السلام عليكم ورحمة الله وبركاته

معلش غبت عنكم كتيير لاني كان عندي مشاكل في اللوجان
وهيا بطء السحب والسرعه
وكان صوت الموتور عالي جدا وال rpm بيعلي علي الفاضي
المهم رحت للميكانيكي بتاعي راح علا الدبرياج بتاع العربيه
ومازالت برضه نفس المشكله موجوده

الصراحه انا شكيت في الاسطوانه والديسك
رجعتله تاني وكشفنا عليهم لقيناهم زي الفل ومافيهمش حاجه
ورجع الميكانيكي قفل شغله تاني وجربت العربيه ولسه برضه تغيظ في الطلعه والسحب
انا قلت اكيد فيه مشكله في فلتر الهوا ولا في الزيت
غيرت زيت وغيرت فلتر الهوا وفلتر الزيت
ولسه المشكله موجوده برضه
إتخنقت من العربيه خنقه جامده وركنتها وسبتها
واخيرا جالي إبن الحلال الكهربائي الله يكرمه
إبن العفريته ده إكتشف حاجه مخطرتش علي بالي
قعد يدعبس في الكهربا لحد اما لقي بوجيه مش شغال
راح مغيره لقيت العربيه فاقت ورجعت تاني زي ماكانت
انا بقا رحت مغير طقم البوجيهات كله وريحت دماغي
والعربيه بقت 100 100

وإستفادوا بقا!!