كيا 2008 للبيع

**ysalah** · 12-06-2011 10:29 AM

انا معايا كيا سيراتو 2008 هاي لاين الشكل القديم ونظراً لظروف خاصة ببيعها علشان اركب حاجة اصغر شوية واعمل فرق فلوس الناس قالولي علي البروتون الجين بيقولو عربية كويسة عايزاعرف رايكم ولو حد عنده اقتراح ياريت يقولو انا عاوز حاجة في حدود 50 الف تكون فيها تكيف كويس واتوماتيك ومش عايز اروح لميكانيكي انا عندي اطفال ومش عايز اتبهدل بيهم وانا عربيتي فبريكة بره وجوه اللون سماوي

**M.ABDEEN** · 14-06-2011 02:05 PM

للنصيحة حرام تبيعها العربية زي الفل وانت بتقول فبريكة وعموما في بدايل كتير بس ماعتقدش انها هتعوضك عن عربيتك وتقبل مروري

**Shehab1337** · 14-06-2011 04:26 PM

المشاركة الأصلية كتبت بواسطة ysalah

انا معايا كيا سيراتو 2008 هاي لاين الشكل القديم ونظراً لظروف خاصة ببيعها علشان اركب حاجة اصغر شوية واعمل فرق فلوس الناس قالولي علي البروتون الجين بيقولو عربية كويسة عايزاعرف رايكم ولو حد عنده اقتراح ياريت يقولو انا عاوز حاجة في حدود 50 الف تكون فيها تكيف كويس واتوماتيك ومش عايز اروح لميكانيكي انا عندي اطفال ومش عايز اتبهدل بيهم وانا عربيتي فبريكة بره وجوه اللون سماوي

انا عندي جين 2 بقالها معايا من 2007 و كنت شاريها 0 ياعني موديل 2007.

العربية تحفة, ثبات تحفة, موتور تحفة, ديقة شويا بس مش اوي, تكيف زي الزفت, بليل يشتغل حلاوة والصبح زي الزفت عشان الشمس, انا بعرئ في التكيف. الفرامل معقولة ولما الabs بيشتغل بتبئي جامدة اوي.

من الاخر:
1. اعلي ثبات في فئتها.
2. اقوي موتور في فئتها.
3. تكيف وحش اوي.
4. فرامل كويسة.
5. العفشة انشف من السيراتو.
6. امكانيات حلوة بالنسبة لسعرها.

ياعني من الاخر العربية مش عائلية, العربية شبابية اخر حاجة, بس الصراحة انا مش لائي عربية تانيا انصحك بيها عشان انا بحب الجين 2 اوي.

**pounto2001** · 14-06-2011 07:40 PM

ياريت رقم تليفونك علشان نعرف تفاصيل عن العربية
انا ممكن اشترى
رقمى 0188877488

**Shehab1337** · 14-06-2011 09:24 PM

هوا انا مش ناوي ابيعها دلوئتي, انا هابيعها انشاء الله ابل ماشتيري السيراتو كوبيه و ده في خلال شهر لو حصل نصيب بس انا رقمي 0114224327 و ممكن تكلمني في اي وقت لو حبيت تستفسر عن اي حاجة في الجين 2.