان الكل زي ما قولتلك بين مؤيد و معارض و متعصب

**Hussein_Ramdan** · 27-04-2008 05:54 AM

انا ارئيى لازم يكون فى منافس لغبور فى توكيل هيونداى او يتم تقسيم توكيل العربيات بين التوكيلان
لازم يكون فى منافسة وخصوصا ان هيونداى ليها اكتر من عربية فى السواق بتنافس فى كل الفائات
الصراحة انا بعد الى شوفتو فى المنتدى انا انا كرهت هيونداى من وش غبور

**bassam nagy** · 27-04-2008 12:00 PM

[QUOTE=hazem_khidr;242742]تــــــــــــــــــــــــ اني
حنعيد نفس الكلام تاني و موضوع بين مؤيد و معارض و متعصب
و في الاخر الموضوع يغلق و النفوس تشيل من بعضها.
الاخ العضو الكريك صاحب الموضوع.
بلاش اسئله عايمه بعد اذنك
لو عاجباك هيوندي اشتريها و الف واحد حيصلحهالك بره التوكيل لو عاوز.
انما كون ان حضرتك تٍسأل سؤال زي دا ف مش حتاخد نتيجه لان الكل زي ما قولتلك بين مؤيد و معارض و متعصب[/QUOT

معاك حق ياحازم