ايه الفرق بين 318i و 3m

**ma7moud_00** · 11-06-2011 04:06 AM

عايز اعرف ايه الفرق بين 318i و m3 فى ناس لما يشوفوا 318i 2001 يقولوا يا سلام لو اتعدلت تبقى m3 تبقى تحفه بس مش فاهم الكلام ارجوكوا توضحوليلى وايه سعى دى ودى

**ma7moud_00** · 11-06-2011 11:20 PM

أيه يا جماعه وحدوا الله

**horas3000** · 11-06-2011 11:39 PM

لا اله الا الله

BMW M3
420 حصان

BMW 318
138 حصان

بان الفرق و لا لسه

**pepsi007** · 12-06-2011 12:56 AM

المشاركة الأصلية كتبت بواسطة hanyhosney

طبعا ده فرق من الفروق
باختصار فئه الام
هي فئه رياضي
يعني موتور رياضي
عفشه رياضيه
شكل رياضي
طبعا 2 باب مش 4
والسعر طبعا

واخير الفرق في الشعر

تعديل بسيط ال m في منها ٤ باب

**shaddadfalcon1** · 12-06-2011 12:59 AM

ال m3 في منها 2 باب اللي هي الكوبيه وفي منها 4 باب اللي هي السيدان وهي 414 حصان
وفي m3 e92 gtr ودي 485 حصان كوبيه بس

**shaddadfalcon1** · 12-06-2011 01:00 AM

سعره بره حوالي 50 الف دولار يعني حوالي 295,000 مصري وببتاع هنا ب 1,900,000 مليون و تسعمائة الف جنيه مصري لاغير
وربنا يخلينلنا الجمارك المصريه وتشجيع المنتج المحلي

**TheBuccaneer** · 12-06-2011 06:15 AM

المشاركة الأصلية كتبت بواسطة ma7moud_00

عايز اعرف ايه الفرق بين 318i و m3 فى ناس لما يشوفوا 318i 2001 يقولوا يا سلام لو اتعدلت تبقى m3 تبقى تحفه بس مش فاهم الكلام ارجوكوا توضحوليلى وايه سعى دى ودى

السلام عليكم

مع احترامى لكل الأعضاء و الردود لكن مع الأسف كلها خاطئه لأن حضرتك بتسأل عن موديل ال E46 كما هو بسؤالك عن الفرق بين ال 318 موديل عام 2001 و ال M3 بالتأكيد لنفس الشكل و جاءت الردود كلها عن فئة الجديده ال E90 M3 Series مع وجود بعض طبعا بعض الأشياء الغير صحيحه ايضا.

المهم الفرق بين ال 318 و ال M3 فرق كبير جدا. ال M3 هى الطراز الرياضى للفئه الثالثه. الأختلافات بينها وبين اية سياره أخرى فى ال E46 سواء كانت 318 - 320 إلخ... فرق كبير فى كل شىء أولا بالنسبه للسياره من الخارج إكصدامات أماميه وخلفيه مختلفه, هوايات جانبيه بالرفارف الأماميه و الغير متوفره إلا بال M3, باكتات جانبيه للأبواب, عتب أبواب مختلف, شكل الفوانيس أيضا مختلف, بالنسبه للصالون الداخلى كراسى مختلفة الشكل, عجلة قياده متعددة الأستخدامات مختلفه عن عجلة القياده العاديه و عن المتعددة الأستخدامات التى وجدت بال E46 منذ عام 2002 فى فئة البيز لاين و الهاى لاين, نظام ملاحى "مختلف الأشكال" داخل السياره, عدادات بشكل مختلف + إن العدادات 300 كم و ليست 240 كال 4 سليندر أو 260 كال 6 سليندر إلخ... , مرايات جانبيه معروفه ب "فولدنج تويست" بها خاصية الأغلاق مع الدوارن و الفتح أيضا مع سنتر لوك السياره فى كلا الحالتين "الأغلاق أو الفتح" مع وجود زر داخلى أيضا يمكنك من فتح و غلق المرايا بنفس الطريقه المتاحه مع السنتر لوك + إن المرايا بها حساسات ضوء, السياره مزوده بسى دى تشانجر, الفتيس مانيوال ولا يوجد M3 على الأطلاق بفتيس اتوماتيك أو حتى استيبترونيك لا جديد ولا قديم, نظام الميكانيكا مختلف بالكامل عن كل سيارات الفئه الثالثه سواء كانت 4 سليندر أو 6 سليندر و الشكمان 4 مخارج "2 مخرج يمين + 2 مخرج شمال" . احجام جنوط و شكل مختلف عن الفئه الثالثه العاديه و الجنط بيكون مكتوب عليه حرف ال M الملون المعروف. ال E46 M3 لم الأصليه لم تتوفر إلا بطرازين الكوبيه أو الكابروليه فقط. محرك السياره اسمه S54B32 بسعة 3246 سى سى قدرة 343 حصان (338 حصان فعليا) @ 7900 أر بى إم و عزم 365 نيوتن @ 4900 أر بى إم - سرعة 0 إلى 100 فى غضون 4.9 ثانيه تقريبا (لست متذكر حقيقة لكن فى غضون 4.9 أو 4.8 )

S54B32

E46 M3

حضرتك فيه فريما بيكون حول العدادات من الداخل غير متوفر إلا بال M3

حضرتك قارن بين اية E46 حضرتك تشوفها وبين الصور و حضرتك هتعرف الفرق.

كل التعديلات متاحه أن حضرتك تقدر تشترى E46 318 عاديه جدا و تحولها إما شكلها الخارجى فقط إلى M3 تشترى الهوايات, و الباكتات, و الأكصدامات, و العتب, و الفوانيس, و الشبك الأمامى و تخلع و تركب, و تقدر تشترى الصالون و تخلع و تركب, و تقدر تشترى فريم العدادت و تفك العداد و تركب الفريم حول العدادات الداخليه, و تقدر تشترى عجلة القياد و تركبها لكن كل الوظائف لن تعمل مع المحرك ال 4 سليندر كل ما سيعمل هو التحكم فى الكاسيت فقط, و تقدر تشترى نظام الملاحه و تركبه, و تقدر تشترى النظام الميكانيكى كامل و تركبه, او عفشه فقط و تركبها لكن طبعا كل هذا سيتكلف مبلغ و قدره يعنى نظام الميكانيكا كامل هيتكلف 50000 جنيه (محرك + فتيس + عدادات + كنترولات + عفشه كامله + شكمان + ريداتير + كرونه + عمود كردان إلخ ...) يعنى حضرتك تفك كل ما هو متعلق بالميكانيكا و تركب نظام ال M3

[youtube]http://www.youtube.com/watch?v=2cup1DLjgu8[/youtube]

**TheBuccaneer** · 12-06-2011 07:07 AM

السلام عليكم
توضيح بسيط لفئات ال E90 series
E90 هو كود السيارات السيدان
E91 هو كود السيارات الأستيشن
E92 هو كود السيارات الكوبيه
E93 هو كود السيارات الكابروليه

ال M3 لهذا الطراز وجد منه فى فئة السيدان مع عام 2008 قبل ذلك كانت ال M3 لهذا الطراز متوفر فى الكوبيه و الكابروليه فقط.

E90 M3 2008

هناك اولا فرق بين ال M3 و ال M3 G-Power ال E90/92/93 M3 يوجد بها المحرك S65B40 و هو محرك 8 سليندر ذات 32 صباب و هو بسعة 3999 سى سى و بقدرة 420 حصان (فعليا 414 حصان ) @ 8300 أر بى إم و عزم 400 نيوتن @ 3900 أر بى إم و تنتطلق السياره من 0 - 100 كم/ساعه فى غضون 4.7 ثانيه. بحلو نوفمبر 2009 يوجد موديل جديد من ال M3 يعرف بال M3 GTS بطراز الكوبيه فقط و هى مزوده بنفس المحرك و لكنه يختلف فى سعته من 4000 سى سى إلى 4400 سى سى و ينتج 450 حصان (فعليا 444 حصان ) @ 8300 أر بى إم و عزم 435 نيوتن @ 3900 أر بى إم. كما يوجد E92 M3 GT2 و هى نفس شكل السياره الموجود على غطاء اللعبة الشهيره Need For Speed: Shift

و أيضا توجد E92 M3 GT4

اما بالنسبه لل M3 G-Power فهو محرك ال G-Power SK II "Sporty Drive" Supercharger و موجود بموديل يعرف بال M3 GTS G-Power و هو بسعة 4400 سى سى و قدرة 635 حصان و ينطلق من 0 - 100 كم/ساعه فى غضون 4.2 ثانيه و من 0 - 200 كم/ساعه فى غضون 11.9 ثانيه و يبلغ سرعه قصوى 323 كم/ساعه و المحرك مزود بسوبر تشارجر من نوع ASA تمام

S65B40

G-Power SK II "Sporty Drive" Supercharger

هذه هى معلوماتى عن ال E90/92/93 M3 و ال M3 GTS و ال M3 GTS G-Power و الساده الأعضاء الموجودون هنا يمكن لديهم معلومات إضافيه يستطيعوا يفيدوك بها.

بالنسبه لضبط سياره E90/92/93 إلى M3 كل ما عليك هو شراء سياره و يكون معك مبلغ 250000 جنيه و تقدر تضبط السياره بالكامل "بالكامل" و ليس نظام ميكانيكى فقط إلى M3. اما بخصوص ال G-Power SK II فاللأسف لا يوجد هنا فى مصر حتى الأن من يضبط أو حتى يشترى النظام الميكانيكى الخاص بال G-Power SK II لأنه مكلف جدا تقريبا ما يقارب 23500 يورو فقط غير تكلفة الضريبه و الشحن و إلخ... هذا بخلاف إن السياره هتكون الوحيده بمصر كلها و هيكون قطع الغيار بالنسبه لك مكلفه و نادره و كلها بالطلب الخارجى.