الموضوع: هما دول اللي بنثق فيهم و نسمع لهم ؟ - فيديو يتدرس

الأخ العزيز تامر محمد

أنا أحي مجهودك الكريم

لكن على فكره يمكن حضراتكم كنتم في التحرير وبتحرصوا منازلكم ومقطوع عنكم النت والكهرباء وكان اخواتي بيباتوا معاكم - سافروا من المنيا للقاهرة علطول - قالوا لا هنتظاهر في المنيا ولا غيره - ما فيش غير التحرير هو اللي هيقضي في الموضوع
لكن إحنا هنا في الخارج كنا فاضيين للقنوات بنتابع عليها
والله العظيم شفنا مهاااااااااااااازل
نفاق ما بعده نفاق
شوف ربنا سبحانه وتعالى يقول : بسم الله الرحمن الرحيم ( لئن لم ينته المنافقون والذين في قلوبهم مرض والمرجفون في المدينة لنغرينك بهم ثم لا يجاورونك فيها إلا قليلا ( 60 ) ملعونين أينما ثقفوا أخذوا وقتلوا تقتيلا ( 61 ) سنة الله في الذين خلوا من قبل ولن تجد لسنة الله تبديلا ( 62 ) ) صدق الله العظيم
والله العظيم يا جماعة احنا شفنا حوارات ما حدش فيكم يمكن شافها وللأسف الحوارات دي اتمسحت من ذاكرة القنوات دي وما بقى منها إلا قليل وكلها بتوضح بما لا يدع مجال للشك ان المذيعين دول كلهم مش منافقين بس لكن منافقين وفي قلوبهم مرض ومرجفون في المدينة
وكانوا بيتمحكوا في مبارك أثناء الثورة ويظللوا عليه وعلى فساده ويتغامزوا على الثورة ومن تحت تحت علشان ما يفقدوش ثقة الشعب الغلبان فيهم

واوعى حد يجيبلهم العذر
كل مذيع ولا مذيعة منهم داخلين جوا سراديب السلطة وعارفين اللي بيحصل كويس وتحت عنيهم

وبعدين يا سيدي لو واحد شارك في القتل ولا الفساد والسرقة والخيانة في الواقع
ولو واحد نافق
ولو واحد ضعف وما قدرش يقول كلمة حق ضد سلطان مبارك وأعوانه ولا حتى هنعتبر إنه كان مغفل كبيييييييير وكان يا حبة عين أمه بياخد كام مليون في السنة مقابل إنه يدافع عن الفساد من غير ما يعرف إن مبارك اكبر حرامي في تاريخ الإنسانية
لو واحد منهم ما اتعدمش وما اتحبسش على اللي عمله
يبقى كفاية عليه وعلينا كده قوي
يسيب اللي اتشجع يبقى في المقدمة
يسيب اللي كانوا بيعتقلوا وبيتعرضوا للموت والتعذيب ياخدوا دورهم ويمسكوا القيادة بدل منهم
ما هو المصريين في قناة الجزيرة شرف لكل مصري والعالم كله بيسمعلهم وبيحترمهم
مش دول مذيعين ودول مذيعين
هو مصر ما فيهاش غير الواد شريف قليل الذوق بتاع الحياة ومنى الشاذلي وسيد وغيرهم اللي مللللينا من وشوشهم

ما يفكونا بقى وكفاية الملايين اللي أخدوها
يدوهم معاش محترم ويغوروا بعيد عننا بقى كفاية تمييع للقضايا وتماحيك وتلون واتهام للشرفاء وتخديم على اللصوص


ما بقاش غير شوية رقاصين ومغنيين ولاعيبة كورة ومذيعات روشين هم اللي هيحددوا مصير البلد

وكل واحد فيهم عاملي المفكر العلامة ويتكلم كأنه فقيه في كل شئ في الدين والدنيا

حرام والله اللي بيحصل ده

الفيديو دة بقى كان اكبر صدمة بالنسبة ليا من فنان كنت اكن له كل احترام مع شديد الأسف

[youtube]http://www.youtube.com/watch?v=lEHeHG1yX54[/youtube]