محضر غش فى اول يوم الثانوية العامة ... وحاجة تضحك ....

اولا ... أختى تالتة ثانوى ... وبقعد استناها بره المدرسة ...
ثانيا ... نبدا الموضوع ....
وانا قاعد قدام المدرسة حوالى الساعة عشرو وربع تقريبا ... لقيت كذا عربية بتاعت شرطة جت عند المدرسة وكمان عربية افيو من بتوع الحكومة وفيها مدير الامن .... فسالتهم هو فى بلطجية ولا حاجة جايين على المدرسة ... طبعا محدش عارف حاجة ... بعدها بشوية مشوا الظباط والامور رجعت لحالتها العادية ....
طبعا كلنا مش عرافين اللى بيحصل وكمان اللجان الشعبية واقفة ومفيش بلطجة ولا اى حاجة .. الحمد لله ....
جت الساعة 12 بالظبط ... وبدات البشائر تطلع من اللجان .. المتحان متوسط ومعقول ....
لما بدانا نسال ايه اللى حصل ... قالوا ان فى بنتين لتمسكوا بسماعات بلوثوث .... وكمان كانوا بيتكلموا مع بعض .... المهم البنت نزلت وقعدت تقول لخاها انها كانت بتتكلم فيها من تحت الطرحة و راحت المدرسة اللى واقفة عليها شدت الطرحة منها فى اللجنة وقلعتها من راسها .... واخدت السماعة فى ايديها وكمان الورقة وفضلت واقفه بره وقعدت تعيط طول فترة الامتحان ...
المهم عملوا للبنتين محضر غش وحرمان من الامتحان ....
الحوار اللى دار بين البنت وخالها ...
خالها : ايه اللى حصل ؟
البنت : مفيش .. مسكونى وانا بغش بسماعة بلوتوث وطلعونى من الامتحان ...
خ : شافوكى ازاى ؟
ب : كنت بتكلم فيها فسمعتنى وشدت الطرحة من عليا ...
خ : طب واللى حلتيه ينجحك ..
ب : ولا اى حاجة .. وفين الناس اللى انت كلمتهم لى ؟؟ !!! ... كل واحد يقولى ايه اللى حصل وهندخل الامتحان وبعدها يمشى ..... ومفيش اى حاجة ...
خ : والله انا عملت اللى عليا .. وحاولت ... معلش ...
ب : فى 60 داهية .. بلا امتحانات بلا قرف ... هههههههههههههههههه
خ : مش مشكلة ... خير ...
.....................
المهم المدرسة مكانتش عايز تخرجهم غير لما الامتحان بتاع الدين يخلص ... قعدوا يتخانوقوا عشان يخرجوا ... وخرجوا ...
الحاجة اللى تضحك ..... واحدة من البنتين مش بتتكلم خاااااااااااااالص ولا بتضحك ولا بتعيط .....
والتانية عماله تضحك وتهزر مع خالها وكمان فى ايديها دبلة (مخطوبة ) .. يعنى الدراسة مش فارقة معاها ...
انا حبيت اوصل الصورة اللى حصلت قدامى .... والسلام عليكم ورحمه الله ...