الموضوع: تأخير فى الدوارة ..

المشاركة الأصلية كتبت بواسطة ahfares

هو ضمان البطارية قد اية

نفس السؤال

المشاركة الأصلية كتبت بواسطة Egyzizo

سلام يا زملائى الأعزاء ..

العربية ليها معايا سنة ونص .. آخر صيانة من شهرين كانت صيانة الـ 20 ألف اللى بيتيغير فيها البوجيهات.

ولغاية من أسبوعين كانت بتدور على الشعرة بمجرد تشغيل المفتاح حتى لو كانت مركونة أسبوع مادارتش.

مؤخراً .. لقيت انى لما أكون راكنها يومين واللا حاجة من غير ما أطلع بيها ، وآجى أدورها ، تدور من تانى أو تالت محاولة مارش .. لكن بمجرد ما تدور وأخرج بيها .. ترجع تتظبط تانى وتدور من أول مرة طول ما أنا فى المشاوير فى اليوم ده ..
يعنى التأخير فى الدوارة بيحصل فقط لما تكون مركونة أكثر من يوم بدون دوارة.

يا ترى دى أعراض ضعف بطارية ، واللا مشكلة مارش واللا ايه؟
وهل فيه حد اشتكى من تأخير الدوارة فى اللوجان وكانت الأسباب ايه؟

وشكراً مقدماً للمساعدة.

هل بتدور بعد تاني او تالت محاولة بدون زق ؟ ,مارش بس ؟, اصل لو البطارية نامت يبقى لازم تزق مش حتقوم بالكونتاكت , احتمال يكون الspeed sensor عايز يتنظف (خليهم يبصولك عليه في الوكيل) و ان شاء الله خير

المشاركة الأصلية كتبت بواسطة sallam569

انت تعرف البطارية فى التوكيل بكام البطارية ب 1200 جنيه بس قدر الله و ما شاء فعل و الحمد لله انها جت على قد كدة انا عربيتى الصينى اللى قبل اللوجان قعدت معايا 4.5 سنوات و مغيرتلهاش مسمار انما حبيبتى اللوجان بقلها معايا 5 شهور فقط و لما ابقا ماشى بيها فى حتة مكسرة الاقى هبد و رزع و دربكة و الفيس ساعات بيعض و بيبقة وحش و الهاند بريك بقت ضعيفة جداااا و بتتهز من الداخل اكنك راكب عربية لعبة و فى صوت طقة غريبة بتيجى من الخلفى كل ماخد بيها مطب يعنى الحمد لله انها جت على بطارية .....

ياراجل ياطيب
هو فيه حد بيغير بطاريه فى التوكيل برده
على كده لو فردة كاوتش ضربت بتروح تغيرها فى التوكيل كمان
البطاريه بتبدل القديمه بالجديده وبتدفع فرق من 300 الى 500 جنيه على حسب الانواع
وده ارحم من انك تلاقى عيب فى المارش او الدينامو وتحل وتغير وتركب وشغلانه وحتدفع فى الاخر نفس المبلغ واكتر
ونصيحه اكشف على مشاكلك فى التوكيل لانها غريبه شويه
انت عامل كام كيلو

المشاركة الأصلية كتبت بواسطة egyzizo

أممم .. بطارية يعنى؟؟
فيه حد كان قال ان البطارية الجافة ممكن تقعد لغاية 5 سنين ..
مش شايفين معايا ان سنة ونص قليل قوى؟؟

مفيش مقياس نهائى انت وبختك