اقتباس:
المشاركة الأصلية كتبت بواسطة heshamzaky
دة مش سباب لمسلم كون أنى اقول أنة ثقيل الظل و رخم دة مش سباب و لا لعان .
دى صفات معينة فية ممكن جدا أى حد ينتقدها زى الممثل ممكن تكون دة دمة خقيف و لا ممثل فاشل .
بالنسبة لكتاباتة هو لا يكتب كلام منزل و ممكن جدا أنتقادة و ممكن حد يقول أنة موهوب و ممكن مثلا لما تقرا شيكاغو مثلا أو عمارة يعقوبيان تقول مش موهوب الا فى حاجات معينة
طبعا انا مش قصدى حضرتك
ولو ان فيه حديث شريف احب تشاركنى فى الاطلاع عليه
عن عائشة رضى الله عنها قالت : قلت للنبي صلى الله عليه وسلم : حسبك من صفية أنها كذا وكذا ـ تعني قصيرة ـ فقال : " لقد قلت كلمة لو مزجت بماء البحر لمزجته " قالت : وحكيت له إنساناً فقال ما أحب أني حكيت إنساناً وأن لي كذا وكذا ".[ رواه أبو داود والترمذى باسناد صحيح]
شوفت حضرتك الموضوع لانهى درجة
مجرد الوصف بالقصر
ما علينا
اللى انا اقصده فعلا هو التجاوز الحاد فى الالفاظ اللى بتندرج تحت الحديث الأول و الثانى
ممكن يكون اللى بيكتب متحمس
لكن احنا بننطلق من مرجعية دينية
الدين بيحكم و يهذب تصرفاتنا و كلماتنا
و كل مناحى حياتنا
قال تعالى فى سورة الانعام
(قُلْ إِنَّ صَلاتِي وَنُسُكِي وَمَحْيَايَ وَمَمَاتِي لِلَّهِ رَبِّ الْعَالَمِينَ)
المهم
طبعا ما يكتبه اى أديب او صحفى خاضع للنقد و الاخذ و الرد
عشان مفيش حد منزه من الخطأ
لكن الرد و النقد و توضيح الخطأ يكون فى حدود المنهج اللى ربنا سبحانه و تعالى حدده لنا بدون تجاوز او شطط
تقبل تحياتى