اقتباس:
جزاك الله خيرا والله
بكره هتعلم بقى :)
ولو سمحت حضرتك عندى سؤالين او برضه اللى عارف من الشباب يجاوبنى
يا باشا أسألأ براحتك ، متخليش فى دماغك حاجه ومتسألهاش
اقتباس:
1- انا هروح كشف طبى وهيئة حلمية الزيتون هل لازم احلق الدقن والسوالف وانا رايح زى الكشف الطبى اللى اتصورت فيه بالبدلة فى اول يوم ولا عادى ممكن اسيب دقنى لانى يوم الارجا روحت وانا سايب دقنى عادى
فهل حلمية الزيتون نظامها ايه ؟؟
لأ أحلق دقنك بس ، بس لو شعرك طويل أوي أحلقة ، المهم دقنك والسوالف طبعا ، (ولو رحت بعد كده كشف السمات ده بعد نجاح الهيئة أحلق برضوا)
اقتباس:
2-بالنسبة للسلاح والتوزيع ايه افضل سلاح
الدفاع الجوى و لا الكفاح الشعبى ومحو الامية ولا فى حاجة تالتة افضل
مفيش حاجه أسمها أفضل سلاح ، فى حاجه أسمها أفضل مكان ، أنا كنت سلاح أجهزة قيادة وأتوزعت هنا فى القاهرة ومكان كويس (ومعايا ناس سلاح مُهندسين) فى حين زمايلي فى مركز التدريب راحوا أماكن ما يعلم بيها إلا ربنا ، وفى النهاية ده نصيب وهيجيلك
اقتباس:
3-بالنسبة للصلاة سواء فى معسكر التدريب او فى سلاحى بعد كده
هيبقى نظامها اسه هيسبونا نصلى ولا الصلاة كلها بنصليها فى الاخر بعد العشاء
لأ هتصليها بس مش فى ساعتها ، يعني مثلا ممكن تصلي الظهر على 12.30 أو 1 كده يعني ، لكن متقلقشي خالص من موضوع الصلاة ده ، وهتلاقي جامع فى مركز التدريب وخطيب فى الجمعة وخطبة بعد العشا وكده ، بس خد معاك مصلية برضوا علشان أوقات بيبقى الجامع بعيد وعندك جمع فمبتلحقشي تروح الجامع (يا تستني لحد ما ترجعوا وتصلي وهتلحق الفرض برضوا)
اقتباس:
كده 3 اسئلة بس من عشمى :)
جزاكم الله خيرا جميعا وأصلح شأئنكم
وجزاك مثلة بإذن الله ، صحيح خد معاك أبرة وخيط ورباط ضغط ومسكن (بس المسكن ده حاول تهربة لأنهم هياخدوة منك ومش هيرضوا يدولك فى العيادة ده لو شوفت وش الدكتور أساسا)
وربنا معاك بإذن الله ، أنت خريج أية ؟؟