اقتباس المشاركة الأصلية كتبت بواسطة sheko_2000eg مشاهدة المشاركة
الاخ mik
بص انا نصحتي ليك
شوف عربية بي ام حوادث تاخد منها رقم شاسيه و نمر و تعمل نقل ملكية
و بعد كده تدور علي حاجة نفس الموديل في الحرفيين نصيين و تلحمهم عاند سمكري محترم و ممكن ادلك
من هنا هتلاقي العربية هتقف عليك كالاتي :
ورق و شاسيه = من 15 الي 20 الف جنيه
عربية نصيين = من 20 الي 25 الف
سمكري و كهربائي و ميكانيكي = 5000 جنيه
اجمالي تقريبا = 50000 جنيه
و لو حبيت تبعها تعمل من 80 الي 100 الف جنيه
و علي البركة

بركه ايه بس يا شباب .... انا عارف ان السوق فيه كله كده بس حاسس ان ده حرام
اولا ماتقنعنيش ان الاسطى السمكري المحترم جدا هايرجع لحامات البي ام زي الروبوت بتاع الخواجه في امانيا
ثانيا اكيد هايكون فيه فروق و لو بالمللي
ثالثا المكسبده من 30 ل 50 الف فيه شبهه .. لان اكيد اللي هايشتري العربيه مش هايعرف المعمول فيها

انا عارف ان كلامي مش هايودي و لا ياخر في السوق .. بس علشان احنا نبقى فاهمين احنا بنقول\بنعمل ايه

سلام