عموما أنا كنت برد على مشاركتك الأولى في نفس الوقت
انا بمثل وجهه نظري كويس ...انا اقرأ واسمع واتعلم واقتنع وارفض واحاور واناقش
اولا انا بامثل نفسي ولا امثل احد ولا احد يمثلني
ثانيا انا مش شايف واحد على الساحه ممن يلقبون بزعماء الليبراليين بيقولوا عن انفسهم زعماء اصلا ..ودائما ما اتفق مع الشخص واختلف مع نفس الشخص تبعا للموقف
ثالثا حضرتك عايزني اقولك اسم وانت تقعد تجيبلي صفحات ومقالات ...لا يا اخي العزيز موش لاعب انا لسه مخلص شغل وعايز الحق اروح معذره...مره اخرى انا لا امثل اي شخص ولا اي تيار وزيي زي ناس كتير لسه بنفكر وبنراقب عشان احنا واقعيين في ظل ديموقراطيه وليده ولست على قناعه انه يوجد نموذج اطبقه بالعافيه ولا فكر ان لم اتفق معه كليه ابقى والعياذ بالله كافر
ناس قامت مرة واحدة العلمانيون و الليبراليون الكفار الملاحدة البطيخييييين
أولا: من إستشهد بعلاء الأسواني ومقالة .. اولا علاء الأسواني ليس ليبراليا بأي حال من الأحوال و إنما يحسب علي التيار العروبي الناصري
ثانيا: واحد مؤمن بإن الحجاب فرض والتاني مؤمن انة مش فرض .. هل دية اصلا حاجة مجل جدل بين الناس؟ دية قناعات بترد فيها بالحجة وخلاص إنما لا تملك فرض الحجاب بالقوة علي المسلمات ولا تملك أيضا أن تخرج صاحب الرأي برة الإسلام ولا اصلا تمنعة من الكلام .. هي دية الحرية اللي انا اعرفها
والبعض ماشي في سكة مؤامرة التفريق بين المسلمين
هل انا اللي نشرت الموضوع اللي عايز افرق بين المسلمين ؟ ولا الأخ الشيخ اللي طلع كفر حتي المنادين بالدولة المدنية داخل التيار السياسي الإسلامي؟ هل المسلم الليبرالي اللي بيقول حافظ علي الإختلاف بين المسلمين وإمنح كل منهم حق عرض رأية هو من يضر بالأسلام، أم المسلم المكفراتي اللي كل من أختلف معة بقي كافر علي طول كدة
بجد إتقوا الله .. واللي عايز يعرف المحلاوي دة بجد يبقي يتفرج علي خطاب سبتمبر بتاع السادات علشان يعرف الراجل دة كويس
وأتمني ان يتوقف البعض عن مخالفة الحديث النبوي الشريف وإتباع سياسة إنصر أخاك ظالما أو مظلوما بدعمة في الظلم أو إعدادة ليكون ظالما في المستقبل !
أزاي بس الحجاب فرض ولا مش فرض وقناعات؟؟؟؟؟؟؟؟؟؟؟؟؟؟؟؟؟
وَقُل لِّلْمُؤْمِنَاتِ يَغْضُضْنَ مِنْ أَبْصَارِهِنَّ وَيَحْفَظْنَ فُرُوجَهُنَّ وَلَا يُبْدِينَ زِينَتَهُنَّ إِلَّا مَا ظَهَرَ مِنْهَا ۖ وَلْيَضْرِبْنَ بِخُمُرِهِنَّ عَلَىٰ جُيُوبِهِنَّ ۖ وَلَا يُبْدِينَ زِينَتَهُنَّ إِلَّا لِبُعُولَتِهِنَّ أَوْ آبَائِهِنَّ أَوْ آبَاءِ بُعُولَتِهِنَّ أَوْ أَبْنَائِهِنَّ أَوْ أَبْنَاءِ بُعُولَتِهِنَّ أَوْ إِخْوَانِهِنَّ أَوْ بَنِي إِخْوَانِهِنَّ أَوْ بَنِي أَخَوَاتِهِنَّ أَوْ نِسَائِهِنَّ أَوْ مَا مَلَكَتْ أَيْمَانُهُنَّ أَوِ التَّابِعِينَ غَيْرِ أُولِي الْإِرْبَةِ مِنَ الرِّجَالِ أَوِ الطِّفْلِ الَّذِينَ لَمْ يَظْهَرُوا عَلَىٰ عَوْرَاتِ النِّسَاءِ ۖ وَلَا يَضْرِبْنَ بِأَرْجُلِهِنَّ لِيُعْلَمَ مَا يُخْفِينَ مِن زِينَتِهِنَّ ۚ وَتُوبُوا إِلَى اللَّـهِ جَمِيعًا أَيُّهَ الْمُؤْمِنُونَ لَعَلَّكُمْ تُفْلِحُونَ ﴿٣١﴾
يعنى افهم من كده انك بتغلط فى كل واحد مبيفكرش زيك بالكلاب ..
زى الناس اللى مش معاك فى رأيك فى الموضوع هنا ..
ماشاء الله على الاخلاق الحميدة اللى بتتشدقوا بيها ليل ونهار واللى مفيش غيركم عنده اخلاق ..
والليبراليين الوحشين هما اللى عايزين البلد تخرب وعايزنها تكون مسخرة وكباريهات وقلع وحريم (على فكرة دى اكتر حاجة شاغلة تفكيركم) ..
وان الليبراليين عملاء إسرائيل وامريكا وما وراء الطبيعة كمان ..
وانا مثلاً مستنى حكم ليبرالى عشان اشارك فى تسليم مصر لإسرائيل وامريكا ..
وعلى فكرة متفتكروش ان انتوا احتليتوا المنتدى ..
فيه كتير بيكونوا مختلفين معاكوا بس بيتحاشوا الكلام عشان ماخدوش الاتوماتيك تكفير وزندقة ..
وعشان مش حمل مناهدة طريقها مسدود وينتهى بعلمانى زنديق ..
تم التبليع للإشراف وده نظراً للأخلاق الحميدة
وبردو السادات معاه حق .
1- انت عارف وانا عارف
2- انت عارف وانا عارف بردو
3- بردو انت عارف وانا عارف
انا بأه اللى نفسى اسألك سؤال وترد عليا بصراحة ..
ليه اسلوب اللف والدوران .. وتلقيح الكلام السيئ من تحت لتحت (على فكرة مش لوحدك) ؟؟
يمكن عشان توصل االلى قدامك انه يتستفز وبعدين تطلع كلمة غلط ..
تقول بسسسسسسسس اهو علمانى وليبرالى وكافر وووووو بلثقفثلايبسنلرسؤت ؟؟؟
لو ده الاسلوب المتبع .. سورى الاسلوب ده مش لطيف
سؤال بسيط
هل قصد حضرتك الاقتناع بفرضية الحجاب؟ أم الإقتاع بلبسه؟
أما الموضوع نفسه بتاع الشيخ المحلاوي
هو موضوع من وجهة نظري المتواضعة ليس بالأهمية للطرح .. خاصة استخدامه للهجوم على تيار بعينه
وليس كفتوى من الشيخ
وغير كدا ياريت نحسن الظن بالشيخ.. لعله يتكلم عن العالمانية الليبرالية عند اهلها
لإن الليبرالية تنطوي على مخالفات للشرع .. والمدنية هي مصطلح له اربعة مفاهيم.. اكثرهم استخداما هو القريب من الليبرالية -طبعا كتطبيق-
ثالثا: ياريت نفرق بين حكم عام وتخصيصه -تشخيصه- في الكفر
وان شارحها قبل كدا في مشاركة في نفس الموضوع
يعني مثلا لو قلت من سب الدين كافر
لكن هل معنى كدا ان لو فلان سب الدين امامي فقد كفر؟
لأ لازم اتحاور معه لعل وعسى تكون عنده شبهة ما أو قالها في عصبية ولم يشعر بها.. او قالها وهو غير مقر بها
والله اعلم
وايا ما كان الأمر .. ان شايف ان الشيخ كان يفضل انه لا يعمم على الأقل الحكم او يوضحه
ثم ايضا .. ياريت نتأكد من الخبر لإني لا اثق للأسف حاليا في اية جريدة بتنقل شيء عن الإسلاميين
ثم ان الموقع الذي نشر الخبر لا اعرفه اصلا .. وموضوع مثل هذا اتوقع كان جرائد كثيرة ممكن تتحدث عنه
تقبل تحياتي
يا جماعة، يا أخوانا، يا أخواتنا... عايزين يكون لينا حد نحتكم ليه لو اختلفنا في اي موضوع، بس فيه حاجة، كلناا هنا مسلمين بكافة أفكارنا واتجاهاتنا سواء سلفي أو إخواني أو ليبرالي، يعني بنؤمن بالله ربا وبالإسلام دينا وبمحمد صلى الله عليه وسلم نبيا ورسولا، شايف إن احنا نحتكم دايما لكتاب الله، لو المسألة اللي بتناقش فيها موجودة في كتاب ربنا يبقى ده هو الحكم ما بينا "ومن أحسن من الله حكما؟" ولو حد مش موافق على حكم ربنا يبقى دخل نفسه في دايرة مش ظريفة، لو موضوع عام نتناقش بأدب واحترام بدون تجريح ونحتكم لأهل الخبرة والصلاح، نأخذ برأيهم ولا نتكبر أن نقول أننا كنا مخطئين.
لك الله يا مصر
موش عارف لية و انا بقرأ الموضوع ده جه في دماغي اللقطة اللي في نهاية فيلم طيور الظلام لما عادل امام و رياض الخولي بيشوطوا مصر قصدي الكورة
الله يسامحه عادل أمام ده من أكثر الناس ألي ساهمو في فساد مصر أبتداءا من مدرسة المشاغبين:grin54:
صحيح ياما الواحد ضحك على أعماله بس للأسف ضحك على فن هابط وكمان مسيسى
لما يطلع الأرهاب =مسلم............عنصري فج وطبعا لأهداف سياسية تخدم النظام الفاسد وماما....
ماهو عادل امام طلع رجال الاعمال خدامين لرجال السلطه ونهابين للبلد...وطلع الحراميه ممكن ضميرهم يصحى وبيحبوا البلد...وطلع البلطجيه جدعان وفيهم شهامه وممكن يبقوا رجال اعمال ناجحين بالبلطجه..وطلع الثورجيه حراميه..وهكذا..الموضوع مش موضوع عادل امام...الموضوع موضوع ان فيه ناس كتيره باسم حاجات كتيره ممكن بقصد "او بدون" يكونوا بيساهموا ان مصر تكون "ملعب كوره" كبير
عادل أمام تأثيره كفنان يشاهده الملايين أثر في فكر أجيال عارف يعني أيه فكر أجيال بدل مايلقنهم قيم جميلة تحارب الواقع الفاسد أقر بالواقع الفاسد وجمله بالكوميديا ألي هي أخطر وسيلة ممكن تأثر في الوجدان
وأنا مصر أنه من أكبر رموز الفساد تأثيرا في المجتمع
بأتفرج على أعماله للأن أيوه بس ببقى ماسك الريموت في أيدي علشان اللقطات الخارجة خادشة الحياء بناتي مايشوفهاش فيه أكثر من كده أفساد!
وهو انت فاكر ان جمهور عادل امام زي ما هو وبيزيد..انا مبحبش اتفرج على مسخرته طبعا وان كنت شفت الكثير من افلامه..لكن برضه انا كنت اقصد الشق الاخر من مداخلتي "العادل اماميه"
انا بخصوص عادل إمام او الإعلام عموما
وانا صغير يعني
وصلت لدرجة اني كنت بترعب من أي واحد ملتحي .. وكنت بكره الملتحين جدا
وكل مشوف ملتحي كنت اجري واروح على البيت ..
ولما كبرت شوية افتكر كان في مرة درس ديني في التلفزيون وان بقلب كان حتى للشيخ على الجعفري
وبعين قمت رجعت لقيت والدتي وجدتي بيتفرجوا عليه قلتلهم غيروا انتوا بتتفرجوا على إرهابي
وسبتلهم المكان خالص ومشيت:36_1_50[1]:
ومن 4 سنين اتبنى جمبنا مسجد .. وروحت اصلي فيه بعد ماتبني بكام شهر ... ههههه .وكان معايا واحد صاحبي .. والله لو حد شافنا بعد الصلاة شكلنا كان عامل ازاي كان ضحك علينا :crying2:
بعد الصلاة بنسلم .. رببص كدا لقيت المسجد ابيض في ابيض ولحى :oops1:
قلتله يالا بينا من هنا بسرعة .. :16: لسه بنقوم لقينا واحد جي علينا من اول المسجد كدا ومبتسم لينا .. لقيته بيقلي استلم دا جي علينا .. شكلهن هيجندونا :crying2:
جه سلم علينا .. وقعد يضحك معانا .. . طلعنا من المسجد .. بيقلي تصدق مبيعضوش :satelite:
قلتله اه .. بس عموما دي اول مرة ويمكن في حاجة :coming-soon[1]:
وبعديهاكل ماتأخر عن الصلاة في المسجد الأوقاف .. بضطر اروح عندهم .. ومرة في مرة اكتشف ان كل اللي اعرفوا عنهم كذب
طلعوا ناس طيبين جدا .. ومش زي مكنت متخيل بسبب الإعلام للأسف
يا فندم أنا أصلا لا أناقش في فرضية الحجاب .. انا بقول ان لو هناك مسلم يري ان الحجاب مش فرض، لابد للدولة أن تكفل لة حق التعبير عن رأية مثلما تكفل لمن يراه فريضة.
ثانيا : لا يمكن أن افترض حسن الظن لما ألاقي نفس الكلام قبله بيقولة صبحي صالح، ولا يمكن أن تصمت عندما تجد امام مسجد هام بالأسكندرية يردد كلام من هذا النوع .. لأن الكلام بإختصار المسلم اللي مش ناوي يبقي مع الإخوان أو السلفيين سياسيا هو كافر، واخيرا أنا ليبرالي ووجهة نظر الليبرالية في علاقة المؤسسات الدينية بالدولة لا تعني سوي توقف السلطة تماما عن التدخل في شؤون المؤسسات الدينية لعدم استخدامها سياسيا لاحقا وتركها ملكا للناس، اي ان مطلب إختيار شيخ الأزهر بالأنتخاب وكذلك المفتي هو مطلب ليبرالي اصلا قبل ما يكون مطلب إخواني
وأخيرا .. تقبل تحياتي وإحترامي علي أسلوبك العاقل في النقاش
انا عشان كدا سألت حضرتك
هل اقصد الاقتناع بفرضيته أم الاقتناع بلبسه
سيدي هو ليس له الحق في حرية الاقتناع بفرضيته
دا حكم شرعي معلوم من الدين بالضرورة .. يعني مفيهوش مقتنع والا مش مقتنع
هو يقول انا مش هلبسه دا موضوع تاني .. لكن انه مش فرض .. لا يصح
ثانيا : هو مين اللي هيقول انه مش فرض؟
مفيش عالم دين بيقلها ولا يقدر
يعني اللي هيقلها فرد عادي
ودا اصلا ليس له ان يتكلم في الأحكام لأنه غير مؤهل .. يعني اصلا ملوش الحرية في الكلام في الأحكام
ندخل على موضوع التكفير
يا سيدي بكرر في فرق بين تكفير الفكر وتكفير العام وتخصيصه
بعدين من قال ان المسلم إذا لم يكن اخوان او سلفي كافر.....؟
ندخل بقى على موضوع الليبرالية والعالمانية
اولا : حضرتك تعرف اسباب نشأة هذه المذاهب
طب بلاش حضرتك تعرف الفرق بين المذهب والفكرة .. لو حضرتك عارف هذا الفرق قد تتفهم موقف الشيوخ منها
ثانيا: العالمانية واليبرالية تنطوي على افكار تخالف الدين .. بل ان العالمانية تجحد من الأساس الدين
رد حضرتك الطبيعي .مثل معظم الليبراليين.. لأ مش الليبرالية اللي برا هي اللي عايزنها
وناس بتقول مش هنخالف الدين
سيادتك مثلا قلت االليبرالية مفهومها فصل المؤسسة الدينية عن الدولة .. هو عموما ما معنى ذلك عند حضرتك؟
يعني فصلها في العمل .. والا فصلها ان فتواها نفسها لاتلزم الدولة..؟
عموما .. حضرتك مثلا الليبراليين بيقولوا ان الليبرالية عندهم مش هتخالف الدين
طب مدام هي حرية لا تخالف الدين .. طب منطبق الشريعة .. والا الشريعة مفيهاش حرية؟
أنا كفرد اوافق ان يقال ليبرالية لا تخالف الدين واعراف المجتمع .. لو قيل ذلك موافق
لكن اقول ليبرالية واسكت .. صعب
عارف حضرتك اكبر مشاكل الليبرالية .. انها مش محكومة .. يعني متعرفش توصل لفكرة تناقشها .. ولو رجعنا لفكرة الليبرالية من مصدرها هنخدها تخالف الدين
اما فكرة الليبرالية في عقل كل فرد تختلف
يعني الليبرالية عند دكتور حمزاوي ليس هي عند دكتور البرادعي ليست هي الموجودة في و و و و
دا بل انها قد تتناقض في نفس العقل .. زي دكتور خمزاوي يقول كلام ويرجع يقول عكسه
وتجد مثلا احد الأعضاء في نفس الموضوع قال هؤلاء لا يمثلوني
طب سؤال .. من كبير الليبراليين لنتحدث معه ؟ او اين المذهب الليبرالي لنتحدث معه؟
المذهب الليبراليى عند اهله يخالف الدين
ومن يقول مهو بتحد بالأعراف والأعراف عندنا موافقه للدين .. طب سؤال.. ماذا لو تغيرت الأعراف..؟
يعني لو ارتضى الشعي شيء مخالف للدين هي الليبرالية ستمنعه؟
اما موضوع الدولة الاسلامية
اولا فيها فصل بين المؤسسة الدينية والجهة الحاكمة ..
وبخصوص الافتاء .. هتكون في لجنة فتوى مستقلة ..
ومش هيبقى فيه احتكار للرأى والاجتهاد .. يعني المسائل المختلف فيها لن تطبق على أحد بمبدأ الرأي الواحد
بل المختلف فيه سيظل مختلف فيه
والأخطاء هيبقى علاجها بالدعوة وليس الاجبار..
ومش معنالها ان هيحكمنا شيخ .. اه لو وصل شيخ للحكم زي مثلا الشيخ حازم ابو اسماعيل مرشح
بس حتى لو وصل .. هو هيوصل كشخص عادي وليس كشيخ .. يعي ملوش علاقة بالفتوى ولا حاجة
وبعدين هيؤُسس مبدأ التخصص ايضا ويبقى في مؤسسات في الدولة متخصصة هي المرجع في كل امر طالما داخل اختصاصها
وللعلم لن تطبق الدولة الاسلامية إلا بتربية الناس
يعني مش النتيجة تتطلع من بكرا نلاقي دولة اسلامية متكاملة
انا اكاد اكذب ان اقصى توقعاتي في اول كام سنة
هيلغى الخمر والزنا وهي حجات مرفوضة من كل المجتمع اصلا ويتم انشاء اقتصاد اسلامي
أما بقى باقي الاشياء فمش هتطبق طالما المجتمع لم يؤهل بعد على الأقل لسبب بسط عشان ميحلش استنفار للمجتمع ..
وتقبل تحياتي استاذي العزيز
يا جماعه انا مش عارف السهوله اللي بنتكلم بيها عن تكفير المسلم دي جت منين؟؟؟؟ الموضوع مش سهل ابدا.
samoevil911
بارك الله فيك
تقبل تحياتي
---------------------
لقد تم وقفك لمدة أسبوع لمخالفتك القاعدة 9ج بهمزك ولمزك في أوامر الدين وفرائضه المتفق عليها.
سيتم تشديد العقوبة في حالة تكرارك لمثل هذا الأسلوب
مشرف القسم 5ب
14-6-2011
10:14ص
ليس هناك خوف من تطبيق الشريعة .. لكن أولا ضعلي تعريف واضح للشريعة وللأحكام الأساسية، ثانيا مصدر القلق هو مطبقي الشريعة وليس الشريعة .. زي كدة الديمقراطية ومبارك .. مبارك كان بيدبحنا وبيقول أنة ديمقراطي ! زي بعض الإسلاميين عايزين يدبحونا ويقولك الشريعة
----------
ومصدر القلق عندك برضه المفروض يكون العلمانيين والليبراليين وطريقة تطبيقهم أيه الضامن عندك لشفافيتهم؟
الضامن هو الإنتخابات والقانون والدستور وفصل السلطات والمواثيق الحقوقية الأساسية وكل أليات المحاسبة اللي وضعتها الليبرالية
لو حضرتك عايز تعمل حزب اسلامي وتنزل علي اللعبة دية .. يا سلام اهلا وسهلا ونبقي مش مختلفين في حاجة
وحتبقي المسألة منافسة جادة وشفافة وعادلة زي المنافسة في تركيا
وهو أيه ألي بيحصل دلوقتي على أرض الواقع؟
أنتخابات في شهر سبتمبر هاتجيب مايؤيده أغلبية الشعب كل على حسب حجمه الحقيقي في الشارع المصري
وهي الضامن في الحالتين زي ماقولت يبقى كدا مش مختلفين على مبدأ صندوق الأنتخابات
مختلفين أنك بتؤيد حزب ليبرالي وأنا بؤيد أي حزب له مرجعية أسلامية بس كده تمام
وهو حد قال حاجة .. انا شخصيا مع الإنتخابات في موعدها
بس برضة مع نتائج الإستفتاء اللي قالت ان دستور 1971 ساري وبالتالي مفروض يحكم مصر في اول سبتمبر رئيس المحكمة الدستورية العليا لأن كدة حيبقي منصب الرئاسة شاغر لإنتهاء ولاية مبارك وتجري إنتخابات رئاسية في خلال ستين يوم
علي فكرة المجلس العسكري هو اللي خالف نتيجة الإستفتاء مش الليبراليين يا فندم
اولا مفهوم المعلوم من الدين بالضرورة دة مصطلح وضعة الفقهاء ومصطلح غير واضح وفضفاض وملوش محددات، لأنة بيساوي بين الأحكام وبعض المعاملات، والحجاب لا يمكن وضعة تحت بند الحكم نظرا لعدم وجود حكم علي تاركته، موضوع عدم الأهلية دة برضة مش من الإسلام في شئ بل مناقض تماما للأسلام لأنة يصنع طبقتين من المسلمين، طبقا العوام ناقصي الأهلية الدينية وطبقة العلماء صاحبي الأهلية الكامله، اي أنه يصنع كهنوت لكن بدون تراتب وان كانت الفرقة الشيعية مثلا تصنعها بتراتبية
اقول لحضرتك حاجة .. عشان مندخلش في نقاشات جانبية .. ونكلم دا وضعه فقها- - الحجاب ثابت بالكتاب والسنة الإجماع
ومن اهمية الاجماع انه يغلق باب الاجتهاد في المسألة ويغني عن الدليل
إذا ليس من حق أحد انه يقول ان الحجاب ليس فرض
وايا كان الأمر .. يا سيدي يجي يقولي مش فرض ويكلمني كدا بالدليل . بس لو معرفش يتكلم يبقى يصمت من الأفضل
موضوع عدم الأهلية دة برضة مش من الإسلام في شئ بل مناقض تماما للأسلام لأنة يصنع طبقتين من المسلمين، طبقا العوام ناقصي الأهلية الدينية وطبقة العلماء صاحبي الأهلية الكامله، اي أنه يصنع كهنوت لكن بدون تراتب وان كانت الفرقة الشيعية مثلا تصنعها بتراتبية
سيدي الفاضل ألم تسمع ان هناك ما يسمى بأهلية الاجتهاد ؟؟؟؟
ثانيا:
تكفير الفكر لا يختلف تماما عن تكفير الفرد أو المجتمع، طالما حضرتك قبلت بالنظرية التقليدية للحاكمية ففي النهاية تكفير الفكر هو تكفير الفرد ثم تكفير المجتمع
لا يا سيدي يختلف كثيرا
انا ممكن اقول العالمانية كفر .. لكن لو جه واحد عالماني مش هقول عليه كافر .. لإن الأول لازم اتناقش معاه واشوف الشبهات اللي عنده .. وان شارحة الموضوع سريعا من قبل ولو عايز شرح بإستفاضة ممكن نتكلم فيه
ثانيا : ايه دخل الحاكمة في الموضوع ؟
نا طبعا عارف جوهر موقف رجال الدين منها أو علماء الدين من العلمانية ... بالتأكيد هي تناقض مصالحهم لأنها تحاصر نفوذهم في المجال السياسي وبالتالي أكيد لازم حيكونوا ضدها .. دية قضية منطقية
اصلا هذا ليس سؤالي
وايا كان الأمر دا اتهام صارخ لرجال الدين انهم يسعوا وراء مصالحهم ومكانه وليس من اجل الدين
بدون أدنى دليل
كما انه اتهام للنوايا ..
الليبرالية لا تنطوي علي أفكار تخالف الدين وإنما هي تجعل لك الحرية في الإلتزام بالدين إذا أردت وفي مخالفة الدين إذا اردت دون الإفتئات علي حقوق الأخرين .. وأعتقد دة أصلا مبدأ إسلامي صرف، يعني الليبرالية مخترعتش والدليل ليس فقط كل ايات قبل الأخر حتي لو كان كافرا ومشركا، بل أيات توعد الكافرين والمشركين بالعذاب في الأخرة .. لأنها تؤكد أن لمخالفة الدين عقاب إلهي وليس بشري طالما لم يعتدي الكافر أو المشرك علي الأخرين، ولهذا وجد أحكام شرعية في من قتل ومن سرق ومن أفسد في الأرض، ولا توجد أحكام في من قامر أو شرب خمر أو أكل خنزير.
سيدي الفاضل .. كيف انها لا تنطوى على افكار تخالف الدين ؟
والليبرالية تخضع اولا واخيرا لو نزعنا الدين للأعراف السائدة في المجتمع
وهذه الأعراف مستمدة من الأفراد
اي انها تعتمد على قيد متغير
اي ان الأفراد إذا تغيرت اعرافهم فبالتالي تتغير القوانين مثلا
فنجد مثلا اباحة الزنا . او إباحة اي شيئ عموما مخالف للشرع
وبذللك فعلا الليبرالية لا تخالف الشرع ............................... وهو المطلوب إثباته
يعني يا سيدي انت لا تعطيني مخالفة الشرع لكن تعطيني الوسيلة التي عن طريقها يمكنني مخالفته ولو على المدي البعيد
نيجي على الأحكام ..
من قال ان لا يوجد عقاب في الدنيا ؟
ومن قال ان المخالفة الدينية جميعها عقابها اخروي فقط
يا سيدي هناك مخالفات دينية بحتى تخص الفرد -في العبادات- دي عقابها اخروي
وهناك مخالفات دينية ودنيوية -اجتماعية- دي عليها عقاب في الآخرة وفي الدنيا ايضا
وإلا يا سيدي لما وجد باب في الفقه اسمه الحدود ولما وجد شيء يسمس بالتعذيرات
أة طبعا المؤسسات الدينية لا تختص بالدولة وإنما تختص بشؤون الأفراد .. إية علاقة الأزهر مثلا بإن النظام السياسي رئاسي ولا برلماني؟ واية علاقة الأزهر إن كان عندنا برلمان بحجرتين ولا بحجرة واحدة ؟
مبدأيا هو بردوا حضرتك محددتش فصلها في العمل ولا فتواها ؟
يعني فصلها يعني تكون مستقلة والا قتواها اصلا ملهاش لزمه ؟
اما موضوع ايه دخل الأزهر في نظام الحكم رئاسي والا برلماني والبرلمان حجرة والا حجرتين
ياسيدي .. مبدأيا بتكلم في موضوع مادي بحت
عموما الرد عليه
قوله تعالى " قل إن صلاتي ونسكي ومحياي ومماتي لله رب العالمين"
وقوله تعالى " وما خلقت الجن والإنس إلا ليعبدون"
فحياة الإنسان كلها لله والأصل انه خلق لعبادة الله .. فما يقوم به لابد الا يخالف اوامر الله عز وجل ..
ليس هناك خوف من تطبيق الشريعة .. لكن أولا ضعلي تعريف واضح للشريعة وللأحكام الأساسية، ثانيا مصدر القلق هو مطبقي الشريعة وليس الشريعة .. زي كدة الديمقراطية ومبارك .. مبارك كان بيدبحنا وبيقول أنة ديمقراطي ! زي بعض الإسلاميين عايزين يدبحونا ويقولك الشريعة
تعريف الشريعة هتلاقيه في اي كتاب اصول فقه حضرتك .. اعتقد دي مش مشكلة اطلاقا
المشكلة في مطبقى الشريعة
اقول لحضرتك حاجة سهلة .. بدل مرد وادافع واقول ان مش هيبقى حكر على حد هيبقى في مجمع فقهي من علماء الدين مستقل تماما عن اي مؤسسة وليس له الحق في الدخول للسلطة .. لضمان الاستقلالية
.. لأ انا هرد بنفس رد حضرتك .. م حسني مبارك كان مكنش بيكلم في الدين وبيقول انه ديمقراطية وكان بيدبحنا
لأنها مش دين فلمهاش كبير ولا ليها كهنوت، و لأنها متسامحة فهي متعددة المدارس والمذاهب و الرؤي و تسمح بالأختلاف
أنا لا اتحدث حاليا عن كهنوت .. انا بسألك لما احب اعرف يعني ايه ليبرالية بالظبط وحدودها اعمل ايه ؟؟؟؟؟؟؟؟
انا اكاد اكذب ملقتش اتنين ليبراليين بيكلموا زي بعض
يا سيدي تكلم شخص يقلك لا لا انا مش كدا . تكلم التاني يقلك لا مش دي الليبرالية اللي عايزنها.ز تكلم ثالث يقلك لأا انا عايزها
يا سيدي اقلك حاحة .. صفات التعريف في الفلسفة
انه جامع مانع
قلي سيادتك تعريف جامع مانع ..
طبعا لو الشعب إرتضي شئ مخالف للدين علي الجميع ان يقبل برأي الشعب .. إذا كان الرسول ليس عليهم بمسيطر حيبقي حفنة من السياسيين لمجرد أنهم بيقولوا إحنا إسلاميين أو رجال الدين ليهم حق السيطرة !! دة إحنا كدة بنصنع أله بقي !
انا شرحت لحضرتك الآيه اقبل كدا .. ممكن حضرتك تراجع تفاسيرها .. لإن الاستخدام في غير موضوعه
طيب و فين المشكلة .. علي فكرة اللي حضرتك قولته فوق دة هو العلمانية بعينها !! التخصص
بس علي الله رجال الدين بس ميزعلوش من كلامك ويلتزموا و يقولك إحنا لازم نقول رأينا في الطب والسياسة والإقتصاد ويركزوا بس في الدين
يا سيدي دا كلام الدين مش كلامي ..
بس واضح بردوا ان حضرتك مش اخد بالك من الآليه
دخل رجل الدين ازاي ؟
دلوقتي التخصص يعني : اني مثلا لو في مسألة طبية هجيب دكاترة يبحثوها وهما اللي يقوموا بالعمل
لو توصولوا لنتيجة-فيها شك مثلا من الناحية الشريع-
تكون لجنة من رجال الدين ويجتمعوا مع الدكاترة ويبحثوا المسألة من الناحية الشرعية فقط
زي مثلا في تأجير الأرحام .. قد تثي مشكلة تخالط الأنساب .. هنا يبقى نشوف رجال الدين يجتمعوا مع الدكاترة
اه ... هنا بقي أقولك دة فعلا الخط الأحمر .. انا مستعد أموت في معركة ضد الدولة اللي بتربي الناس دية، كفانا بقي دولة فاكرة نفسها معلم و حاطة علينا وصاية وعايزة تعلمنا ... دة احنا لسة مخلصناش من دروس المجلس العسكري في الوطنية والإستقرار ... و60 سنة الإستبداد مسيطر علي الدين والتعليم والإعلام والمال لحد ما خرب عقولنا وعمل لنا الخراب اللي احنا فية والدولة المهترئة
سؤال بس هو حضرتك بتتعلم فين ؟
يعني المؤسسات التعليمية دي تبع مين ؟ على الأقل التعليم العام ؟
طب بلاش المناهج بتتجاب منين ؟
خيرا أنا أؤمن ان مفيش حاجة إسمها إقتصاد اسلامي .. ومع احترامي دة تضليل، لما تسمي الفايدة مرابحة وتقولي دة الإقتصاد الإسلامي يبقي لامؤاخذة بقي .... سوري
حضرتك تؤمن دا شيء يخص حضرتك .. اما الواقع دا شيء آخر .. ممكن تشوف انجلترا اكبر دولة في الاقتصاد الإسلامي
او تسأل اي الاقتصاديات اقل تضرر من الأزمة الاقتصادية
او ممكن تقرأ الابحاث الأجنبية مش الإسلامية حتى.. لأ الاجنبية لغير المسلمين
اسف لعدم الرد عليك لوجودي في الإيقاف طيلة الإسبوع الفاضي وفعليا أعتذر عن الرد مؤقتا إلي أن تفصل لجنة فض المنازعات في الشكوي المقدمة إجتجاجا علي إيقافي وإتهامي بالغمز واللمز في أمور الدين !!
وأحيك علي أنك تحاورت بكل هذة الأخلاق وحافظت علي الود رغم الإختلاف
وقريبا سأرد عليك بالتفصيل